1 KORINTNA 4:5 - Boy Lonana

⁵ Ni kay ndaɗta kaɓakŋa kay sa jew buu ma ɓakŋaɗi. Juɓ Bu Suuna mba tuwa, tlesuu ŋgay hu ndufundana, nam hin mba gasi usi ki kiɗiki, nam hin vaa dlara ŋgay hu suunara kiyo. Kay ndaɗta gegelay hin fi geleɗta ko Lona kay dlaamba.

1 KORINTNA 4:5 ပူးပေါင်းရင်းမြစ်များ

JOB 12:22

Zulla ŋgolla huruɗ ndufun cocora nam li kiɗikka ki huwa. Suu miɗi suu ay duk ndufundana nam cukusi ay ki kiɗiki.

VUN ŊGOLNA 12:8

Suuna ŋga ni sa ma li dlara jivira. Sa ma saaram ka ɗegeeɗina sa ka dam dlaamba jiviɗi.

DI BOLLA 11:9

Aŋ goozoŋŋa furi kay zoŋ maŋga. Huruŋ furi coco hu li ma aŋ bay mbuɗ maa tuna. Aŋ li ni dlara huruŋ miniɗ ta iriŋ jivira. Na may aŋ mba wi ki ana tle asina halaŋŋi Lona hin kaaŋ ɓakŋa kaŋu.

DI BOLLA 12:14

Sunda ay laɗta halaŋŋi Lona hin joɓ ki kaɗ dew dew bel. Ta ŋgayra halaŋ, lini ndaɗ jivi lay, co lay.

JEREMI 16:17

Irin ka tinira kasi hu liisi ma tuɗtana ta, va ka viɗ irinɗi. Dla coosira ka ndak a ŋgay irinɗi.

JEREMI 23:25

An hum vun suu jok vun Lona suu ɓak boy ma kaboyna u senna di ana, «Tlena tak tasi irinu, tlena tak tasi irinu.»

Magaara Vi Sa Jok Vun Lona OZE 8:13

Ko va ma lam a ɓivunnana na ni, asi ŋgaɗ tliwna ŋgaɗ ni hin komomu, na may ni Yawe hurum ka furiɗi. Cecem wanda nam ka ndumusi coosira komu. Nam hin joɓosi ki kay coosira. Asi hin hoŋŋi hu Egipte.

MALASI 3:18

Na ɗaŋŋi agi hin wagi dlara duk ɦoŋ sa jivina u ma cona ki daŋgadla, duk ɦoŋ sa sun Lona u sa ka sunumbina.

MATIYE 10:26

«Lagi ndaana ko suunaɗi. Va yam ki baarina suuna hin wam kiyo. Boy ma ki ŋgayna um hin gi ki lay, ɗowba tlesuu dluri kaŋgana halaŋ, usi hin wi ki lay.

MATIYE 24:30

Hu li namma va tak ki kay Goŋ Sanna hin wi ki kolo huulona. Suu kay ndaŋgarana halaŋ hin yoo tasiya. Na ɗaŋi, asi hin wi Goŋ Sanna mbay duk ɗugulla u saɓakŋa kom halaŋ, u bibiŋil mamba may.

MATIYE 24:46

Furira kay sa namma, ma malamma tuɗ lina, hoŋ ay voo, fam u sun mamba komma.

MATIYE 25:21

Mulna dam ana, Ni jiviya, sa li sunda jivina. Aŋ li sunda jivi u tlesuu gorina ni, an tiniŋ a mulna kay tlesuu ŋgolona may. Mbay li furira u anu.

MATIYE 25:23

Mulna dam ana, Ni jiviya, sa li sunda jivina. Aŋ li sunda jivi u tlesuu gorina ni, an tiniŋ a mulna kay tlesuu ŋgolona may. Mbay li furira u anu.

Boy Ma Ayra Ma LUK Ɓiirimma 6:37

«Kaagi ɓakŋa kay ndarayaginaɗi. Sa hin ka kaagi ɓakŋa kaɗi may. Kaagi ɓak ma ba ndarayagina kinaɗi, Lona hin ka kaagi ɓak ma baagi kinaɗi may. Hinigi suu hiŋŋa, Lona hin hinigi may.

