1 KORINTNA 1:9 - Boy Lonana

⁹ Lona ka hin va ma nam damma ki ɦawaɗi, nam ma yagi a agi kak taɓi u goromma Yesu Kristu Bu Suuna mayna.

1 KORINTNA 1:9 ပူးပေါင်းရင်းမြစ်များ

SOOLLA 100:5

Kay Yawe nam jiviya, ɗegee mamba ka ni tew tew, gasi mamba ka din din a fafaɗta.

EZAYI 11:5

Ɗegeera ni a gandi ma njuni hurumma, gasira ni tlagara njuni hurumba may.

EZAYI 25:1

Yawe, aŋŋi Loonna, an ŋgaaŋu, an gi deɓpa ni maŋ aŋu, kay aŋ li dlara mbuɗ mbuɗta, dla mayra aŋ ŋgaaɗ ay ki jew day dayra ni dlara gasira, ta ka mbuɗɗira.

EZAYI 49:7

Yawe di ana, sa ma buɗ suuna kina, ma Teteɗ ma vi suu Israelna, nammi sa ma suuna noyom kina, suuna halaŋ golom ko sa ma puluɗiina na, lasam cocoo. Mulina hin wam wa ni hin yow kolo fokomu. Ni kay Yawe ma ɗegeena. Ni kay ma teteɗ ma vi suu Israelna ma manaŋŋa.

NDUMBA 23:19

Lona nam ka sa war a kaboyɗi. Nam ka goŋ Adam a mbuɗ saa mamba na zakgi. Lona di dlara wa ni nam hin bay laɗ su? Nam di boyna di ni hin doli bay lambi su?

MATIYE 24:35

Huulona u ndaŋgara hin daɓ kiyo, boy manna ka daɓ kiɗi.»

Boy Ma Ayra Ma JAŊ Ɓiirimma 17:21

An ceneŋ kay ana asi taɓ dew, a asi taɓi u ay dew ko aŋ ka hurun may, an ka huruŋ mayra na. A asi taɓ dew a suuna wi ana aŋ sunun ay ni aŋu.

ROMMA 11:17

Suu Israelna ni ko gu conora sana zumuɗ uɗta na, gorgor koɗ ma ɦiw ay ki kaaya, aŋ sa ma ka hu njafna vi suu Juifnaɗina aŋŋi gorgor cono mayra daŋga paɗ fun ndarayaɗnara, aŋ ki cecemi taɓi u ndaɗ cono mayra sana zumuɗ uɗta dew.

ROMMA 8:28

Aygi wi ana Lona li jivira halaŋŋi maŋ suu minimma, suu nam yasi ki u ŋgaɓ mambana.

ROMMA 8:30

Suu Lona manasi ay ki fok jewna nam yasiya, suu nam yasina nam mbuɗusi ki fokom ɗegee, suu nam mbuɗusi ki ɗegeena nam ŋgaasiya.

ROMMA 9:24

Aygi suu nam yaygina ni ka duk njaf suu Juifna holɗi, ni duk njaf suu daŋŋa lay.

1 KORINTNA 1:30

Lona taɓaygi ni u Yesu Kristu, nam mbuɗ Kristu kini a neeygira. Aygi mbuɗ ki ɗegee fok Lona ni u Kristu, Lona buɗuygi ki wa, aygi mbuɗ ni suu mamma.

1 KORINTNA 10:13

Ndemba agi waɗ halaŋ wanda li ay ni eg suuna gasi, Lona ka hin va ma nam damma ki ɦawaɗi, nam ka hinigi ndemba mba su kay saɓakagiɗi, hu li ma ndemba mba kakina wanni nam hin ɦagi saɓakŋa agi mba su kaɗu. U dlara agi hin mba puruɗ tagi ki koɗta lay.

1 KORINTNA 10:16

Saaragi kay va cira ma Lona paɗ vunum ki kamma kay aygi mba gam deɓpa, hu li ma aygi caygina ni aygi taɓi dew u busu Kristuɗi su? Fu ma aygi ka ɓorowomma hu li ma aygi taygina na ni nam ka taɓaygi dew u mbalata Kristuɗi su?

2 KORINTNA 1:18

Lona nam ɗegee dlara an dagira hin ki ɦawa ɗowba kaɗira oloɗi.

GALATENA 1:15

Lona u min mamba manan ay ki jew bay an vuɗa kay a sunumu.

GALATENA 2:20

An ka iiri kay tan cecemi oloɗi, Kristu ka iiri hurun ni namu, iiri manda an a sa warna cecemi wanda an ka iiri hu vira u Goŋ Lonana nam ma mininna ɦal iiri mamba ki kanna.

EFESNA 3:6

Gola ni dlara ŋgay ndaɗta u Boy ma Ayra, suu ka njaf suu Juifnaɗina ndak a yow jona vi Lona ma nam ŋgaam maŋ suu mammana, asi taɓi hu mbalatara dewra, fi ɓorow masina u vun Lona ma nam vam hu Yesu Kristuna.

