1 KORINTNA 13:1 - Boy Lonana

¹ Lini an ɓak vunna vi suuna halaŋ u ma vi suu sunda huulona lay, min manda li kaɗi ni, boy manna an damma hin kini ko gaŋgana a cira ɦawa na, ɗowba ko koŋ koŋŋa a tiira ɦawa na.

1 KORINTNA 13:1 ပူးပေါင်းရင်းမြစ်များ

1 TIMOTE 1:5

U dlara vi gaɗ ndaɗta mbay ni minda vi hu ma jivina u dlara huruŋ saaraɗ fok jivira vira gasira.

1 PIYER 4:8

Su belni minigi tagiya tagiya kay minda bulum cora ŋgolo.

GALATENA 5:22

Tlesuu Musuk Lonara lasina ni, minda, furira, heɓpa, lalamba, li dlara jivi eg saa, jivira, ɗegeera,

1 KORINTNA 13:8

Minda ndaɗ din din ka daɓ kiɗi. Boy ma sana fam ay ko Lonna hin daɓ kiyo, ɦala ɓak u vun ma daŋŋa zeɗ zeɗta hin daɓ kiyo, wira hin daɓ ki lay.

GALATENA 5:6

Lini aygi taɓi u Yesu Kristu ni caw ɗiwra lay caw kaɗi lay ka li vaɗi, va ma ŋgolna ni vira u minda na hol.

1 KORINTNA 8:1

Goloygi u boyna vi tliw ma ɓivunna maŋ fulina. A gasira ni suuna halaŋ wi ko agi dira na lay. Wi mayra ndaɗta mbuɗ sana ŋga tamu, ni ndaɗ minda wulugi hu vira may.

2 PIYER 2:18

Asi ɓakŋi dlara ŋga tasira u boy ma bay umma, asi li sunda u min masira hu tliwna a ganyam suu hal a suɗ tasi ki duk suu hu dla corana.

ROMMA 14:15

Lini wayaŋŋa mbuɗ ki hahawra u va ma aŋ tamma ɦawaa ni, aŋ ka poy u minda oloɗi, ba sa ma Kristu miɗ kamma ki kay tlesuu aŋ tasina ɦawaɗi.

MATIYE 25:45

Nam hin hoŋosi dira ana, An dagi ni u voɗoɗu, jivira agi laɗ ka maŋ sa maa dew duk suu hahawraɗira, agi landa kaɗi ni man an na may.

1 KORINTNA 12:8

Sa maari Musukka ɦam boyna u nera, ma daŋŋa ndaɗ ɦam boyna u wira.

1 KORINTNA 12:16

Lini humba di ana, «Anni ka iiraɗi, kay ndaɗta an ka taɓi eg mbalataraɗi,» doyɗi ni ndaɗ ka haw taɗ ki kay taɗɗi.

2 KORINTNA 12:4

Sa namma tlam kolo hu Paradis ni nam hum boy ma sa ndak ka a dam kiɗina, boy namma voɗta ka a sa dam kiɗi.

SOOLLA 150:5

geleɗem u diŋ ma ŋgolna, geleɗem u tlesuu luuna.

MARK 16:17

Gola! ni dlara mbuɗta hin tak suu tin hurusi kanna kira. Asi hin dik fuli suu cona ki u senu. Asi hin ɓak vun ma wilina lay.

1 KORINTNA 12:10

Musukka ɦal saɓakŋa maŋ sa hiŋŋa kay li dlara mbuɗta, sa hiŋŋa kay jok vun Lona, sa ma daŋŋa ndaɗ ɦam saɓakŋa a wi ŋgussa cora ura gasira. Sa ma hiŋŋa ndaɗ ɦam yal ma ɓak vun ma daŋŋa, ma hiŋŋa ndaɗ ɦam yal ma jok boy namma kina.

1 KORINTNA 14:2

Sa ma ɓak u vun ma daŋŋa, ka ɓakŋi maŋ suunaɗi, ni maŋ Lona. Sa ka humum boy mammaɗi, nam di gasi mayra ŋgayra kini u saɓakŋa vi Musuk Lonara.

1 KORINTNA 14:4

Sa ma di boyna u vun ma daŋŋa wulni viimba kay tamba doy hol, sa jok vun Lona wulni vira vi suu vina halaŋ.

1 KORINTNA 14:5

An min ana a agi halaŋ ɓakagi u vun ma daŋŋa, a jivi sura ni agi ɓakagi boy ma jok vun Lona. Kay ndaɗta sa ma jok vun Lona dlaamba ŋgol su sa ma ɓak u vun ma daŋŋa, a jivira ni sa ma ɓak u vun ma daŋŋa ko nam fi sa ma ndaki a jokom boy mamma ki maŋ suuna a wulusi hu vira.

WIRA ŊGAYRA 14:2

An hum ni della soo kolo huulona ko mbona ɓaɗta na, ko lona bay eŋgana na. An hum della soo ko del suu bu diŋŋa na.