Boy Ma Ayra Ma JAŊ Ɓiirimma 21:22

Yesu hoŋom dira ana, «Lini an min ana nam kak iiri na gak gak an holoŋ ay tuwa ni, va ndoloŋŋa ni mege? Aŋu, tuɗ ay kay cerenu.»

Boy Ma Ayra Ma JAŊ Ɓiirimma 21:23

Suu haɗina jok boy namma ha ki maŋ gorsesina halaŋ ana sa haɗi namma hin ka miɗɗi. Doli ni, Yesu di Piyer ka ana nam hin ka miɗɗira naɗi. Nam di ni ana, «Lini an min ana nam kak iiri gak gak an holoŋ ay tuwa ni, va ndoloŋŋa ni mege?»

Boy Ma Ayra Ma JAŊ Ɓiirimma 5:44

Agiya, agi hal ni geleɗ magira duk tagira, geleɗta col ay kolo ko Lo ma dewna, agi ka halaɗɗi. Agi hin tin hurugi gin kay Lona ni ana mege?

ROMMA 14:4

Sa ma ndak a kaɓakŋa kay sa sunda vi ndaramma ni gege? Lini nam li sun mamba jivi ɗowba ka laɗ jiviɗi, waɗni malamma, nam li jiviya ni Bu Suuna ndak a vam kommi namu.

ROMMA 2:1

Aŋ sa ma kaɓakŋa kay suuna, vunuŋ hin vaŋ may. Hu li ma aŋ kaɓakŋa kay suuna, aŋ li ko asi na lay, ni aŋ kaammi kay taŋga tok.

ROMMA 2:16

Ni va ma Lona hin kaɓakŋa kay suuna u Yesu Kristu u tlesuu ŋgay huu suuna halaŋ ko Boy ma Ayra ma an ka dam wanna dira na.

ROMMA 2:29

Sa ma Juif ma gasina ni hurum kurufuwa, wi ana nam ɗiwim cawiya ni hurum voo, caw ɗiwra gasira ni u minda vi Musuk Lonara ka u gaɗta ɓiiriraɗi. Sa ma Juif ma gasina fi geleɗ mamba ni ka ko suunaɗi, ni ko Lona.

ROMMA 2:7

Nam hin ɦal iirira ka daɓ kiɗira maŋ suu li jivina, asi suu hal ŋgolla u geleɗta u iirira bay miɗna.

1 KORINTNA 1:7

Ҥala vi Lona ta hin ki bay agi faɗ kaɗi, agi suu ka juɓ buu ma Yesu Kristu hin mba na.

1 KORINTNA 11:16

Lini sa min a ciwayra kay boy namma ni, nam wi ki anaba, ami u suu vina vi Lona halaŋ gaɗta daŋ kaɗi.

1 KORINTNA 11:26

Gak gak hu buu ma Bu Suuna hin mbana, agi di ki kay miɗ mamma tew tew hu li ma agi ti funa u ci va cira.

1 KORINTNA 15:23

Gegelay ni hu liimma liimma, Kristu ni ma jewna vi tlena halaŋ, ŋgoo daganda ni suu mamma may, ni falira nam hin mbara.

1 KORINTNA 3:13

Ni sunda vi sana hin tak ki hu buu ma kaɓakŋa, tak kini dlaamba nam laɗta. Hu buu namma ndaɗ mba ki kiɗikŋi u kura, kura hin tuk sunda vi sana ni u va nam lamma.

1 KORINTNA 3:14

Lini sana min kay u zira, sun mamba ŋgal ka ki ko kura ɗini nam hin fi warakŋa.

1 KORINTNA 3:8

Sa ma pi guna u ma voom yona ni fun tasi dew, Lona hin warak sana ni kay sun mamba nam laɗta.

2 KORINTNA 10:18

Sa ma ŋga tam kay tamma ka fi jiviraɗi, ni sa ma Bu Suuna ŋgaamma.

2 KORINTNA 10:9

An ka a hal a mbuɗugi ndaa u magaa manda ɦawaɗi.

