1 KORINTNA 13:4 - Boy Lonana

⁴ Minda ɗiliya, minda jiviya, ka li huu ma co eg saɗi, minda ka tli yam taɗ koloɗi, minda ka ŋga taɗɗi.

1 KORINTNA 13:4 ပူးပေါင်းရင်းမြစ်များ

1 PIYER 4:8

Su belni minigi tagiya tagiya kay minda bulum cora ŋgolo.

EFESNA 4:32

Lagi jivira u minda eg tagiya tagiya, ɦeɓegi hurugi ki eg tagiya, ko Lona hinigi coogira ki hu Kristura na may.

KOLOSNA 3:12

Agi ni suu vi Lonna, Lona managiya, nam managiya agi mba li ki a suu mamma ni kay ndaɗta agi cukugi dlara jivira kagiya u hoŋga hoŋ yamba kaŋgara lalamba u ɗigilla.

VUN ŊGOLNA 10:12

Gonokka mbaa ay ni honira, may minda bulum cora ki halaŋ.

1 JAŊ 4:11

Banayanna, lini Lona miniygi ni na ni aygi miniygi taygi duk taygi may.

VUN ŊGOLNA 17:9

Sa ma min a baa cora vi banara kom zeɗ zeɗ. Sa ma ɓak cora ki tew tewna bus banara kiyo.

1 PIYER 3:8

Na may agi halaŋŋi saa magira u min magira li fun taɗ dew, minigi tagi ko gorse tagi na, njunugi u tagiya gege lay hoŋ yam kaŋga u ndaramma.

1 TESALONIKŊA 5:14

Gorsenna ami gaɗagiya, neegi suu poy poyra cora, ɗiligi ii suu ka yoo tasina, njunugi u suu maŋina, lakagi ɗili u suuna halaŋ.

2 PIYER 1:7

Cuk kay taɓpa taɓ u Lonara minda min gorseginara, cuk kay minda min gorseginara, minda.

EFESNA 4:2

Lakagi ɗiliya, u lalamba, u juɓpa, njunugi u tagiya tagiya u minda.

2 KORINTNA 6:6

Ami takami ni sunda vi Lona u ɗegee mamira, hu viimira hu lalam mamira, hu jivi mamira u Musukka vi Lona, u min mamira gasira.

VUN ŊGOLNA 19:22

Va ma minim ko sa warnana ni ɗegeera. Olo ni sa ma hawra ni jivi mariyaɗ su sa ma kaboyna.

KOLOSNA 1:11

Ami joɓomi Lona kay nam mba ŋgomogi u saɓak mamma bibiŋilna ni agi hin ndak siɓ tlena halaŋ u ɗigilla.

GALATENA 5:26

Ŋgaaygi taygiɗi, halaygi boyna duk taygi a ɓeŋ taygi ki ɦawaɗi, ŋgiziɗ tlena vi taygiɗi lay.

1 KORINTNA 4:6

Gorsenna boy ma an dam kay Apollos may kay tanda may na, an min agi haɗam um ki jiviya. An min agi vi ko ami lira na, ni agi hin wi u vun ŋgol ma di ana, «Calaɗ ki kay va ma ay ɓiiri hu magaaranaɗi,» sa ma dukugi mba ŋga tam kay ndarambi.

2 TIMOTE 4:2

Di Boy Lonana col kam eŋe, lini lina ka jivi ɗowba jiviɗi lay, mal huu suuna, yalasiya, gaɗasiya, haɗasi u lalamba jivira.

2 TIMOTE 3:10

Aŋ may ni hum u haɗ manda poy manda u daŋmay manda u viinda u lalam manda u min manda, aŋ col eŋ ko an na may.

VUN ŊGOLNA 31:26

Ndaɗ di dlara halaŋŋi u yalna, vunuɗ haɗ ni haɗta jivira.

VUN ŊGOLNA 31:20

Ndaɗ mal koɗ ki maŋ suu wi hawra, maɗ koɗ maŋ suu hawra may.

VUN ŊGOLNA 17:14

Gijaŋ a li honira ni ko ndal aŋ ka voɗ mbona ay ki a nam ɓaɗta na. Jew bay gijaŋ yara tu ni mariyaɗ ni hiniɗu.

NEHEMI 9:17

Asi min ka humbi. Humusi gasi ka kay dlara mbuɗ mbuɗ ta aŋ laɗ egesiraɗi. Asi tin saarasi ni a hoŋ hu liisi ma mbaɓura. May aŋ taŋga, aŋŋi Lo ma ɦal heɓpa, jekjeke lay, oo coco lay, ka ɓeŋ huruŋ zakgi lay, ɗegee coco lay, aŋ noyosi ka kiɗi.

1 PIYER 2:1

Hinigi huu ma cona ki halaŋ, u kaboyna u mbambara u ŋgiziɗta u ɦay ɦayra cora halaŋ.

