1 KORINTNA 14:2 - Boy Lonana

² Sa ma ɓak u vun ma daŋŋa, ka ɓakŋi maŋ suunaɗi, ni maŋ Lona. Sa ka humum boy mammaɗi, nam di gasi mayra ŋgayra kini u saɓakŋa vi Musuk Lonara.

1 KORINTNA 14:2 ပူးပေါင်းရင်းမြစ်များ

MARK 16:17

Gola! ni dlara mbuɗta hin tak suu tin hurusi kanna kira. Asi hin dik fuli suu cona ki u senu. Asi hin ɓak vun ma wilina lay.

SUNDA 19:6

Pol baa kom kasi na ni Musuk Lonara mba kasi gaw, asi gijaŋ ɓak boyna u vun ma daŋŋa daŋŋa, di ki kay dlara Lona ɦasira lay.

SUNDA 10:46

Asi humusi asi ɓak u vun ma sa ka wambina geleɗ ŋgolia vi Lonara, nam Piyer hin di ana,

1 KORINTNA 13:2

An ndak a fi ɦal mayra di Boy Lonana ki maŋ suuna, an ndak a fi wira halaŋ hum u tlesuu ŋgayna kiyo, an ka u vira ndak a jok ɦinira kiyo, lini min manda kaɗi ni an kini ɦawaa.

1 KORINTNA 2:10

Lona gaygi u ŋgay mamba kini u Musukka. Musukka ndak hal u dla mayra vi Lona ta ŋgay ga dayra ki lay.

WIRA ŊGAYRA 10:7

Falira sa sunda huulona ma kiɗisiyana hin bu difnara ŋgayra vi Lonara hin daɓmi hu buu namma. Ko nam di suu sunda suu jokom vunumma na.

1 TIMOTE 3:16

Sa ndak ka a di va ma daŋgi, ŋgayra vi ɗegee ndaɗta wanni ŋgol ɦay. Nam mba tak tam ki ko sa warna na, Musukka takam tam ki ana nammi sa ma ɗegeena. Suu sunda huulona wamu, suuna halaŋ dlaamba di ay ki dukusiya, suuna vi um coco lay. Nam kal ki kolo huulona.

1 TIMOTE 3:9

Asi li tew tew kakira hu gasira vira takasirara, u saara jivira pasiyakka.

KOLOSNA 2:2

An duu kay ana hurusi mba fi ɦiŋga kay asi mba li taɓi dew hu minda gasira, kay asi mba ndak ki hu gasira vi yalna, kay wi dlara ŋgayra vi Lona ni di ana Kristu tamba.

EFESNA 6:19

Cenegi Lona kanu a Lona ɦan boy ma jivina hu li ma an a damma, kay an a di u eŋga a tak dlara ŋgayra vi Boy ma Ayra kiyo.

1 KORINTNA 15:51

An min takagi dlara ŋgay ha dew. Aygi ka miɗ ki halaŋgi aygi halaŋ hin mbuɗ kiyo.

1 KORINTNA 2:7

An dini kay nera vi Lona ta ŋgay ii suu neeyna Lona ŋgaɓaygi ŋgolla ay ni maygi aygi hu li ma duliyara bay li tuwa.

ROMMA 16:25

Geleɗeygi Lona nam ndak a mbuɗuygi saɓak hu vira u Boy ma Ay ma an ka damma, dla mayra an ka daɗ kay sem Yesu Kristura, u dlara ŋgayra vi Lonara ta aygi haɗaɗta. Dlaamba ŋgay ndaɗta ay ki ni ŋgay day day sa ka waɗɗi.

SUNDA 22:9

Suu ay unna wi va ma weleɗ kiɗikŋa u irisiya, hum del mayra danda kaɗi kama.

MARK 4:11

Nam hoŋosi dira ana, «Agi ni suu may suu Lona gagi u boy ma ŋgay kay Mul mamba ki na, maŋ suu hiŋŋa an tinisi ndal boyna.

MATIYE 13:11

Nam hoŋ dasi ana, «Agi ni suu Lona gagi u boy mamma ŋgay kay Mulla huulonara ki na, gam ka ki maŋ suu hiŋŋa koɗi.

SOOLLA 78:2

An min njaɗagi dlara ha u ndal boyna kay dla mayra jak ay ki jewra.

GA 8ATAMBARA 28:49

«Yawe hin sunugi njaf suu col ay ki na dayna ay kagiya, ay hu vun ndaŋgara do dora, pii ko ndal bakŋa a piira na, ni njaf suu agi ka humusi vun masinaɗi layna.

URA TIN AYRA 42:23

Asi ka wi ana Yosef humusi vun masinaraɗi, kay nam ɓakasi ni sana jokom vunum ki ni jokiya.

URA TIN AYRA 11:7

Ɓaygi kaŋga mbuɗuygisina vunusi ki zeɗ zeɗ, hin a gege lay hum vun ma vi ndarammana oloɗi.»

1 KORINTNA 14:16

lini aŋ gi deɓ Lona u ŋgus maŋga huruŋ ɦawa na, sa ma kaki a humba ɦawa duk suu tokina hin di ana, «Amin,» u gi deɓ maŋga ni nanage? Nam ka ndak a wi va ma aŋ dammaɗi.

2 MULINA 18:26

Eliyakim ma goŋ Hilkiyana, Sebma u Yoak hoŋ dira maŋ sa ŋgol ma fun sa ma ŋgol asgaanana ana, «Mariyaɗ ni ɓak suu sun maŋsina ay u vun Aramena, kay ami hum vun namma ki jiviya, ɓakami u vun Yudanaɗi kay ana suu njari kay gulumunnana halaŋ huma.»

1 KORINTNA 12:10

Musukka ɦal saɓakŋa maŋ sa hiŋŋa kay li dlara mbuɗta, sa hiŋŋa kay jok vun Lona, sa ma daŋŋa ndaɗ ɦam saɓakŋa a wi ŋgussa cora ura gasira. Sa ma hiŋŋa ndaɗ ɦam yal ma ɓak vun ma daŋŋa, ma hiŋŋa ndaɗ ɦam yal ma jok boy namma kina.

1 KORINTNA 12:28

Ni kay ndaɗta duk suu vina Lona cuk suu vovoɗ mamba jewe, a mbara ni suu jokom vunumma, a hindira ni suu haɗta, ŋgoo daganda ni suu li dlara mbuɗta, hiŋga suu nam ɦasi saɓakŋa a garaɗ suu tuguɗira kina, hin ɦal suu njun u suuna u suu gol suuna, suu u ɦala a ɓak vun ma daŋŋa daŋŋa.

1 KORINTNA 13:1

Lini an ɓak vunna vi suuna halaŋ u ma vi suu sunda huulona lay, min manda li kaɗi ni, boy manna an damma hin kini ko gaŋgana a cira ɦawa na, ɗowba ko koŋ koŋŋa a tiira ɦawa na.

1 KORINTNA 14:26

A da boy namma kira ni ay li ni ana mege gorsenna? Hu li ma agi tokogi tagina wanni sa ma dukugi ma gi soolla kaa, sa ma haɗ suuna ka may, ma gi u dlara ŋgayra vi Lonara kina kaa, sa ma hiŋŋa ɓak u vun ma daŋŋa, sa ma gi u boy namma kina ka may. Halaŋŋi kay wul suu vina kolo hu vira.