2 KORINTNA 4:2

Ami hin ŋgayra zolona kiyo, ami ka lami u hu ma conaɗi, ami ka tlumumi ii Boy Lonanaɗi. Ami takami ni gasira vi Lonara na ɗow, ami gaɗami suuna kay wiisira hurusira halaŋ fok Lona.

2 KORINTNA 5:10

Aygi halaŋ hin mba ŋgaygi taygira hu ɓakŋa fok Kristu, kay gegelay mba fi va ma nam lamma, hu li ma nam ay hu mbalatam tuna, lini jiviya lini coo.

1 TESALONIKŊA 5:2

Kay agi kay tagira lay wi ki ana Buu ma vi Bu Suunana hin mbaa ni ko sa ma kulna na.

HEBRENA 4:13

Va ma ŋgay ii Lona kaɗi. Tlesuu nam lasina halaŋŋi ki fokom nam Lona ni siiliya, aygi di kay dlaaygira halaŋ fokom namu.

Magaara JAK Ɓiiriɗta 4:11

Gorsenna di boy ma co duk tagiɗi, sa ma di boy cona eg wayamma kaam ɓakŋa kam layna nam di boy cona u kaɓakŋa ni kay gaɗta. Lini aŋ kaɓakŋa kay gaɗta ni aŋŋi sa ma hum uɗna oloɗi ni sa ma kaaɗ ɓakŋa kaɗna.

Magaara JAK Ɓiiriɗta 5:7

Gorsenna ɗiligi irigi u lalamba na ɗil gak gak falira Bu Suuna hin mbara. Gologiya sa ma horokŋa ka ɗigil irim kay juɓ tlesuu ndaŋgara neesina. Nam irim na ɗil gak gak juɓ lo ma si jewna u ma si daganna lay.

Magaara JAK Ɓiiriɗta 5:9

Gorsenna haɗagi hurugi eg tagiɗi, kay a Lona mba kaagi ɓakŋa kagiɗi, sa ma kaɓakŋa hin tok a kal ayra.

1 PIYER 1:7

las ndaɗta ni a tukugi saɓak viigira. Lorra ni vara daɓ kira asi ka yooroɗ u kura kay a mbuɗuɗ eŋe. Na may viigira ni su lorra, lassa lagira ni kay a tukugi ana ndaɗ coli eŋ su. Hu buu ma Yesu hin a mbana wanni hin geleɗegiya, ŋgaagiya, ɦagi ŋgolla.

1 PIYER 5:4

Falira sa ŋgolna vi suu taa yoorina mba wa ni, agi hin fi jumba mulla dlaɗ ŋgolla ka ɓeŋ kiɗira.

2 PIYER 3:12

Juɓugi buu ma vi Lonna, soogi tagiya kay nam hin tok a mbara hu buu ma huulona ɓalak ki wa u kura, tlesuu kolona ɓalak ki u kura.

2 PIYER 3:4

«Nam di ki jew ana nam hin mbaa naɗi su? Ha nam ara ɗowge? Somoyoy halaŋ miɗ kiyo ni dlara hin halaŋŋi tuɗ ni ko u ndaŋgara tin ay jewra na.»

Magaara JUD Ɓiiriɗta 1:14

Henok ma hu njafna vi Adam a kiɗisiyana di ki kasi hu boy ma jok vun Lona mamma jew day anaba, «Humugiya Bu Suuna ka mbay u suu mam suu sunda huulona suu teteɗna va ma bup bup ŋgolo.

WIRA ŊGAYRA 1:7

Gologiya nam mba hu ɗugulla. Suuna halaŋ hin wamu, suu cokomma lay. Suu kay ndaŋgarana halaŋ halaŋ hin mbuɗ yoo kay boy mamma, ni dla ndaɗta hin a li ni na daŋ may, amin.

WIRA ŊGAYRA 20:12

Ŋgoo dagani an wi suu miɗina, suu ŋgolona u kemba lay coli kolo u sesi fok dlamba mulla. Magaara huruɗ ki mali fok sa ma kaki kay dlamba mullana, magaa hiŋga ki mali olo ndaɗta ni magaara vi iirira. Suu miɗina kasi ɓakŋa kasi ni u dlara asi laɗta, ni u ɓii mayra ay ɓiiri hu magaara.