1 JAŊ 5:6 - Boy Lonana

⁶ Yesu Kristu ni sa mbayna nam mba ni u yo ma batem mamma komu u busu ma miɗ mamma may. Nam mba ni ka u yona doy holɗi yona may busuna may. Musukka ana dla ndaɗta ni gasiya kay me Musukka ni gasira.

1 JAŊ 5:6 ပူးပေါင်းရင်းမြစ်များ

EZEKIYEL 36:25

An hin yorokogi yo ma teteɗna kagiya. Agi hin mbuɗ ki teteɗ. An hin mbusugi ki ko dlaagira njenjera halaŋ, ko ɓivun ma agi goɓ fulinana lay.

DLAŊ LEVIRA 17:11

Kay ana, iirira vi tlena halaŋŋi duk busuɗusiya, anu, an ɦagina ni hu givin ma togolla kay a li ɓivun ma bulum cora kina kay iiri magira. Busuna mbus co ndaɗta kiyo kay nammi iirira.

ZAKARI 9:11

Kan an may ni, kay galamba an vaɗ u ndak hu busuɗunda, an hin cukuk suu mak suu daŋgayna ay ki hu zulla hu li ma yona ka huɗina.

MATIYE 26:28

Ni busuun ma Lona vi banara u agi u namma. Ni busu ma vo ki kay suuna halaŋ a bulumusi coosira ki na.

MATIYE 3:16

Yesu fi batemma fi ni, a ɗuŋ ay ki kolora wanni, huulona mal ki gaw. Nam wi Musuk Lonara si ay kam ko gugukka na.

MARK 14:24

Nam dasi ana, «Ni busu ma agi vi banara u Lona u namma. Ni busu ma vo ki kay suuna halaŋ a bulumusi coosira ki na.

Boy Ma Ayra Ma LUK Ɓiirimma 22:20

Nam ɦasi va cira ma li komma ŋgoo funa dagani, hin dasi ana, «Va Cira wanni banara wilira u Lona vunuɗ faɗ ki u busuun ma vo ki kaŋga kagina.»]

Boy Ma Ayra Ma JAŊ Ɓiirimma 14:17

Suu hu duliyara ka ndak a faɗɗi kayra asi ka waɗɗira. Agiya, agi waɗu, kay ndaɗ kak hurugiya, ka u agi tew tew lay.

Boy Ma Ayra Ma JAŊ Ɓiirimma 14:6

Yesu hoŋom dira ana, «Anni voɗta, anni gasira, anni iirira lay. Sa ndak ka a tuɗ eg Lona bay tli kanɗi.

Boy Ma Ayra Ma JAŊ Ɓiirimma 15:26

«Sa may ma a njun ugina hin mbaya. Ni Musukka gasira col ay ko Bun Lonara. An hin sunugira ay u sem Bunu. Ndaɗ hin ɓakagi kanu.

Boy Ma Ayra Ma JAŊ Ɓiirimma 16:13

Musukka gasira mba wa ni, ndaɗ hin tinigi hu dlara gasira halaŋ. Ndaɗ ka ɓak kay saɓak maɗna kay taɗɗi, ndaɗ di ni dlara ndaɗ humuɗta, ndaɗ hin dagi dlara hin mbara may.

Boy Ma Ayra Ma JAŊ Ɓiirimma 3:5

Yesu dam ana, «An daŋŋi gasira, sana vuɗ ka u yonaɗi may ka u Musuk Lonaraɗi may ni, nam ndak kal hu Mul Lonaraɗi.

Boy Ma Ayra Ma JAŊ Ɓiirimma 4:10

Yesu hoŋoɗ dira ana, «Lini ndak wi tlesuu Lona ɦasina ni, ndak wi sa joɓok yo ma cira may ni, ndak a joɓ yona ko sa namma ni ndak ɗow. Nam hin ɦak yo ma iirina.»

Boy Ma Ayra Ma JAŊ Ɓiirimma 4:14

Sa ma ci yo ma an ɦammana, laara ka cam oloɗi, yo namma hin egemmi a iirira ka daɓ kiɗira.»

Boy Ma Ayra Ma JAŊ Ɓiirimma 6:55

Tliw tan ni fu ma ti ma gasina, busuun ni va ci ma gasina may.

SUNDA 8:36

Asi tuɗ voɗ na ni fi mbona fokosi fini sa ŋgolna di ana, «Mbona wanni, va ma dooron ana an mbus ki batemmaɗina ni me ologe?» [

ROMMA 3:25

Lona li ɓivunna ki u namu, u miɗ mamma Yesu yow cora vi suu vi umma kiyo, Lona li takka ki a wi ana nam ɗegee u jewra nam ɗil irim kay cora vi suuna.

EFESNA 1:7

Hu miɗna vi Kristu aygi buɗ ki hu cora wa, cooygira daɓ ki wa. Ni kay ndaɗta Lona takaygi ŋgolla vi oo mamba.

