1 KORINTNA 4:12 - Boy Lonana

¹² ami loɓomi coco a hal tina funumi u tamira. Hu li ma asi ŋgulumi lay ni, ami paɗ vunumi ki kasiya, hu li ma asi lasami lay ni ami ka noy kiɗi ka siɓa.

1 KORINTNA 4:12 ပူးပေါင်းရင်းမြစ်များ

1 PIYER 3:9

Hoŋogi cora u ndaraɗ coraɗi, ŋgulla u ndaraɗ ŋgullaɗi lay. Paɗagi vunugi ki kay tagi ni paɗi na ɗow. Hu li ma Lona yagina ni vi vunum ana nam hin paɗ vunum ki kagiya.

MATIYE 5:11

«Furira ka kagiya lini suuna ŋgulugiya, lasagiya, lagi ŋgeŋŋa u ka boyna kagiya, kayra agi ni suu mansinara.

ROMMA 12:14

Joɓ Lona nam paɗ vunum ki kay suu lasagina, joɓomu nam paɗ vunum ki kasiya. Ka ana baasi ki baaya na ɗowɗi.

ROMMA 12:20

Ndaɗ hin di olo ana, «Lini sa ma babali maŋŋa mayra camu ni aŋ ɦam va ma tira, lini laara camu ni aŋ ɦam yo ma cira, aŋ li wa na ni ko aŋ tokom murus kura kamba na.»

SUNDA 18:3

Kay asi halaŋŋi li ni sunda dewra cil ni zi barawna. Nam kak varasiya, asi li sunda ko tasiya.

Boy Ma Ayra Ma LUK Ɓiirimma 6:28

Suu yagi tlena kagina, agi yasi sesi jiviya. Cenegi Lon na ni hurugi jivi eg suu lasagina.

1 PIYER 3:14

Lini agi ka las kay agi li ɗegeera ni furiyugiya, lagi ndaa ko suunaɗi hin vun dikigi ɓigigiɗi.

1 PIYER 2:23

Suuna ŋgulum lay ni nam hal dlara a ŋgul may kaɗi, suuna lasamu nam hal dlara sa sugulum kaɗi, nam hin boy namma halaŋŋi ko Lona ma kaɓakŋa u voɗom ɗegeena.

Boy Ma Ayra Ma LUK Ɓiirimma 23:34

Yesu di ana, «Bunu, vaɗasi coosira kiyo. Dlara asi laɗta asi ka waɗɗi.» Asi ɓorowom baraw mamma ki kosi a ci ɓelera.

MATIYE 5:44

Anu, an dagi ana, Minigi suu babali magisina. Cen Lona kay suu lasagina.

SUNDA 7:60

Nam goɓ kaŋga u vun givim sawalla kolo eŋga ana, «Bu Suuna ŋgaasi co ndaɗta kasiɗi,» vunum ndi kaŋga may ni miɗ ni na gaw.

Boy Ma Ayra Ma JAŊ Ɓiirimma 15:20

Gagi humugi kay va ma an dagina na, sa ma li sun ma su malamma kaɗi. Asi lasan wa ni, hin lasagi may. Asi vi u haɗ manda wa ni, hin vi u magira na may.

Magaara JUD Ɓiiriɗta 1:9

Ni Misel ma ŋgol suu sunda huulona li ka naɗi lay. Hu li ma nam ciwayra ko tam u Satanna kay maɗ Moizza ni nam di va ma co ka eg Satannaɗi, hin dam ɦawa ana, «Ko Bu Suuna hin gaɗaŋu.»

1 TIMOTE 4:10

Gola aygi laygi sunda loɓ taygi lay ni kay juɓ Lona ma iirina, nammi Sa ma Suɗta vi suuna halaŋ, su saɓaki ni kay suu vina.

2 TESALONIKŊA 3:8

Ami hin tami ay ka a ti funa vi suuna ɦawaɗi. Ni na ɗow ami li sunda coco, koɗta mami kaɗi, ami li sunda fali lay njeŋge lay, ka hin tami kay sa ɦawaɗi.

1 TESALONIKŊA 2:9

Gorsenna agi wi lay sun mamira u las mamira ami laɗ njeŋge lay, faali lay, ka a tin nek mamira kay saɗi. Ami dagi ni Boy ma Ayra vi Lona.

1 KORINTNA 9:6

Ɗowba ami u Barnabas a li sunda a hal tina funumi ni ami hol su?

SUNDA 20:34

Agi wi u irigi lay ana an li sunda ni u kon tanda, kay fi tlesuu njun u suu manna an tanda lay.

1 PIYER 4:19

Ko ndaɗta na suu wihawra u minda vi Lona tuɗ fok a li jivira u hurusi halaŋ maŋ Lona ma li tlena halaŋŋa, ma li u vi vun mammana.

ROMMA 8:35

Sa ma ndak ɓorowoygi ki u minda vi Kristura ni gege? Ni wihawra ɗowba laara su, lassa ɗowba, mayra ɗowba, hawra ɗowba, dlara sana fi maɗna funda ɗowba, miɗna tamba su?

2 KORINTNA 11:8

Suu vina suu ɦiw an gasi ki hawra, vi warakŋa kosi kay a njun ugiya.

EFESNA 4:28

Sa ma li kul jewna hin kulna kiyo, nam mba li sunda kay a fi va ma ŋgom iiri mamba u tamba ndak fi va ma njun u suu wihawra lay.