1 KORINTNA 13:5 - Boy Lonana

⁵ Minda ka li va zoloɗi, minda ka godlombi, minda ka mbuɗ yaɗi, minda ka vi boy huruɗ gak gakgi,

1 KORINTNA 13:5 ပူးပေါင်းရင်းမြစ်များ

1 KORINTNA 10:24

Sana hal a li jivi mamba kay tam holɗi, li tlesuu jivina ni eg ndarayamma.

Magaara JAK Ɓiiriɗta 1:19

Gorsen suu an minigina saaragi kay boy ma wanna, gegelay ni hum zak, di zakgi, li ya zakgi lay.

FILIPINA 2:21

Suuna halaŋŋi hal ni dlaasira u min masira kay tasira, ka kayra vi Yesu Kristuraɗi.

FILIPINA 4:8

Gorsenna tin saa magira kay tlesuu jivina suu ndaki kay geleɗta na halaŋ, kay tlesuu gasina halaŋ, hoŋ yamba kaŋgara, ɗegeera, teteɗta, jivira u ŋgara halaŋ.

GALATENA 5:13

Gorsenna yagi ay ki ni ana agi li ki buɗiya hin buɗ magira a mbuɗ ki va ma co u min magira ɦawaɗi, ni na ɗow ana lagi u minda kay sun tagiya tagiya.

1 KORINTNA 12:25

Kay ndaɗta ɓorowra ka kay mbalataraɗi, mbalatara zeɗ zeɗ halaŋ wi haw tasiya.

2 KORINTNA 5:19

Lona min taɓ duk ɦoŋ suuna halaŋ u namu u Kristu, kay ndaɗta nam ka ndumusi dlaasira coraɗi. Nnam cukumi a di boy dla sunda taɓ duk ɦoŋga.

1 KORINTNA 10:33

Lagi ko an na an hal ana an a li jivira maŋ suuna halaŋ u tlena halaŋ, an ka halni jivi manda kay tanda ɦawaɗi, jivira kay suuna halaŋ kay asi mba suɗ kiyo.

1 KORINTNA 11:18

Kay an hum ana hu tok magira ni vunugi ɓorowi na zeɗ zeɗ, an wi gasi ma ɦiw na daŋ may.

MATIYE 5:22

Anu, an dagi ana, Sa ma ɓeŋ hurum ki eg wayammana, hin bay tuɗum ki fok suu kaɓakŋaɗi. Sa ma ŋgul wayamma ana, Ka wi vaɗina, ɓak namma ka ni fok suu ŋgolo suu kaɓakŋa. Sa ma ŋgul wayamma ana, Puluɗiyana, ɓak namma ni gam duk kura.

Boy Ma Ayra Ma LUK Ɓiirimma 7:39

Sa Farisen ma yi Yesu ha varamma wi na ni, ɓak hurum kurufu ana, «Lini sa namma ni sa jok vun Lona gasi ni, nam hin wi ana cara gawlaŋga.»

MARK 3:5

Yesu wasi na ni, hurum ɓeŋ ki gaw. Hurum haɗ kay nam wasi hurusi ma cona. Nam di sana ana, «Maɗ koŋ kiyo.» Nam maɗam kiyo. Kom mbuɗ ki jiviya.

2 TESALONIKŊA 3:7

Agi kay tagira wi ana agi ndak li ko ami lira na may. Ami ay varagi nani lami zolom kaɗi.

1 KORINTNA 7:36

Ɓakaygi kay suu ŋgaɓ gin tasi a ɗumba, hin ana asi kak ɦawana, lini goozoŋŋa wi ana man ka li jivi ii go tamaraɗi, kay hurum ka tini kaɗ a miniɗu, li wa na ni nam mba li u min mamba, ni nam li ka coɗi, mariyaɗ hinisi ɗum tasiya.

MATIYE 9:4

Yesu wasi boy ma hurusina na ni, dasi ana, «Agi saa hurugi cora na ni kaymege?

EZAYI 3:5

Suuna halaŋ hin li dla cora eg tasiya, sana u ndaram ma vok zina. Gorzoŋina li tasi u suu maarina sa ma va ka kombina li tam u sa ma ɦizina.

2 SAMUEL 10:3

Muli suu vi goryoŋ Amonna di Hanum malasina ana, «Na ni aŋ saa kaŋ ana David sun suuna ay egeŋŋi kay a sooŋ uŋ kay dlaŋ buŋga su? Ni ka a gol ni hukka hu ɦoŋzinara a cuk suuna ay ni kay a tlam kira David sun suu mam suu sunda ay ka egeŋŋi naɗi su?»

2 TIMOTE 2:10

Kay ndaɗta an ka siɓ dla ndaɗta halaŋŋi jivira kay suu Lona manasina, kay asi mba fi suɗta hu Kristu Yesu may, u ŋgolla ka daɓ kiɗira.

JEREMI 11:19

Anni ko goo timii ma lalamma na, tuɗum hu li ma ŋgaɗtara na. An ka wi ana dla cora asi laɗta ni kan layraɗi. «Kaaygi ŋgusna ki u mbiirim egemu, kaaygina ki hu mbassa vi suu iirinara. Ka sa yam sem oloɗi.»

VUN ŊGOLNA 14:17

Sa ma mbuɗ yara na ɦay ɦayna ni sa ma laɓana. Sa ma mbuɗ duk u ŋgeŋŋa cow cowna, sa ka yam sem jiviɗi.

JOB 21:27

Ҥawaa, an wagi saa magira. An wi saa magira cora agi ka saaraɗ u senda.

NDUMBA 16:15

Moiz hurum ɓeŋ ki cocoo, nam di Yawe ana, «Vasi ɓivun masinaɗi, an lasi dla co ka egesi na ndeɗi, koro masi ta dew lay an vi kaɗi.»

NDUMBA 12:3

Moiz ni sa ma lalam cocoo, sa ma ŋga u nam kay ndaŋgara ni kaɗi.

2 TIMOTE 4:16

Hu li ma an di ay ki kay viinda ni sa ma njun ay un kaɗi, an ay fun dlaanda ni u dew tanu, suuna halaŋ noyon kiyo. Ko Lona ŋga co ndaɗta kasiɗi.

NDUMBA 32:6

Na may Moiz hin di goryoŋ Gad u Rubenna ana, «Ni mege? Gorsegina tuɗ fun duuna agi hin ka ki tani?