1 KORINTNA 3:5 - Boy Lonana

⁵ A ndaɗta ɗaŋŋi Apollos ni gege? Pol ni ge mayge? Ami ni suu sun Lona ɦawaa, mbuɗ ana agi vi Boy Lonana ni umiya. Ami halaŋ sana gege lini sun mamba Lona yam kaɗta,

1 KORINTNA 3:5 ပူးပေါင်းရင်းမြစ်များ

MATIYE 25:15

Nam yi ma jewna, ɦam bege vadl. Hin yi ma mbana, ɦam bege mba' may. Ma daganna ɦam dew. Gegelay ni, li ka u eŋ mamba. Nam tuɗ gaw.

Boy Ma Ayra Ma LUK Ɓiirimma 1:2

Hu magaa masira asi ɓakaygi kay dlara aygi humuɗ fun suu wi tle asina ay u irisi fok jewna, sunda kosira ni a di boy ma vi Lonna.

Boy Ma Ayra Ma JAŊ Ɓiirimma 3:27

Jaŋ hoŋ dira ana, «Va Lona ɦam kaɗina, sa ndak ka a fam kay tambi.

SUNDA 18:24

Sa ma Juifna sem ana Apollos nam vuɗ ni hu Aleksandri, nam mba Efes. Nammi sa ma haɗina wi Boy ma Ɓiirina ki jivi ɦay.

SUNDA 19:1

Hu buu ma Apollos ka hu Korint ni Pol tuɗ hu ndaŋgara kolora, tew hu Efes. Nam jak ay ni fi suu haɗina huwa.

ROMMA 15:16

Kay a kak sa sunda vi Yesu Kristu kay njaf suu ka Juifnaɗina, an lini u sunda ɦanda a di Boy ma Ayra vi Lona kira, kay a njaf suu daŋŋa mbuɗ ki va ma jivi ma Lona furi kamma, mbuɗ ki suu mam suu ndakina u saɓakŋa vi Musuk Lonara.

1 KORINTNA 12:28

Ni kay ndaɗta duk suu vina Lona cuk suu vovoɗ mamba jewe, a mbara ni suu jokom vunumma, a hindira ni suu haɗta, ŋgoo daganda ni suu li dlara mbuɗta, hiŋga suu nam ɦasi saɓakŋa a garaɗ suu tuguɗira kina, hin ɦal suu njun u suuna u suu gol suuna, suu u ɦala a ɓak vun ma daŋŋa daŋŋa.

1 KORINTNA 16:12

Wayayna Apollos an ka dam tew tew a nam tuɗ ha varagi u gorsey suu hiŋŋa, nam ka min a tuɗ ha cecemiɗi. Nam hin fi voɗta wanni nam hin tuɗ ha ni na tuwa.

1 KORINTNA 3:10

U oora vi Lona ta nam ɦandara, an li sunda vi Lona ko sa ma yalna na, gi u zira. Ni sa ma daŋŋa hin min kamɗu. Gegelay ni gol jiviya kay va ma nam minim kayamma.

1 KORINTNA 3:22

Ko Pol, Apollos u Piyer lay, duliyara, iirira, miɗna, dlara cecemba ura ha fokka lay halaŋŋi magiya.

1 KORINTNA 3:7

Sa pi guna u ma voom yona asi jakŋi ɦawaa, Lona susi bel kay nam wulummi namu.

1 KORINTNA 9:17

An ŋgaɓ sun ndaɗta ni kay tanu ni an ndak a juɓ gin warak tuwa. Ni dlaanda daŋ may an vi nek manda tininda kanda wa.

2 KORINTNA 11:23

Asi ni suu sunda vi Kristu su? Jiviya an di ko sa ma ka wi dlaɗina na an ni suusiya, an li sunda suusiya, an tew tew ay hu daŋgayna, an fi poŋga sen ŋgol suwa, an hin tok a miɗna miɗnara sen bolowo.

2 KORINTNA 3:3

Ki gasi ana agi ni magaara Kristu ɓiiriɗ fokomira ki mami lay. Ndaɗ ay ɓiiri ka u va ma sa ɓii magaa u nambi, ay ɓiiri ni u Musukka vi Lona ma iirina, ndaɗ ay ka ɓiiri hu ɦinira beɗiraɗi, ay ɓiiri duk tliw sana hurugiya.

2 KORINTNA 3:6

Sa ma mbuɗumi ndaki a suu sunda kay Galamba Wilira, ni ka u gaɗta ɓiiriraɗi, ni u Musukka. Gaɗta ɓiirira ci maɗna, Musukka ɦal iirira may.

2 KORINTNA 4:1

Lona u jivi mamba ɦami sunda ni namu, ni kay ndaɗta ami ka mbuɗ maŋiɗi.

2 KORINTNA 4:5

Ami ka ɓak boyna ni kay tamira gawɗi, ami di boyna ni kay Yesu Kristu Bu Suuna, ami di kay tami ana ami ni suu sun masira kay sem Yesu.

2 KORINTNA 4:7

Ami suu ka u begena vi Musukka komina, ami ni ko doy luɓuna na, kay sana wi ki ana saɓak mami ma mbuɗ mbuɗta namma col ay ni ko Lona ka komi amiɗi.

2 KORINTNA 5:18

Dla ndaɗta halaŋ mbay ni ko Lona, nam Kristu taɓaygi duk ɦoŋoygi u namu, ɦay sunda a mbaa suuna a taɓ duk ɦoŋga u nam may.

2 KORINTNA 6:1

Ami suu li sunda u Lona ami joɓogiya, hinigi oora vi Lona ta agi famba komba ba kiɗi.

2 KORINTNA 6:4

Ni na ɗow lini hu megelay ni ami tak ana ami ni suu sunda vi Lona. Wihawra li fami lay ni ami siɓimi u lalamba, lini hu haɗ huna lini hu yoora lay.

EFESNA 3:7

An mbuɗ ni sa sunda vi Boy ma Ayra u ɦala vi Lona hu jivi mamba ɦan saɓak mamma li sunda.

KOLOSNA 1:23

Ni kay ndaɗta agi kak saɓak hu viigira, coli eŋ kay ura tinira, hinigi juɓ magira ay day day hu li ma agi hum Boy ma Ayrana kiɗi. Boy ma Ayra namma dam ki maŋ suuna hu duliyara halaŋ, ni an Pol mbuɗ a sa sunda ni kamu.

KOLOSNA 1:25

An mbuɗ ni sa sunda vi suu vi Kristuna, ni kay sunda Lona ɦanda a laɗ kagira, nam ɦan sunda a dam boy mamma ki u voɗomu.

1 TIMOTE 1:12

An gi deɓ Yesu Kristu Bu Suuna mayna ma ɦan saɓakŋa kay sun manda, gam deɓpa kay ŋgara nam ŋgaan ana an ɗegee ndaki a sunumura.

1 PIYER 4:10

Gegelay li ko ɦala vi Lonara zeɗ zeɗta egemba na, njun u suu hiŋŋa u ɦala nam faɗ ko Lonara.