1 KORINTNA 2:1 - Boy Lonana

¹ Gorsenna hu li ma an mba varagi a dagi gasira ŋgayra vi Lonara, ni an ɓakagi ka u boy ma hum loɓ ana an sa neeya naɗi.

1 KORINTNA 2:1 ပူးပေါင်းရင်းမြစ်များ

1 KORINTNA 1:17

Kristu sunun ay ka kay a mbus batembi, ni kay a di Boy ma Ayra, na may a dam u yalna vi vunnaɗi, a miɗna vi Kristu hu gu ma garakŋa mbuɗ ki va ma lalas ɦawaɗi.

1 KORINTNA 2:13

Aygi ɓakaygi ka u dlara sa haɗaygira hu ndaŋgara tanɗi, ni dlara Musuk Lonara haɗaygira. Ni kay mayra aygi vaygi ni u gasi mayra vi Musukkara maŋ suu ka u ndaɗna.

1 KORINTNA 2:4

Haɗta an haɗagi u boy ma an damma halaŋŋi ka u yalna vi sa warnaɗi, ni kay tak dlara vi sanara u saɓakŋa vi Musuk Lonara.

2 TIMOTE 1:8

Li zolo kay a diki kay Bu Suuna maynaɗi, li zolo kan an saam ma daŋgaynaɗi lay, ni na ɗow ana vi wihawra kay Boy ma Ayra kaŋu u saɓak ma Lona ɦaŋŋana.

ROMMA 16:18

Kay suu ko asi nana ka sun ni Kristu Bu Suunaɗi, asi sun ni hayasi taɗta gaw u boy masi ma jivina u ɓak masi ma fiyek ma gan yamba, asi ɓeŋŋi ŋgus suu u dla ka irisiɗina ɦawaa.

KALKIRA 4:10

Moiz di Yawe ana, «An ceneŋu, Bu Suuna, an vunun ka njaɗ jiviɗi, kaa lay, ay kaa hiŋga lay, ay hu li ma aŋ ka ɓak saaŋ ma sunda na ni an vunun can neke, sinin nek coco lay.»

2 KORINTNA 11:6

Lini vunna ka ɓak ki funun jiviɗi lay an ka kaɗaki hu wiraɗi, ami takagi u tlena ki na halaŋ hu megelay hu wira lay.

WIRA ŊGAYRA 1:2

Jaŋ ɓak ki kay tlesuu nam wasina halaŋ halaŋ, nam ɓak tani kay Boy Lonana. U gasira Yesu Kristu takambara.

1 JAŊ 4:14

Aygi wi boy namma aygi ɓak ki kam ana Lona sun Goromma ay a Sa Suɗta vi suu warna.

2 TESALONIKŊA 1:10

Ni hu buu ma nam hin mbana, suu mamma hin geleɗemu, kay suu tin hurusi kamma halaŋ hin goɓ kaŋga fokomu. Agi hin li ni duk suu asina lay kay agi vi u boy ma ami damma.

1 KORINTNA 1:6

Dira diki kay Kristura boy namma ka coli dukugi eŋe.

SUNDA 22:18

An wi Bu Suuna nam dan ana, Hin Yerusalem ɓaɗ zak kay suu ɦoŋzi nammana ka vi boy ma aŋ dasina kannaɗi.

SUNDA 20:21

An yi suu Juifna u njaf suu daŋŋa asi jok iiri masira ki zeɗ mbuɗ irisi eg Lona tin hurusi kay Bu Suuna mayna Yesu.

EZAYI 8:20

Dasi asi hum u gaɗta vi Lonara lini asi hum kaɗi ni asi hin ka wi kiɗikkaɗi.

WIRA ŊGAYRA 19:10

An goɓ kaŋga fokom a cenemba nam dan ana, «Li naɗi, anni sa sunda ɦawaa, ko aŋŋa may, ko gorseŋ suu u gasira Yesu takasira hurusina na may. Cen Lona!» Gasira Yesu takaɗ kira ni va ma suu jok vun Lona dam ay jewna.

WIRA ŊGAYRA 1:9

Ni an wayagina Jaŋ ma taɓi u Yesuna, an min taɓ u agi hu wihawra may. U juɓpa juɓ Mul Lonara u lalamba lay, an ay kay daara yaɗ ana Patmossa kay an di Boy Lonana u gasira Yesu takaɗ kira.

1 TIMOTE 1:11

Haɗta ndaɗta faɗ ki ni hu Boy ma Ayra ma ɦanna ki nana, Boy ma Ayra ma di ki kay Lona ma bibiŋilna ma sari jivira.

2 KORINTNA 10:10

Gola va ma suuna ka damma ana, «Magara vi Polla eŋ cocoo loɓ ɦay lini nam mba dukuygi u tamba wa ni nam maŋiya, boy mamma damma hahaw ŋgolo.»

ROMMA 16:25

Geleɗeygi Lona nam ndak a mbuɗuygi saɓak hu vira u Boy ma Ay ma an ka damma, dla mayra an ka daɗ kay sem Yesu Kristura, u dlara ŋgayra vi Lonara ta aygi haɗaɗta. Dlaamba ŋgay ndaɗta ay ki ni ŋgay day day sa ka waɗɗi.

1 KORINTNA 2:7

An dini kay nera vi Lona ta ŋgay ii suu neeyna Lona ŋgaɓaygi ŋgolla ay ni maygi aygi hu li ma duliyara bay li tuwa.