1 JAŊ 5:20 - Boy Lonana

²⁰ Aygi wi anaba Goŋ Lonna mba wa, nam neeygi ki ana aygi wi Lo ma gasina kiyo. Aygi taɓira u Lo ma gasina ni u sem Goromma Yesu Kristu, nammi Lo ma gasina, iirira ka daɓ kiɗira lay.

1 JAŊ 5:20 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 17:3

Iirira ka daɓ kiɗira ni ana asi waŋ ana, aŋŋi Lo ma gasina dew, wi Yesu Kristu ma aŋ sunum ayna may.

Boy Ma Ayra Ma LUK Ɓiirimma 24:45

Nam malasi yasi ki ni ana asi wi boy ma ɓiirina kiyo.

Boy Ma Ayra Ma JAŊ Ɓiirimma 14:9

Yesu hoŋom dira ana, «Filip, an na day day egegi ni, aŋ bay wan tu su? Sa ma wanna, wi ni Bun gaw may. Aŋ hin di ana, Takami Buŋu ni nanage?

1 TIMOTE 3:16

Sa ndak ka a di va ma daŋgi, ŋgayra vi ɗegee ndaɗta wanni ŋgol ɦay. Nam mba tak tam ki ko sa warna na, Musukka takam tam ki ana nammi sa ma ɗegeena. Suu sunda huulona wamu, suuna halaŋ dlaamba di ay ki dukusiya, suuna vi um coco lay. Nam kal ki kolo huulona.

EZAYI 44:6

Yawe mul ma vi suu Israelna di ana, nammi sa ma buɗusi ay kina, Yawe ma Saɓakŋa Kom Belna, anni ma jewna, ni ma do daganna lay, ki ŋgoron dagan ni lo ma daŋ kadi.

1 JAŊ 5:1

Lini gegelay tin hurum wa ana Yesu ni Kristu nammi goŋ Lonna ni, sa min buna hin minim gorom may.

Boy Ma Ayra Ma JAŊ Ɓiirimma 20:28

Tomas hoŋom dira ana, «Bu Suuna, Lo manna!»

WIRA ŊGAYRA 3:7

Ɓii magaara maŋ sa sunda huulona vi suu vi Kristuna hu Filadelfi. Humugi boy ma sa ma coli ɗegee, bay cora egemma damma. Vun zira vi mul ŋgolna Davidta ni komu, nam mal vun zira kiwani sa ma daŋ ka ndak a duguɗɗi, nam duguɗ wa ni sa ma daŋ ka ndak a malaɗ kiɗi may.

1 JAŊ 4:16

Aygi wi minda Lona miniygira kiyo, aygi tin huruygi kamu. Gasi Lona ni minda, sa ma ka u minda hurumma ka ni hu Lona, Lona hurum may.

ROMMA 9:5

Asi ni hu dee somora vi suu Israelna, u Sa Lona Fuurumma, ko sa warna na, ka hu dee masira may. Nam su suuna u tlena halaŋ, Lona, ma suuna geleɗem na gak gak hu daɓ kiɗira. Amin.

Boy Ma Ayra Ma JAŊ Ɓiirimma 10:30

Bun may, an may, ami ni dew.»

EZAYI 9:6

Mul mamba hin li ha ni na din din heɓpa uɗ ka doɗira. Ni kay dlamba mulla vi David u mul mamba. Nam hin tin mulla coloɗ eŋŋe, ni kay gasira u ɗegeera col ha cemmi tuɗ ha na gak gak, saɓak ma vi Yawe, ma Saɓakŋa Kom Belna, hin li dla ndaɗta.

1 JAŊ 4:2

Dlara agi hin wi ki gasi ana ni Musuk Lonara sura, ni mayra sana di ki u vunum wa ana Yesu Kristu gasi mbuɗ ki ni sana, Musuk mamba col ay ni vi Lona.

