1 KORINTNA 11:3 - Boy Lonana

³ Kay ndaɗta an min ana agi humugi u boyna wanni kiyo, Kristu ni mulna vi suuna halaŋ, sa njufna ni mul caambana, Lona ni mulna vi Kristu may.

1 KORINTNA 11:3 ပူးပေါင်းရင်းမြစ်များ

URA TIN AYRA 3:16

Yawe Lona di cara ana, «Ndak hin vi wiina wani wi hawra cocoo, ndak hin vuɗ goryokŋi u lassa. Saa makka halaŋ tokŋi kay njufuku, nam hin lini a ŋgol makka.»

KOLOSNA 3:18

Boyogina humugi u njufuyugiya, ni agi a li fok Bu Suuna ni na may.

KOLOSNA 1:18

Nammi yamba vi mbalata suu vi Kristuna, iirira wilira gijaŋŋa ha ni u namu. Nammi goo ma vuɗ jewna, ma paɗ ki kolo hu miɗna iiri jewna lay, kay a kak a ŋgolla vi tlena halaŋ.

1 KORINTNA 3:23

Agi tagira ni maŋ Kristu, Kristu ni maŋ Lona may.

EFESNA 4:15

Ni na ɗow a di ki kay gasira u minda kay a wulugi kolo eg Kristu nammi yamba.

1 PIYER 3:1

Agi boyogina may ni humugi u njufuyugiya, kay ana suu dukusi ɦiw li ka vi u Boy Lonanaɗi lay ni asi hin mbuɗ a vi u Boy Lonana u poy magira jivira bay agi dasi boy lay.

KOLOSNA 2:19

Ni sa namma ka taɓi ko tam u Kristu ma yambaɗi, u jivira vi Kristu ni mbalatara halaŋ fi tina taɓi ko tasi dew. Ni taɓpa u wul ma ko namma nana Lona minimmi namma.

KOLOSNA 2:10

Agi fi tlena halaŋ u taɓpa u namba. Nam kaki kay ŋgolla kolora lay kaŋgara lay halaŋ.

Boy Ma Ayra Ma JAŊ Ɓiirimma 14:28

Agi humugi ana an dagi ana an tuɗa, hin hoŋ ay egegiya. Agi li mininu ni, agi hin li furira kay wan ki ana an tuɗ eg Bunu, nammi ŋgol suunu.

MATIYE 28:18

Yesu ɦuɗ tam egesi, dasi ana, «Saɓakŋa huulona may, kay ndaŋgarana may, an fam ki kon halaŋ.

EZAYI 55:4

An tinimmi a sa ma diki maŋ njaf suuna halaŋŋa. Nammi sa ma saɓakŋa kom bay njaf suuna belna.

EZAYI 52:13

Bu Suuna di ana, saan ma sunda suuna hin ŋgaamu, dlara nam a laɗta nam hin faɗu.