1 KORINTNA 2:14 - Boy Lonana

¹⁴ Sa ma ka u Musuk Lonara hurumbina ndak ka wi gasira vi Musukkaɗi may. Gasi ndaɗta irimmi ko va ma laɓa na, nam ndak ka a hum u boy nammaɗi, sana ndak a gi ii dlara kini u Musukka.

1 KORINTNA 2:14 ပူးပေါင်းရင်းမြစ်များ

1 KORINTNA 1:18

Boy ma dam kay miɗna vi Kristu hu gu ma garakŋa, suu a ba kina nam irisi ni va ma dawina, aygi suu ka hu voɗta vi suɗta na, boy namma iriygi ni a saɓakŋa vi Lona.

1 JAŊ 2:27

Lini agiya ni Yesu sunugi Musuk mamba ay kagiya, Musuk mamba hurugi may ni agi ka hal sa a takagi dla oloɗi, Musukka takagi dlara ki ni halaŋ, dlara ndaɗ haɗagirara ni gasi, kaboyna ka huɗi ni kay ndaɗta agi vagi vun haɗta vi Musuk Lonara taɓagi hurugi dew u Kristu.

1 KORINTNA 15:46

Ni kaa na ta sanda mbuɗi vi Londa mbay jew ni ndaɗu naɗi, mbay jew ni ta ɦawara. Ta vi Londa mbay ni dagani.

Magaara JUD Ɓiiriɗta 1:19

Asi ni suu li dlara ɓorow duk ɦoŋ suuna kira. Asi li dlaasira ni u min masira kay tasiya ka ura vi Musuk Lonaraɗi.

Magaara JAK Ɓiiriɗta 3:15

Nera ndaɗta wanni mbay ka kolo dayɗi, ndaɗta col ay ni duk duliyara u saara vi sana, mbay ni vi maɗna.

1 JAŊ 2:20

Lini agiya ni agi fi Musuk Lonara ta Kristu sunuɗ ayra hurugiya agi wi gasira ni kay ndaɗta.

1 KORINTNA 15:44

Hu li ma pam kaŋgana ni nam sana ɦawaa, hu li ma nam hin paɗ ki kolona, nam mbuɗ iiri u saɓak Musuk Lonara. Ta sanda ɦawara ka may, ta sanda mbuɗi vi Londa ka may.

1 KORINTNA 2:12

Aygi faygi ka ŋgussa kay ndaŋgara tanɗi, aygi faygi ni Musuk Lonara, kay a aygi waygi u tlesuu Lona ɦaygisina halaŋ.

VUN ŊGOLNA 14:6

Sa panna hal yalna ni ka fambi. Sa ma saa dlara ki jivi tuna fi yalna ni na zak may.

Boy Ma Ayra Ma JAŊ Ɓiirimma 12:37

Nam li dlara mbuɗta fokosi coco lay ni, asi ka tin hurusi kambi.

Boy Ma Ayra Ma JAŊ Ɓiirimma 5:44

Agiya, agi hal ni geleɗ magira duk tagira, geleɗta col ay kolo ko Lo ma dewna, agi ka halaɗɗi. Agi hin tin hurugi gin kay Lona ni ana mege?

MATIYE 16:23

Yesu ɦal ŋgorom maŋ Piyer, dam ana, «Ҥuɗ taŋ ha ki egen day, Satan. Aŋ hal a zuɗun ni hu cora ɦawaa. Saaraŋ ka kora vi Lonara naɗi. Nira vi suu warnara.»

Boy Ma Ayra Ma JAŊ Ɓiirimma 14:26

Sa ma hin njun ugina ni Musuk Lonara, ta Lona hin sunuɗ ay u senda. Ndaɗ hin haɗagiya hin gagi humugi kay tlege suu an dagisinana halaŋ.

SUNDA 16:14

Cara duk boyogi suu asina dew seɗ ana Lidi, ndaɗ ay ni hu ɦoŋzina Tiyatir. Ndaɗ ni cara li paara u baraw ma tam ndoli tlawna, mba cen Lona. Ndaɗ kaki huma, Bu Suuna malaɗ huruɗ ki kay ndaɗ hum boy ma Pol damma.

Boy Ma Ayra Ma JAŊ Ɓiirimma 8:43

Agi ka hum dlara an dagiraɗi ni kay mege? Kay agi ka ndaki a humun boy mannaɗi.

1 KORINTNA 1:23

Hu li ma ami di boyna kay Kristu ɓali hu gu ma garakŋa, boy namma kay suu Juifna ni va ma daɓasi sesina, kay njaf suu daŋŋa ni va ma laɓana may.

1 JAŊ 5:20

Aygi wi anaba Goŋ Lonna mba wa, nam neeygi ki ana aygi wi Lo ma gasina kiyo. Aygi taɓira u Lo ma gasina ni u sem Goromma Yesu Kristu, nammi Lo ma gasina, iirira ka daɓ kiɗira lay.

SUNDA 25:19

Boy masina u namma ni kay ciwayra duk tasi kay viisira, ana sa ma ka yam ana Yesuna ki miɗiya, Pol di ana nam ka iiriya.

Boy Ma Ayra Ma JAŊ Ɓiirimma 15:26

«Sa may ma a njun ugina hin mbaya. Ni Musukka gasira col ay ko Bun Lonara. An hin sunugira ay u sem Bunu. Ndaɗ hin ɓakagi kanu.

SUNDA 18:15

Ni kay ciwayra duk tagi kay boyna, kay semma, kay gaɗ magira, ni agi gagi ii boy namma ni agi kay tagiya. An min kaɓakŋa kay boy nammaɗi.»

SUNDA 17:32

Asi hum Pol di ana nam colom ki kolo hu miɗna iiriya ni, suu daŋŋa panam may, suu ɦiw di ana, «Ami min a humuŋ dlaaŋga ndaɗta hu falira daŋ dew tu olo.»

Boy Ma Ayra Ma JAŊ Ɓiirimma 10:20

Suu dukusi bolowo di ana, «Fulina ka kamu, nammi puluɗiya, agi humum boy mamma ni kay mege?»

SUNDA 17:18

Suu haɗ haɗta Epikurirana u suu Estuwasina ciwayra u Pol. Suu daŋŋa di ana, «Sa ma dagam dagam namma di ni ana mege?» Suu ɦiw ana, «Nam ɓakŋi boyna vi lo ma daŋŋa kalage.» Asi di na kay Pol di Boy ma Ayra ana Yesu paɗ ki kolo iiriya.

Boy Ma Ayra Ma JAŊ Ɓiirimma 14:17

Suu hu duliyara ka ndak a faɗɗi kayra asi ka waɗɗira. Agiya, agi waɗu, kay ndaɗ kak hurugiya, ka u agi tew tew lay.

1 KORINTNA 1:21

Suu hu duliyara na ndak ka a wi Lona u neesira ana ni Lona gasiraɗi, kay ndaɗta Lona min suɗ suu tin hurusi kamma ki u boy ma puluɗi ma aygi damma.

1 KORINTNA 1:25

Laɓara vi Lona ni neey su nera vi suuna, maŋira vi Lona saɓak su saɓakŋa vi suuna.

1 KORINTNA 3:1

Gorsenna u gasira ni an ka ɓakagi ko suu hu Musukka vi Lona naɗi, an ɓakagi ko suu hu duliyara na may, ko kemba hu Boy Lonana na.