TITTA 3:3

Aygi lay ni li ay jew ni na, ka li zolo saɗi, ka hum vun saɗi, lagi ni hu cora. Aygi li ay ni mborɓiina vi saara cora u min maygira ɦawaa. Aygi li ay u huu ma cona kay ŋgiziɗ tlena vi suuna, lay cora egesiya, asi layra egey may.

1 KORINTNA 3:3

kay agi ka li ni ko suu hu duliyara na tuwa. Gi honira u ciwayra ka dukugi tuwa, ni tak kini ana agi ka ni ko suu hu duliyara na tuwa, ni agi poyni ko suu hu duliyara na tuɗi su?

SUNDA 7:9

«Somoyoygi suu asina li honira eg Yosef, gusum ki mbaɓuna ko suu Egiptena ni Lona ka u namu.

DI BOLLA 10:4

Lini mul maŋŋa hurum ɓeŋ egeŋ lay ni aŋ noy sun maŋga ki gawɗi. Kay yal ma aŋ ka bu kolo u dlara na zakgina ni heɓ huu ma yara ki cocoo.

VUN ŊGOLNA 13:10

Ŋga tara mba ay ni honira u ciwayra ɦawaa. Yalna kakŋi u suu hum u gaɗtana.

SOOLLA 10:5

Dlara nam laɗta halaŋ ka fi huwa, nam ka wi ana ɓak ma vi Lonna kaaraɗi, nam ka pan suu duu u namma halaŋ.

2 TIMOTE 2:25

Nam haɗ suu ka minim boy mammaɗina u lalamba, Lona li hin ɦasi yal ma daŋŋa a jok hurusi zeɗ a wi gasira kalage.

1 TIMOTE 6:4

Nam ŋga tammi ŋgaay ɦawaa ka wi vaɗi, ciwayra ki egemmi ko tuguɗira na, li honira kay boyna ɦawaa, hu li ma namma mbay ni honira, hoo vunna, u ŋgulla, saara cora.

1 KORINTNA 8:1

Goloygi u boyna vi tliw ma ɓivunna maŋ fulina. A gasira ni suuna halaŋ wi ko agi dira na lay. Wi mayra ndaɗta mbuɗ sana ŋga tamu, ni ndaɗ minda wulugi hu vira may.

ROMMA 1:29

Asi hoɓi u dlara dadamba, dla cora, halla hal tlena, huu ma cona, honira, ci maɗna, hoo vunna, ganyamba, mbaɗ vun ndarayasina u cora hu dlara dadamba ŋgolo.

URA TIN AYRA 37:11

Gorsemma hurusi mbuɗ ki yowmusna egem may, bum humum ka maa kay boy nammaɗi.

Magaara JAK Ɓiiriɗta 4:5

Saaragi ana magaara dini ɦawaa naɗi, ŋgussa Lona ɦaɗ huu sanara, nam miniɗ cocoo.

1 KORINTNA 4:18

Suu daŋŋa mbuɗ ŋga tasiya, saa masira ni ko ana an ka hoŋ ay varagi a gologi oloɗira na.

ROMMA 13:13

Poyoygi ɗegee ko hu kiɗik faalira na, hinigi kurufukka vi tlesuu tira kiyo u guruɗta guruɗ u summara, dlara bay hum vunna u dlara hoo vuna u dlara honira kiyo.

KOLOSNA 2:18

Hinigi tagi a sa daŋŋa kaagi ɓakŋa kagi na gor gorɗi, suu furi kay dlara asi laɗ u tasira kiɗikka, hoŋ yasi kaŋga fok suu sunda huulona, ɦal ŋgolla maŋ tlesuu tak tasi irsina. Sa ma ko namma nana hurum oyra ni ŋga tara u dlaamba kaɗi, lini u saa mamba hurumba ɦawaa.

FILIPINA 1:15

U saa manda ni suu daŋŋa dukusi ɦiw di boyna vi Kristu ni u honira ɦawaa u saara jerekekŋa, suu daŋŋa ɦiw di boyna jivi may.

2 KORINTNA 12:20

An li ndaana kay an hin tuɗ ha varagini fi dla mayra an miniɗɗira, agi hin fi egenni dlara agi ka miniɗɗira may, an li ndaana ko ɗeɗna, honira, yara, gonokka, ŋgulla, dadagamba, li dla cora, ŋga tara, cuk suuna kay tasiya, an li ndaana kay tlena wanni halaŋ mba li dukugiɗi.

1 KORINTNA 5:2

Agi tagira may ni hin ŋga tagi ni ŋgaay na ɗow. Agi a yoo ginni yoori na ɗow, sa ma li dla ndaɗta a dikim ki ginni dukugiya.

MATIYE 27:18

Pilat ɓak na ni, kay nam wi ana asi ɦam Yesu ay ni ii gonokka ɦawaa.

URA TIN AYRA 30:1

Hu li ma Rasel wi ana ndaɗ ka vuɗ gooɗi ni, huruɗ mbuɗ li yowmusna eg wayaɗta. Ndaɗ di Yakob ana, «Ҥan gorra, kaɗi ni an miɗa.»