1 KORINTNA 2:10 - Boy Lonana

¹⁰ Lona gaygi u ŋgay mamba kini u Musukka. Musukka ndak hal u dla mayra vi Lona ta ŋgay ga dayra ki lay.

1 KORINTNA 2:10 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 14:26

Sa ma hin njun ugina ni Musuk Lonara, ta Lona hin sunuɗ ay u senda. Ndaɗ hin haɗagiya hin gagi humugi kay tlege suu an dagisinana halaŋ.

EFESNA 3:5

Ay hu jewra ni dlaamba ŋgay ndaɗta suuna waɗ ay kaɗi, cemi Lona takaɗ ki u Musuk mamba maŋ suu vovoɗta u suu jokom vunumma.

Boy Ma Ayra Ma LUK Ɓiirimma 10:21

Hu li namma na gaw ni Musuk Lonara oy hu Yesu u furira, nam di ana, «Bunu, mul ma kolo huulona, kaŋga kay ndaŋgara layna, an gaŋ deɓpa kay aŋ ŋgay tlegeyeŋ ki ii suu wira u suu neeyna, hin takasi ki ii suu kaɗakina. Na may Bunu, aŋ min ni na.

EFESNA 3:3

Lona takan u dlaamba ŋgayra irin a an wam u ŋgol mamba kiyo, an ɓiirigi magaara ha nde ni kay boy namma.

GALATENA 1:12

An fam ay ni ka ko saɗi, sa haɗanna kaɗi lay. Yesu Kristu takanna ni namu.

MATIYE 16:17

Yesu hoŋ dam ana, «Heɓpa ka kaŋu, Simon goŋ Jaŋŋa, boy ma aŋ damma fam ay ka vi sa warnaɗi, fam ay ni ko Bun ma kolo huulona.

MATIYE 13:11

Nam hoŋ dasi ana, «Agi ni suu Lona gagi u boy mamma ŋgay kay Mulla huulonara ki na, gam ka ki maŋ suu hiŋŋa koɗi.

Boy Ma Ayra Ma JAŊ Ɓiirimma 16:13

Musukka gasira mba wa ni, ndaɗ hin tinigi hu dlara gasira halaŋ. Ndaɗ ka ɓak kay saɓak maɗna kay taɗɗi, ndaɗ di ni dlara ndaɗ humuɗta, ndaɗ hin dagi dlara hin mbara may.

1 PIYER 1:12

Lona tak ki maŋ suu jokom vunumma ana boy ma asi damma ni ka masi kay tasiɗi, ni magi agiya. Boy namma agi humum ki cecemi namu. Suu di Boy ma Ayra dam ki u saɓak Musuk Lonara ta sunuɗ ay kolo huulona, asi dagina ni namu. Suu sunda huulona min a wi boy namma lay.

1 JAŊ 2:27

Lini agiya ni Yesu sunugi Musuk mamba ay kagiya, Musuk mamba hurugi may ni agi ka hal sa a takagi dla oloɗi, Musukka takagi dlara ki ni halaŋ, dlara ndaɗ haɗagirara ni gasi, kaboyna ka huɗi ni kay ndaɗta agi vagi vun haɗta vi Musuk Lonara taɓagi hurugi dew u Kristu.

1 KORINTNA 2:11

Sana ŋgus mamba ndak wam u dlamba kamba ki halaŋ, Musuk Lonara wam dlamba ki halaŋŋi na may.

AMOS 3:7

Kay ana Bu Suuna, Lona ka li dla bay tak dlara hurumba ki maŋ suu mam suu sunda suu jok vun Lonaɗi.

JOB 12:22

Zulla ŋgolla huruɗ ndufun cocora nam li kiɗikka ki huwa. Suu miɗi suu ay duk ndufundana nam cukusi ay ki kiɗiki.

1 JAŊ 2:20

Lini agiya ni agi fi Musuk Lonara ta Kristu sunuɗ ayra hurugiya agi wi gasira ni kay ndaɗta.

1 KORINTNA 14:30

Lini Lona tak dlaamba ŋgayra irimu, nam a di ki kaɗta ni, sa ma jewna seŋ tamu.

Boy Ma Ayra Ma LUK Ɓiirimma 2:26

dam ana, Nam ka hin miɗ bay wi Sa Lona Fuurumma u irimbi.

DANYEL 2:22

Nammi sa ma tak u dlara mbuɗ mbuɗ mayra ki ŋgayra kina, nam wi tlesuu ka duk ndufundana lay, kiɗikka ka u nam may.

EZAYI 48:16

Ҥuɗugi tagi ay egenu, humugi haa, ay hu gijaŋŋa day an di dla taa ka ki ŋgay gumunɗi. Hu cokira dla ndaɗta lira ni an kaa. Cemi ni Bu Suuna Yawe, sunun ay u Musuk mamba.

WIRA ŊGAYRA 1:1

Hu magaa ndaɗta tak ki dlara li ayra, Yesu Kristu hin takaɗ kira. Lona ɦamba ana nam takaɗ ki maŋ suu mam suu sunda kay va ma hin mbayna. Kristu sun sa sunda huulona ha sunni, tuɗ takaɗ ki maŋ saam ma sunda Jaŋ.

EZAYI 59:21

Yawe hin di suu mamsina hu ana, gola ni galamba an vaɗ u agira, an hin fo Musuk manda kagiya. An kalagi gaɗ manda ki hurugi halaŋ halaŋ, kal boy manna ki funugi may. Agi hin haɗam ka maŋ goryogiya, maŋ gor ŋgologi magisina, maŋ goryoŋ gor ŋgologi magisinana lay. Di ni Yawe ha cemi ta ta hu daɓ nduŋga.

1 TIMOTE 4:1

Musukka di ki gasi ana lina hin fok a daɓ daganda wanni suu ɦiw hin vira kiyo, asi hin mbuɗ hum u ŋgussa ganyamba u haɗta vi fulina.

WIRA ŊGAYRA 2:24

Egegi agi suu hiŋŋa suu vi Kristuna hu Tiyatir ni agi njun tagi ka u haɗta co ndaɗtaɗi, agi ka hum va ma suu asina yam ana dlara ŋgayra ŋgolla vi Satannaraɗi. An min dagi ana an ka tinigi va ma nek ma daŋ kagiɗi.