Musuk Bu Suuna Yawera ka kanu, Yawe ŋgaɓan a di boy ma ayra maŋ suu hahawra, ɗil ii suu hurusi ki ɓalakina, nam sunun ay a di boyna cuk suu hu daŋgaynana kiyo. Suu ay ki vii balnana tuɗ ki voo.
Vunum bay ndi kaŋga tu may ni, ɗugulla weleɗta kuluɓ ŋgusna kasiya. Asi hum della ɓak ay dukuɗ ana, «Ni Goron ma an minim ɦayna. An furiyum u hurun halaŋ. Agi vam vunumu.»
Nam humuŋ vunuŋ kaɗi ni, tay sa uŋ dew kala, mba' kala, tuɗ egemu. Kay a gi ii boyna wanni, suu mba' kala, hindi kala, li duk boy namma, ko gaɗta dira na.
Lona tlam kolo hu bikim ma njufna, nam fi Musuk Lonara di ki kaɗ jewra ay ko Bumu. Nam hin njayaɗ ay ki kamiya, halaŋŋi va ma agi ka wam cecemi humum u humugiya.
Ami ɓiirigi ha ni kay boy dla iirira, ndaɗ ay ni u ura tin ayra day, ami hum boy namma u humumiya, ami wam u irimi lay, ami gol boy namma komi ŋgenem lay.
Yesu Kristu ni sa mbayna nam mba ni u yo ma batem mamma komu u busu ma miɗ mamma may. Nam mba ni ka u yona doy holɗi yona may busuna may. Musukka ana dla ndaɗta ni gasiya kay me Musukka ni gasira.