1 KORINTNA 1:8 - Boy Lonana

⁸ Nammi sa ma hin vagi kom gak gak, a sa ba ki hu co taaɗi, tew ki fun buuna vi Bu Suuna mayna Yesu Kristu.

1 KORINTNA 1:8 ပူးပေါင်းရင်းမြစ်များ

SOOLLA 37:17

Kay ko suu li dla cora hin kus kiyo, na may Yawe ka njun u suu ɗegeena.

SOOLLA 37:28

Kay Yawe minni suu boyosi ɗegeena, nam ka hin suu mam suu ɗegeena kiɗi. Nam ka golosi tew tew, may suu li dla cora njafasi bulum kiyo.

Boy Ma Ayra Ma LUK Ɓiirimma 17:24

Weleɗta hin col ay kolo huulona, ndi ki kaŋga wa na mbot mbot ni, Goŋ Sanna hin li hu buu mamma ni na may.

Boy Ma Ayra Ma LUK Ɓiirimma 17:30

Hu buu ma Goŋ Sanna mba a tak tam kina, hin lini na may.

ROMMA 14:4

Sa ma ndak a kaɓakŋa kay sa sunda vi ndaramma ni gege? Lini nam li sun mamba jivi ɗowba ka laɗ jiviɗi, waɗni malamma, nam li jiviya ni Bu Suuna ndak a vam kommi namu.

ROMMA 16:25

Geleɗeygi Lona nam ndak a mbuɗuygi saɓak hu vira u Boy ma Ay ma an ka damma, dla mayra an ka daɗ kay sem Yesu Kristura, u dlara ŋgayra vi Lonara ta aygi haɗaɗta. Dlaamba ŋgay ndaɗta ay ki ni ŋgay day day sa ka waɗɗi.

ROMMA 8:19

Tlesuu Lona lasina halaŋ tasi lasi na jik jik a wi buu ma Lona hin tok goryom ki huna.

1 KORINTNA 3:13

Ni sunda vi sana hin tak ki hu buu ma kaɓakŋa, tak kini dlaamba nam laɗta. Hu buu namma ndaɗ mba ki kiɗikŋi u kura, kura hin tuk sunda vi sana ni u va nam lamma.

1 KORINTNA 5:5

Sa namma agi gam ha ki maŋ Satanna, nam lasam tamu a ŋgus mamba hin suɗ ki hu buu ma vi Bu Suuna Yesuna.

2 KORINTNA 1:13

Ami ɓiirigi magaara ha ni ka kay boy ma daŋgi, ni va agi ndumumu humumu. An ka u juɓpa ana agi ndumumu humum gasi.

2 KORINTNA 1:14

Cecemi ni agi humi ɦiw ɦiw. Hu buuna vi Bu Suuna Yesu wanni agi hin li furi kamiya, ko ami furi kagira na may.

2 KORINTNA 1:21

Namma taɓaygi u agi lay iiri hu Kristu tiniygi kay taygi zeɗ zeɗ ni namu.

EFESNA 5:27

Nam li na ni kay a col suu vi Kristuna ki fokom u jivi masira u tamba ki teteɗ, cora ka huɗi, zozot ka huɗi lay, turubut ka huɗi lay, va ma daŋ ma co ka huna ndeɗi lay.

FILIPINA 1:10

Kay agi mbuɗ ndaki a man dlara jivira, agi hin mbuɗ a suu teteɗna a sa ndak a fi va ma co egegi hu buu ma vi Kristunaɗi.

FILIPINA 1:6

An wi kan jivi ana Lona ma gijaŋ sunda jivira ay u agi dayna, hin tuɗ fok u agi gak gak a daɓaɗ ki hu buu ma vi Yesu Kristuna.

KOLOSNA 1:22

Cecemi u miɗna vi goromma fam hu mbalatamma, Lona taɓagi dukugi u namu, kay a mbuɗugi fokom teteɗ bay cora, bay ŋgulla.

KOLOSNA 2:7

Pagi sariyagi kaŋga hurumu, minigi iiri magira ni kam nam dew, kakagi eŋ hu vira u va haɗagi nana, mbuɗugi saɓak u gi deɓpa.

1 TESALONIKŊA 3:13

Ko nam soogi hurugi a lak bay cora teteɗ fok Lona Buya, a juɓ mbara vi Bu Suuna mayna Yesu u suu mam suu teteɗna halaŋ.

1 TESALONIKŊA 5:2

Kay agi kay tagira lay wi ki ana Buu ma vi Bu Suunana hin mbaa ni ko sa ma kulna na.

2 TESALONIKŊA 2:2

mbuɗugi ndaa zakgi, mbuɗugi ŋgusugi dlagagi ko buu ma vi Bu Suuna mba kiwa naɗi. Sa ma jok vun Lona kala, sa ma di boyna kala, ma dagiwa ana ami ɓii boy namma ay hu magara.

2 TESALONIKŊA 3:3

Na may Bu Suuna ɗegee, njun ugiya, ɦagi saɓakŋa, gologi ko Sa ma Cona.

2 TIMOTE 1:12

Kay ndaɗta an vi wihawra kanu, an li zolo kay boy nammaɗi kay an wi sa ma an tin hurun kamma, an wi ki gasi ana nam ndaki a golon gak gak buu ma nam ŋgaamma, kay va ma nam ɦanna konna.

2 TIMOTE 1:18

Ko Bu Suuna ɦam oora, oora col ay ko Bu Suunara tew hu buu ma namma, aŋ wi gasi sunda jivira nam landa ay hu Efessa.

1 PIYER 5:10

Ŋgoo dagan wihawra ew ndaɗta Lona ma oora yagi kay bibiŋil mamba ka daɓ kiɗira kay taɓagi u Kristu nam mbuɗugi pasiyak, soogi hurugiya ɦagi saɓakŋa ɓalagi ugi eŋe.

2 PIYER 3:10

Buu ma vi Bu Suunana hin mbani ko sa ma kulna na, hu buu namma wanni soora mbuɗ suuna ndaana ŋgolo tlesuu kolo huulonna hin yoo ki u kura, ndaŋgara u tlesuu huruɗna hin ŋgal kiyo.

2 PIYER 3:14

Kay ndaɗta banayanna a juɓ buu namma wanni soogi tagi kay lak ɗegee ii Lona kay taɓ u nam hu heɓpa.