1 JAŊ 2:6

Sa di ki u vunum ana nammi hu Lona li ko Yesu li hara na may.

HEBRENA 1:8

Kay Goona ni, Lona di ana, «Dlam maŋga mulla, Lona, tiniŋ kaɗ ni a fafatɗa. Aŋ ti mul maŋga ni u ɗegeera.

TITTA 2:13

Ndaɗ haɗay kay ay mba kak iiri a juɓ u furira hu buu ma ay ka saa kamma. Ni hu buu ma bibiŋilla vi Lona ma ŋgolna, u Sa Suɗta Yesu Kristu hin mbana.

SUNDA 20:28

Gologi tagi jiviya, gol timigii suu Musuk Lonara ɦagisina kogi ana agi golosina jiviya. Gologi suu vi Kristuna vi Lona jiviya, suu nam vuɗusi u miɗna vi Goromma.

Boy Ma Ayra Ma JAŊ Ɓiirimma 17:14

An ɦasi boy maŋŋa wa. Suu hu duliyarana noyosi kiyo, kay asi ka varasiɗi, ko an ka varasiɗira na may.

WIRA ŊGAYRA 19:11

An gol irin ha kolo ni wi huulona ki maliya, kulum haɓma kal ki kiɗiki, sa ma fuli kamma sem ana ɗegeena, gasina, ma kaɓakŋa, ma duu duu ma ɗegeena.

WIRA ŊGAYRA 15:3

Asi gi soolla vi Moiz sa ma sun Lona u soolla vi Goo Timiina ana. «Bu Suuna, Lona ma Saɓakŋa Kom Belna, sun maŋga ni ta ŋgolla, ta dlaɗ su ki kay suunara mul ŋgolna vi njaf suuna dlaaŋga aŋ ŋgaaɗta ni ɗegee, gasi lay.

WIRA ŊGAYRA 6:10

Asi sawalla ay kolo u delesira eŋga ana, «Bu Suuna ma jivi teteɗ gasina, aŋ juɓ na gak gak, hin kaɓakŋa kay suu hu ndaŋgara a cukusi daŋgayna kay cira asi cami kira ni saɓage?»

WIRA ŊGAYRA 3:14

Ɓii magaara maŋ sa sunda huulona vi suu vi Kristuna hu Laodise. Gola ni boyna vi sa ma diki ma ɗegeena, ma gasina sem ana, Amin. Sa ma u tlesuu Lona lasi halaŋŋa ay komma.

1 JAŊ 4:14

Aygi wi boy namma aygi ɓak ki kam ana Lona sun Goromma ay a Sa Suɗta vi suu warna.

FILIPINA 3:9

A li ɗegee taɓi u namba wanni ka dlaanda an hum jivi u gaɗtaraɗi, ni u vira hu Kristu an mbuɗ ɗegee ni na, dla mayra mbuɗ sana ki ɗegeera mbay ni vi Lona, kay Lona haɗ ni maŋ suu vina.

2 KORINTNA 4:6

Lona di ana kiɗikka weleɗ duk ndufunda nammi sa ma hin kiɗik mamba weleɗ huruygina, kay ɦaygi bibiŋilla vi Lonara u kiɗik maɗta weleɗ fok Kristu.

Boy Ma Ayra Ma JAŊ Ɓiirimma 15:4

Lagi taɓi dew u anu ko an taɓi dew u agira na may. Ko gorgor gugutlura vaydaɗni ka vuɗ bay sokoɗ uɗɗi, ni na. Lini agi ka taɓi u anɗi ni, agi ka vuɗɗi.

Boy Ma Ayra Ma JAŊ Ɓiirimma 14:23

Yesu hoŋom dira ana, «Sa ma mininna, hum u boy ma an damma, Bun hin minimu, Bun may an may, ami mba lak hurumu.

Boy Ma Ayra Ma JAŊ Ɓiirimma 14:20

Buu namma ndak wa ni, agi hin wi ana an ka hu Bunu, agi ka hurun may, an ka hurugi may.

