1 KORINTNA 16:2 - Boy Lonana

² Hu faɗta damassa tew tew gegelay cuk gursura ki egem zeɗ u va ma nam famma, ka ana hu buu ma an mbana ni agi hin tok tlena ni toki tuwa naɗi.

1 KORINTNA 16:2 ပူးပေါင်းရင်းမြစ်များ

SUNDA 20:7

Vin maɗii damassa a tira ni asi a tok fiɗigi a ti funa vi Bu Suuna, Pol di boyna maŋ suuna hu tokka. Vin maɗii nam a tuɗ kira may ni, nam ɓak boyna gak gak duk ŋgikka.

Boy Ma Ayra Ma LUK Ɓiirimma 16:10

Sa ma ɗegee kay tlesuu ewna, ɗegee kay tlesuu ŋgolona ni na may. Sa ka ɗegee kay tlesuu ewnaɗina, ka ɗegee kay tlesuu ŋgolonaɗi ni na may.

GA 8ATAMBARA 8:18

Humugi mba gagi ana Yawe Loogina ɦagi saɓakŋa a agi mbuɗ begera na ni namu. Ni kay a li ki u galamba nam vaɗ ay u somoyogira ko agi ka cemmi wandara na.

WIRA ŊGAYRA 1:10

Hu buu ma vi Lonna Musuk Lonara vanu, an hum della ɓak ay ŋgoron dagan eŋga tii ay ko del dif tokolomma na.

Boy Ma Ayra Ma JAŊ Ɓiirimma 20:19

Fiɗigira Damas ndaɗta may ni, suu haɗina tok tasi hu zira, gi vun goŋga kasiya kayme asi li ndaana ko suu Juifna. Yesu mba col dukusi dasi ana, «Heɓpa ka u agiya.»

Boy Ma Ayra Ma LUK Ɓiirimma 24:1

Faɗta damassa maɗii feɗet ni, boyogina tuɗ a gol ussa. Asi tli mbul ma hisna ma asi halam ay kosina.

2 DLAŊ MULINARA 31:10

Mul ŋgol ma li ɓivunna, Azariya, ma hu deera vi Sadokŋa, hoŋom dira ana, «Hu li ma suuna gijaŋŋa a taa tlena ayra day ni, ami ka ti ki jivi u mayami lay, ami fi tlesuu daŋŋa su ki kami coco lay. Kay Yawe paɗ vunum ki kay suu mamsina, tlesuu moli cana ni suu hin ki komina.»

URA TIN AYRA 26:12

Hu basa ndaɗta Isaak zum senena hu mbas ndaɗta, nam feɗ ŋgolo, irim ne cocoo. Kay Yawe paɗ vunum ki kamu.

Boy Ma Ayra Ma JAŊ Ɓiirimma 20:26

Li buuna dagan kiɗisiya ni, suu haɗi suu vi Yesuna tok hu zira olo, buu namma Tomas ay dukusiya. Vun goŋga dugi kasiya. Yesu kal ay mba col dukusiya, dasi ana, «Heɓpa li u agiya.»

MARK 14:8

Ndaɗ li ni va ma saɓakaɗ ndak a lamma. Ndaɗ yaman mbulna kan ni, minin ni maɗan a panda gawɗi su?

URA TIN AYRA 33:11

Vi tlesuu an ɦaŋsina wanna, kay Lona lan ay jivi cocoo, va ma kaɗakan kaɗi. Nam tlam um coco ana nam vi tlena, Ezaw hin vasi may.»

URA TIN AYRA 32:10

Yakob cen Lona ana, «Lona vi bun ŋgolo Abraham, Lona vi bun Isaak, Yawe ma dan ana hoŋ hu mbas maŋga hu li ma aŋ vuɗ ay huna, an hin li u aŋu va ka laŋgi.

URA TIN AYRA 30:30

Tlesuu an mba fasi koŋ jewna ni ew, tle asina zul koŋ coconi unɗi su? Yawe paɗ vunum ki kaŋŋi unu. An hin li sunda kay ziinni saɓa mayge.»

URA TIN AYRA 30:27

Laban dam ana, «Hinin an fi jivira fokoŋ na fige, an wi ana Yawe paɗ vunum ki kanni uŋ aŋu.

2 KORINTNA 8:10

An min dagi min manda dla ndaɗta. Jivi kagi kay a tuɗ fok u dlara agi gijaŋŋa ay gasamba. Agi ni suu li ay jewna ka kay lira ɦawaɗi kay agi ɦal tagi a liya.