1 KORINTNA 4:10 - Boy Lonana

¹⁰ Ami mbuɗ suu laɓana kay sem Kristu, agi ni suu neeyna kay sem Kristu may. Ami suu maŋina, agi ni suu saɓakŋa may. Ami ni suu suuna panamina, agi ni suu suuna geleɗegina may,

1 KORINTNA 4:10 ပူးပေါင်းရင်းမြစ်များ

1 KORINTNA 2:3

Ni kay ndaɗta an mba dukugi ni saɓakan kaɗi, dlak ko ndaana,

SUNDA 26:24

Pol daɓ boy mamma dira daɓ ɗaŋŋi, Festus dam kolo eŋga ana, «Pol aŋ guruɗi su? Haɗ maŋga aŋ haɗa cocora guruɗuŋ ki wa.»

SUNDA 17:18

Suu haɗ haɗta Epikurirana u suu Estuwasina ciwayra u Pol. Suu daŋŋa di ana, «Sa ma dagam dagam namma di ni ana mege?» Suu ɦiw ana, «Nam ɓakŋi boyna vi lo ma daŋŋa kalage.» Asi di na kay Pol di Boy ma Ayra ana Yesu paɗ ki kolo iiriya.

1 PIYER 4:14

Lini asi ŋgulugi lay furiyugiya agi ni suu haɗina vi Kristu kay Musukka Bibiŋilla, Musuk Lonara mba kak kagiya.

2 KORINTNA 13:9

Hu li ma ami maŋina ni ami furi ni furiya na ɗow, doli ni agi saɓak may kay hu cen mamira ni ami ka joɓ kagi ana agi mbuɗ ki ɗegee.

1 KORINTNA 3:18

Ko sa ganyam tambi, lini sa ma dukugi saa ana nammi sa ma neeyna hu duliyara tani, nam mbuɗ ni sa ma giniŋŋa kay hin a fi nera.

1 TESALONIKŊA 4:8

Sa ma hum ka u boy namma ɗina, hum kaɗi ni vun saɗi, ni vun Lona ma ɦagi Musuk mambana.

2 KORINTNA 11:29

Lini sana maŋiya an li tan maŋi egem may, lini sana ndi kaŋga hu cora wa ni an mbuɗ tan hahawra may.

2 KORINTNA 11:19

Agi suu neeyna siɓigi u suu laɓana.

2 KORINTNA 10:10

Gola va ma suuna ka damma ana, «Magara vi Polla eŋ cocoo loɓ ɦay lini nam mba dukuygi u tamba wa ni nam maŋiya, boy mamma damma hahaw ŋgolo.»

1 KORINTNA 10:12

Kay ndaɗta sa ma ka saa a col kolona, gol tam jiviya kay nam mba ndi kaŋga oloɗi.

1 KORINTNA 4:8

Agi fagi tlesuu agi minisina wa halaŋ, ɦizigi wa halaŋ, agi mbuɗugi ki mulina, ami ka na koɗi, an min ana agi mbuɗugi ki a muli suu gasina, kay ami mba taɓ u agi mbuɗ na may.

1 KORINTNA 3:2

An ɦagi ni mbira ka fu ma eŋŋaɗi, kay agi ndak ka kam tuɗi. Cecemi lay ni agi bay ndak kam tuwa,

1 KORINTNA 2:14

Sa ma ka u Musuk Lonara hurumbina ndak ka wi gasira vi Musukkaɗi may. Gasi ndaɗta irimmi ko va ma laɓa na, nam ndak ka a hum u boy nammaɗi, sana ndak a gi ii dlara kini u Musukka.

SUNDA 17:32

Asi hum Pol di ana nam colom ki kolo hu miɗna iiriya ni, suu daŋŋa panam may, suu ɦiw di ana, «Ami min a humuŋ dlaaŋga ndaɗta hu falira daŋ dew tu olo.»

SUNDA 9:16

An hin takam wihawra nam hin faɗ kay senda halaŋ u tanda.»

Boy Ma Ayra Ma LUK Ɓiirimma 18:9

Yesu tin ndal boy namma na ni kay suu ɦiw wi tasi ana asi ni ɗegee fok Lona, hin pan ndarayasina lay na,

Boy Ma Ayra Ma LUK Ɓiirimma 10:16

Yesu di suu haɗi mamsina olo ana, «Sa humugi vunugina, humun ni an may. Sa noyogi kina noyon ki ni an may. Sa noyon kina noy ki ni sa sunun ayna may.»

Boy Ma Ayra Ma LUK Ɓiirimma 6:22

«Furira ka kagiya, agi suu suuna noyogi kina, ŋgulugi lay, gologi ko suu puluɗina na kay sem Goŋ Sana.

MATIYE 24:9

«Suuna hin vagi lasagiya, cagi maɗna may. Suuna halaŋ hin noyogi ki kay senu.

MATIYE 5:11

«Furira ka kagiya lini suuna ŋgulugiya, lasagiya, lagi ŋgeŋŋa u ka boyna kagiya, kayra agi ni suu mansinara.

Magaara Vi Sa Jok Vun Lona OZE 9:7

Li ma kaɓakŋa mba wa, li ma ɓak dlara mba wa, Israel wam kiyo. Sa jok vun Lona mbuɗ ki laɓaa, mbuɗ ni sa saaram kaɗina, ni kay ŋgol dla cora aŋ laɗta, ni kay ŋgol duu ma aŋ duurumma.

EZAYI 53:3

Suuna panam cocoo, sa ka caa yam kambi lay. Sa ma wihawra, haɗi u lassa, suuna wam na ni pereɗ irisi kiyo, panamu, sa ma saa kam kaɗi.

VUN ŊGOLNA 11:12

Sa ma ka ŋgaf u saam ma vok zinaɗina ni sa ma yam kaɗina. Sa ma wi dlara seŋ tammi na en, ka di vaɗi.

2 MULINA 9:11

Jehu kal ay ki hoŋ eg suu ŋgolo suu vi sa ŋgol mammana. Asi joɓom ana, «Dla ndaɗta na ni jivi ko su? Sa namma mbay egeŋ na ni kay mege?» Nam hoŋosi dira ana, «Agi lay ni agi wi sa namma u sun mambaɗi su?»

1 KORINTNA 1:21

Suu hu duliyara na ndak ka a wi Lona u neesira ana ni Lona gasiraɗi, kay ndaɗta Lona min suɗ suu tin hurusi kamma ki u boy ma puluɗi ma aygi damma.

1 KORINTNA 1:23

Hu li ma ami di boyna kay Kristu ɓali hu gu ma garakŋa, boy namma kay suu Juifna ni va ma daɓasi sesina, kay njaf suu daŋŋa ni va ma laɓana may.

1 KORINTNA 1:25

Laɓara vi Lona ni neey su nera vi suuna, maŋira vi Lona saɓak su saɓakŋa vi suuna.

2 KORINTNA 6:8

Asi geleɗemi mbaarami zolona kami lay, di cora kamiya di jivira kami lay. Asi golomi ko suu kaboyna na ni ami di ni gasira.

2 KORINTNA 4:12

Ni ndaɗta miɗna li egemi may, iirira li egegi agi may.