1 KORINTNA 1:18 - Boy Lonana

¹⁸ Boy ma dam kay miɗna vi Kristu hu gu ma garakŋa, suu a ba kina nam irisi ni va ma dawina, aygi suu ka hu voɗta vi suɗta na, boy namma iriygi ni a saɓakŋa vi Lona.

1 KORINTNA 1:18 ပူးပေါင်းရင်းမြစ်များ

1 KORINTNA 2:14

Sa ma ka u Musuk Lonara hurumbina ndak ka wi gasira vi Musukkaɗi may. Gasi ndaɗta irimmi ko va ma laɓa na, nam ndak ka a hum u boy nammaɗi, sana ndak a gi ii dlara kini u Musukka.

ROMMA 1:16

An ka li zolo kay Boy ma Ayraɗi, nammi saɓak Lonna kay suɗ gegelay ma tin hurumma, ay jewni suu Juifna, hinni maŋ suuna halaŋ may.

2 TESALONIKŊA 2:10

Nam hin li njaf cora halaŋ halaŋ a gan yam suuna a baasi kira. Asi hin ba kiyo kay asi vi gasira kaɗi lay, min gasira ndak a suɗusi kira kaɗi lay.

2 KORINTNA 4:3

Lini Boy ma Ayra ma ami ka damma ki kiɗiki, ni nam ii suu ba kina ni ndufun lay.

1 KORINTNA 1:21

Suu hu duliyara na ndak ka a wi Lona u neesira ana ni Lona gasiraɗi, kay ndaɗta Lona min suɗ suu tin hurusi kamma ki u boy ma puluɗi ma aygi damma.

1 KORINTNA 3:19

Nera hu duliyara tanira ni giniŋga ii Lona, kay magara di ana, «Lona vi suu neeyna hu ganyam masira.»

1 TESALONIKŊA 1:5

Kay Boy mami ma Ayra tewegi ka ni u boyna ɦawaɗi, ni u saɓakŋa u Musuk Lonara u gasira ŋgolla. Agi wi lay ami ay dukugi vi tami ni kay boy magina.

1 KORINTNA 2:2

Buu ma an buu ay varagina an min ana an wi va ma daŋ dukugiɗi, va ma an minim ŋgolna ni ana Yesu Kristu ɓali hu gu ma garakŋa doy hol.

SUNDA 13:41

Gologiya agi suu pan tara, Boyna su ki kagiya, agi njay ha kiyo, an a li sun taa dew dukugiya, ni ta bay agi vi uɗta, lini sa dagira uɗ ki lay.»

HEBRENA 4:12

Boy Lonana ka iiriya nam saɓaki. Nam sii su ŋgew ŋgol ma siim, mbana. Nam wak gak gak tew hu li ma musukŋa u ŋgussa ŋgaf tasi huna, tew gak gak hu li ma vun sokŋa ŋgaf huna u mbul ma duk sokŋa lay. Nam ka ɓakŋa kay minda vi sana u saara hurumba halaŋ.

2 KORINTNA 10:4

Kawi ma aygi ka duu taygi, u namma ka ko ma vi suu duk ndaŋgarana naɗi, ni kawi ma saɓakŋa vi Lona ndak kay a to gulumunna ki kaŋgaa, ay to tlesuu ka u voɗosiɗina ki ni u kawi namma.

1 KORINTNA 15:2

Agi suɗ kini u boy namma, lini agi vi um ko an haɗaginara na, li ka naɗini viigira kini ɦawaa.

SUNDA 17:32

Asi hum Pol di ana nam colom ki kolo hu miɗna iiriya ni, suu daŋŋa panam may, suu ɦiw di ana, «Ami min a humuŋ dlaaŋga ndaɗta hu falira daŋ dew tu olo.»

SUNDA 17:18

Suu haɗ haɗta Epikurirana u suu Estuwasina ciwayra u Pol. Suu daŋŋa di ana, «Sa ma dagam dagam namma di ni ana mege?» Suu ɦiw ana, «Nam ɓakŋi boyna vi lo ma daŋŋa kalage.» Asi di na kay Pol di Boy ma Ayra ana Yesu paɗ ki kolo iiriya.

SUNDA 2:47

Asi geleɗ Lona, suuna halaŋ ŋgaasiya, hu buuna halaŋŋi Bu Suuna cuk suu ki suɗi wilina dukusiya.

1 KORINTNA 4:10

Ami mbuɗ suu laɓana kay sem Kristu, agi ni suu neeyna kay sem Kristu may. Ami suu maŋina, agi ni suu saɓakŋa may. Ami ni suu suuna panamina, agi ni suu suuna geleɗegina may,

HEBRENA 12:2

Ŋgarasaygi iriygi ni kay Yesu, viiygira coli ni kay gi jaŋ ayra gak gak daɓpa. Nam vi kam a asi ɓalam ki hu gu garakŋa, nam li olo ka kay miɗ mammaɗi, kay nam wi furira ka juɓum fokka, cecemi nam ka kaki kay bik ko Lona ma njufna kay dlam mamba mulla.