Boy Ma Ayra Ma JAŊ Ɓiirimma 14:6

Yesu hoŋom dira ana, «Anni voɗta, anni gasira, anni iirira lay. Sa ndak ka a tuɗ eg Lona bay tli kanɗi.

Boy Ma Ayra Ma JAŊ Ɓiirimma 1:18

Sa wi Lona kaɗi, gorom ma dew ma ka eg Bumma, nammi Lona may, takayna ki ni namu.

Boy Ma Ayra Ma LUK Ɓiirimma 21:15

An tanda hin ɦagi nera u boy ma agi damma, babali magisina ka a ci way funugiɗi.

MATIYE 13:11

Nam hoŋ dasi ana, «Agi ni suu Lona gagi u boy mamma ŋgay kay Mulla huulonara ki na, gam ka ki maŋ suu hiŋŋa koɗi.

JEREMI 10:10

Na may Yawe Lona ni gasira, nammi Lo ma iirina, mulna a fafaɗta. Hu li ma hurum mbuɗ yara wa ni ndaŋgara dlakka, suuna ka ndak a col fok yaambaɗi.

EZAYI 54:5

Kay sa ma mbuɗ tam a njufukŋa sem ana Yawe, ma Saɓakŋa Kom Belna, ma Teteɗ ma vi suu Israelna, ni sa ma buɗuŋ ay kina. Yam ana, Lo ma kay ndaŋgara belna.

1 JAŊ 2:24

Ni kay ndaɗta vagi boy ma agi humum ay fok jew dayna hurugi eŋe, lini dlara agi humuɗ ay fok jew dayra hurugiya ni agi hin li taɓira dew u Goona may u Buna may.

EFESNA 3:18

Suu vina vi Lona halaŋ ndak a wi minda vi Kristu bubuuɗu u fiyekeɗu, kolo day maɗta u zuluɗu.

2 KORINTNA 5:17

Lini sana ka hu Kristu ni nam mbuɗ ni sa ma wilina, tlesuu basina daɓ ki wa, suu wilina ka ni asiya.

1 KORINTNA 1:30

Lona taɓaygi ni u Yesu Kristu, nam mbuɗ Kristu kini a neeygira. Aygi mbuɗ ki ɗegee fok Lona ni u Kristu, Lona buɗuygi ki wa, aygi mbuɗ ni suu mamma.

Boy Ma Ayra Ma JAŊ Ɓiirimma 17:25

Bun ma ɗegeena, suuna ka waŋgi. Anu an waŋu. Suu asina wi ana aŋ sunun ay ni aŋu.

JEREMI 23:6

Hu coki mamba ni Yuda ki suɗiya. Israel kak u heɓpa. Gola ni sem ma asi hinimma kamma, «Yawe ni ɗegee maygira.»

Boy Ma Ayra Ma JAŊ Ɓiirimma 8:42

Yesu dasi ana, «Lona lini Bugi gasagi ni, agi hin mininu, kay an col ay ni eg Lona, mba ni kay dlaamba. An mba ka kay tanɗi nam sunun ay ni namu.

1 JAŊ 2:23

Gasi sa noy Goona kina noyom ki ni Bum may, sa wi Goonana wammi Bum may.

1 JAŊ 5:5

Sa ma ndak a su kay duliyara ni gege? Ni sa tin hurum ana Yesu ni Goŋ Lonana hol.

1 JAŊ 5:15

Aygi wi ana aygi joɓom va wa nam humuygi vunuygiya ni aygi wi lay ana va ma aygi joɓom kamma nam hin ɦaygina lay.

1 JAŊ 5:18

Aygi wi ana sa a goŋ Lonna yam ka kay li cora na gak gakgi, kay me Goŋ Lonna nam golom um tew tew, Sa Cona ndak ka a lam va egembi.