GA 8ATAMBARA 32:4

Nammi Ҥinina, sun mamba halaŋ u voɗoɗu, Voɗ mamba tuɗta halaŋŋi ɗegee. Ni Lo ma ɗegeena, dlara guni ka hurumbi. Nammi gasi u ɗegee.

GA 8ATAMBARA 7:9

Agi wi ki ana Yawe Loogina ni Lona, ni Lo ma gasina, nam li u galam mamba, ɗegee mamba tuɗ ta ta kay njafna ha fok na gak gak buɓ kay suu may suu minimma suu li u gaɗ mambana.

KOLOSNA 1:24

Cecemi an li furira hu wihawra an ka faɗ kagira. Wihaw mayra an ka faɗ eg mbalatan wanda, ni an faɗ ki ni vun wihaw mayra li ka eg Kristu tuɗira kay mbalatamu. Mbalatam ni suu vi Kristuna.

1 TESALONIKŊA 2:12

Ami gaɗagiya, soogi hurugiya, ami cenegi ana poyogi jivi ko Lona minda na. Nam ma yagi ay hu mul mamba u bibiŋil mambana.

2 TESALONIKŊA 2:14

Lona yagi ay ni u Boy ma Ayra ma ami dagina na. Nam yagi a fi ɓorow magira hu ŋgolla vi Bu Suuna Yesu Kristu.

2 TESALONIKŊA 3:3

Na may Bu Suuna ɗegee, njun ugiya, ɦagi saɓakŋa, gologi ko Sa ma Cona.

2 TIMOTE 1:9

Nammi sa suɗuygi kina yaygi ana aygi ni suu mamma, ni ka kay sun maygira aygi laɗtaɗi, ni kay dlaamba nam ŋgaɓaɗta u oo mamba, nam ɦaygi oo mamba hu Yesu Kristu jew lina bay min tuwa.

2 TIMOTE 2:13

Lini aygi ka ɗegeeɗi lay nam ka ɗegee tew tew, nam ka garak u dlaamba nam laɗtaɗi.»

TITTA 1:2

kay asi mba lak juɓ u hurusi tini kay iirira ka daɓ kiɗira. Lona ma bay kaboyna, vi vunum ki fok jew kay iiri ndaɗta bay lina ndak tuwa.

HEBRENA 10:23

Vaygi huruygi eŋ kay boy ma aygi ka damma. Aygi wi ki gasi ana Lona hin li u va ma nam vi vunum kamma.

HEBRENA 11:11

U vira Abraham mbuɗ sa ma ndaki a vuɗ goona, basaɗam jak ki ka gin a vuɗ oloɗi, Sara u taɗta lay ni ka ndak a vuɗ goo oloɗi lay. Nam tin hurum ana Lona hin li u va ma nam damma.

HEBRENA 2:17

Ni kay ndaɗta nam mbuɗ tam ki ko gorsemma na kay a mbuɗ ki mul ŋgol ma li ɓivunna ma jivi ɗegee fok Lonna. Kay cora vi suuna mba daɓ kiyo.

HEBRENA 3:1

Kay ndaɗta agi gorsen suu vina suu Lona yagina, gologi Yesu, Lona sunum ay a mba li a mul ŋgol ma li ɓivunna kay vira ami ka ɓak kaɗta.

HEBRENA 3:14

Aygi ni ndarayaŋ Kristuna, lini aygi goloygi viiygira ay jew dayra na gak gaki ni.

HEBRENA 6:18

Sunda ka mba' ta sa ndak ka a mbuɗuɗɗira, ni hu ndaɗta ni Lona ka kaboyɗi. Aygi suu fi li ma ŋgayra hurumma, ni aygi faygi saɓakŋa ŋgolo a fi va ma aygi ka juɓumma u ɗigilla.

1 PIYER 5:10

Ŋgoo dagan wihawra ew ndaɗta Lona ma oora yagi kay bibiŋil mamba ka daɓ kiɗira kay taɓagi u Kristu nam mbuɗugi pasiyak, soogi hurugiya ɦagi saɓakŋa ɓalagi ugi eŋe.

1 JAŊ 1:3

Va ma ami wamma, ma ami humumma may ni ami dagina ki magi agi may, a kay me aygi taɓaygi ki dew hu taɓ mamira u Buna u Goromma Yesura.

1 JAŊ 1:7

Lini aygi laygi dlaaygira hu kiɗikka ko Lona u tamba hu kiɗikka na may ni, aygi ki taɓi dew u suu hiŋŋa busu Yesu Goromma hin mbusuygi ki ko co maygira halaŋ.

1 JAŊ 4:13

Dla mayra aygi wi ki ana Lona ka huruygiya aygi hurum mayra ni ana nam ɦaygi Musuk mamba.

WIRA ŊGAYRA 19:11

An gol irin ha kolo ni wi huulona ki maliya, kulum haɓma kal ki kiɗiki, sa ma fuli kamma sem ana ɗegeena, gasina, ma kaɓakŋa, ma duu duu ma ɗegeena.