1 KORINTNA 3:9 - Boy Lonana

⁹ Ami ni suu li sunda ko tami u Lona, agi ni senena vi Lona. Zii minina vi Lona may.

1 KORINTNA 3:9 ပူးပေါင်းရင်းမြစ်များ

1 PIYER 2:5

Ҥuɗugi tagi aya, agi may ni ko ɦini ma iirina na, hin a min zira kay Musuk Lonara ni u agiya. Agi hinni a suu teteɗ suu li ɓivunna maŋ Lona, ɓivun ma Lona minimma, nam irim jivira ni u Yesu Kristu.

2 KORINTNA 6:1

Ami suu li sunda u Lona ami joɓogiya, hinigi oora vi Lona ta agi famba komba ba kiɗi.

1 KORINTNA 3:16

Agi wi ka ki ana agi ni Ziŋ Lonana, Musuk Lonara kaki hurugi may.

MARK 16:20

Suu haɗina tuɗ ki a di Boy ma Ayra kay yam mbassa halaŋ. Bu Suuna li sunda u asiya, mbuɗusi boy masina ki gasi u dlara mbuɗta nam ɦasira ay kosira may.]

MATIYE 9:37

Nam di suu haɗi mamsina ana, «Wana ka ŋgolo, ndaki a feɗta, suu feɗemma ka ŋgolɗi.

EZAYI 61:11

Na daŋ may, ko ndaŋgara day ii tlena ay ki kolora na, ko senenna day tlesuu hurumma kira na, ko ndaɗta na may Yawe day ɗegeera u geleɗta ki kolo fok njaf suuna halaŋ halaŋ.

1 KORINTNA 3:6

an pi guna kaŋga ni anu, Apollos voom yona may, Lona hin wulummi namu.

KOLOSNA 2:7

Pagi sariyagi kaŋga hurumu, minigi iiri magira ni kam nam dew, kakagi eŋ hu vira u va haɗagi nana, mbuɗugi saɓak u gi deɓpa.

EFESNA 2:10

Lona laygi ni namu nam miniygiya, hu taɓ maygira u Yesu Kristu nam min ana aygi mbuɗ ki jivi saɓakŋa u sunda jivira, sun mamba nam laɗ ki fok jewra, ana aygi mba li na may.

1 KORINTNA 6:19

Agi ka wi ana mbalatagi ni zina vi Musuk Lonara naɗi su? Musukka hurugi wanda Lona ɦagira ni namu. Mbalatagi ka ni magira kay tagiɗi.

SUNDA 4:11

Yesu ni sa ma magaara di kam ana, Ҥinira agi suu min zira noyoɗ kira mbuɗ a ɦinira garaŋga ni ndaɗu.

3 JAŊ 1:8

Aygi suu taɓi u Yesuna min col sem sun ndaɗta eŋga ni aygiya, ni ana sun masira asi laɗ kay gasira aygi duk may.

1 TIMOTE 3:15

Lini an yan ka vi tuwa ka faŋ ha zakgi ni, magaara wanni ndak a njun uŋu a takaŋ poyra duk suu vina, ni di ana suu vi Lona ma iirina, asi ni mbal ma dukŋa suu coli kay gasirana.

EZAYI 61:3

A ɦal jumba furira maŋ suu hu Siyon suu ka yoona, kay balam buɗ masina. Ҥasi mbul ma his jivina, ka yoora oloɗi. Cukusi baraw ma ŋga tara, ka baraw bolna oloɗi. Asi hin yasi ana, ɦoy ma suuna ŋga Lona u namma, sene ma vi Yawena, ma suuna ŋgaam u namma.

2 KORINTNA 6:16

Ziŋi Lonara ndak taɓ ko taɗ u fulina vi suu bay vina nanage? Ami ni Ziŋ Lona ma iirina ko Lona u tamba dira na, «An min kak dukusiya, poy u asi lay. An hin li a Loosina asi hin li a suu manna may.»

JEREMI 2:21

An pakŋi anu. Goo ŋgus gugutlura an manaɗta. Ko gu ma eg liimma na. Ndak hin mbuɗ ki ko gugutlura cora, vuɗuɗ ci suuna. Sa ka waɗɗira na ni nanage?

SOOLLA 118:22

Ҥinira suu min goŋga noyoɗ ki kaŋgara, hin mbuɗ a jiv goŋga ki ni ndaɗu.

SOOLLA 72:16

Ko wana jiv kay mbassa cocoo, tlena ɗuf jivi kay yam ɦinira may. Yam wana gol jivi cocoo, hu ɦoŋzina halaŋ tlena li jivi cocoo.

HEBRENA 3:6

Kristu ay ɗegee kay nammi Goona tini a ŋgolla hu zira vi Lonara. Aygi ni ziimba, lini aygi vam dlaamba huruygiya ni tiniygi huruygi kay viiygi ndaɗta.

MATIYE 16:18

An daŋ ana aŋŋi Ҥinira, ɦini ndaɗta an min zinda kaɗu. Saɓak Maɗna lay ni ka ndak a laɗ va egeɗɗi.

EZAYI 61:5

Suu koyogina hin juɓugi u ziigina ni asiya, asi hin taaragi yori magisina ni asi lay, asi hin horokogi sene gugutlu magina ni asiya.

EZAYI 32:20

Furira ni kagiya, agi hin zaa tlena hu li ma lona si huna halaŋ, mbutlugi magisina u kor magira agi hin cukusi koloo, ka joɓosi dlasi oloɗi lay.

VUN ŊGOLNA 9:1

Yalna min ziiɗta wa, nam li garak ma dukŋa na kiɗisiya.

MATIYE 15:13

Nam dasi ana, «Guguni suu Bun ma kolo huulona pasi kaɗi na halaŋŋi, hin paɗ kiyo.