KOLOSNA 1:4

Kay ndaɗta ami hum kay viigira hu Yesu Kristu, u min magira agi min suu vina vi Lona halaŋga.

1 TIMOTE 3:16

Sa ndak ka a di va ma daŋgi, ŋgayra vi ɗegee ndaɗta wanni ŋgol ɦay. Nam mba tak tam ki ko sa warna na, Musukka takam tam ki ana nammi sa ma ɗegeena. Suu sunda huulona wamu, suuna halaŋ dlaamba di ay ki dukusiya, suuna vi um coco lay. Nam kal ki kolo huulona.

TITTA 3:5

nam suɗuygi ki ka ana aygi li sunda ɗegeera ka naɗi, ni kay nam waygi hahawaygiya. Nam suɗuygi ni u mbussa vi Musuk Lonara, ndaɗ ɦaygi vuɗta wilira u iirira wilira.

HEBRENA 10:29

Ni sa ma pan Goŋ Lonna hin lini nana ɗaŋge, nam hin busuna vi Goŋ Lonna ma mbus cora kina ko va ma ɦawana na, ŋgul Musukka oora. Agi ndak saa kagi ana ɓakŋa vi sa namma hin lini coo naɗi su?

HEBRENA 12:24

Agi mbaagi ni eg Yesu sa ma taɓ duk ɦoŋga u Galamba Wilira, busuum ma vo kina li jivira su ma vi Abelna.

HEBRENA 13:20

Lona col Bu Suuna Yesu iiri ki duk suu miɗina, nammi sa ŋgol ma taa yoona, bana mayra didinda faɗ ki ni u miɗ mamma. U saɓakŋa vi busuna vi ɓivun mamma nam mi galamba ka daɓ kiɗira.

HEBRENA 9:14

Lini jivi na ni busu Kristu hin lini ko me na ɗaŋge, u Musukka didinda nam ɦal tam maŋ Lona ni ɓivun ma pasiyakŋa. Bu Suuna hin mbuɗuygi saa maygira cora kiyo, kay aygi sunuygi Lona ma iirina.

HEBRENA 9:7

Mul ŋgol ma li ɓivunna nam dew kal hu mbutluɓma mbana u basara nam li yami dew. Nam kal u busu yoo ma li ɓivunna maŋ Lona kay tamba, kay cora vi suuna asi laɗ ii viɗtara.

1 PIYER 1:2

Agi ni suu Lona Buna managi ay ki fok jew ana agi hin li a suu mamsinana, ni kay ndaɗta Musuk mamba ka njunugiya a hom u Yesu Kristu, mbuɗugi ki pasiyak u busu mamma. Ko oora u heɓpa kak u agi cocoo.

1 PIYER 3:21

Mbo namma takŋi batem ma ka suɗugi cecemmi wanna, mbo namma ka mbus zozoɗta eg sanaraɗi, ni a joɓ Lona kay saara ɗegeera, batemma suɗugi ni u colla Yesu Kristu col ay ki kolo iiri duk suu miɗinara.

1 JAŊ 1:7

Lini aygi laygi dlaaygira hu kiɗikka ko Lona u tamba hu kiɗikka na may ni, aygi ki taɓi dew u suu hiŋŋa busu Yesu Goromma hin mbusuygi ki ko co maygira halaŋ.

1 JAŊ 4:10

Lon tak min mamba ki ni ko ndaɗta na, aygi min Lona ay jewni ka aygi na ɗowɗi. Lona miniygi ay jewni namu nam sun goromma ay ana nam bulumuygi cooygira ki u ɓivun mamma.

WIRA ŊGAYRA 1:5

U minda vi Yesu Kristu sa ma ɗegee ma di kina, goo ma vuɗ jewna, sa ma col ay ki kolo iiri hu miɗna jewna, mulna vi muli suu kay ndaŋgarana lay. Nam miniygiya, buɗuygi ay ki hu cora u miɗ mamma.

WIRA ŊGAYRA 5:9

Asi gi soolla wilira ana, «Aŋ ndaki a tli magaara koŋu, a haw tampoŋŋa ki lay, aŋ ay ki jew ni miɗiya, u miɗ maŋŋa aŋ gus suuna ay maŋ Lona, suuna ay ki hu njafasi zeɗ zeɗ halaŋ, u vunusi zeɗ zeɗ halaŋ, u suuna halaŋ halaŋ kay ndaŋgara.

WIRA ŊGAYRA 7:14

An hoŋom dira ana, «Aŋ wasi ni aŋgi su, Bu Suuna manna.» Nam dan ɗaŋŋi ana, «Ni suu cuk ay ki hu lassa ŋgolona. Asi mbus baraw masira ŋgolla kiyo, ndaɗ mbus ki haɓpa ni u busuna vi Goo Timiina.