1 JAŊ 5:16 - Boy Lonana

¹⁶ Lini sana wi wayamma a li cora, lini ka cora tuɗum fun miɗnaɗi, nam cenna, Lona hin ɦal iirira maŋ wayamma namma, va namma ni kay suu cora ka tuɗusi fun miɗnaɗina doy hol. May ni cora tuɗum fun miɗnara kaa, an joɓ ka ana agi cen Lona kay co ndaɗta naɗi.

1 JAŊ 5:16 ပူးပေါင်းရင်းမြစ်များ

URA TIN AYRA 20:17

Abraham cen Lona nam hin garaɗ Abimelek kiyo. Caŋ Abimelekka u boyogi suu sunda varamma gijaŋ vuɗta.

URA TIN AYRA 20:7

Cecemi hoŋ cara maŋ njufuɗu kay nammi sa ma jok vun Lona, nam hin cen kaŋu aŋ hin kak iiriya, lini aŋ hoŋoɗ kaɗi ni, aŋ wi ki kaŋ ana, aŋ hin miɗ ki u suu maŋsina halaŋ.»

SOOLLA 106:23

Lona hal gin a baasi ki halaŋ, na may Moiz sa ma nam manamma col ki fokomu, cenem kay nam heɓ hurum kiyo.

KALKIRA 34:9

Nam di ana, «Lini an fi gasi jivira iriŋ wa ni ɦii, Bu Suuna, tuɗ ay dukumiya, kay suuna ca ni yasi eŋ cocoo. Na may aŋ bulumumi dla coomira kiyo. Aŋ mbuɗumi ki a suu maŋsina.»

JEREMI 11:14

«Aŋu, tli dlaŋ suu asinara kaŋgi. Yoo taŋ kasiɗi lay, cen kasiɗi lay, kay ana hu li ma asi hin yan an hin ka humbi, hu li ma hahawra mba kasina.»

JEREMI 14:11

Yawe dan ana, «Loɓ tan u suu asinaɗi. Joɓon jivi masira kasiɗi.

JEREMI 7:16

Aŋ joɓ kay suu asinaɗi, yoo taŋ kay dlasiraɗi lay, cenenɗi lay, vi taŋ funun kay dlasiraɗi, an ka humuŋgi.

EZEKIYEL 22:30

Dukusi ni an hal ana fi sa ma jivi ma min gulumunna kolo su, fi sa ma hin a col fokon a vi kura kolo su, ni kay tlesuu ka hu mbassana. Kay ana ka an hin ɓalak tle asina kiɗi, na may ni an fi sa kaɗi.

NDUMBA 12:13

Moiz tii eg Yawe ana, «Ҥii, Lona, aŋ garaɗaɗ ki na garaɗ ge.»

NDUMBA 15:30

Na may sa ma li cora ndaɗta u min mambana, lini sa ma Israelna ɗowba ŋgay ma cuki dukusina lay, ni sa namma ka duk suu mamsina oloɗi, kay nam ŋgul ni Yawe.

Boy Ma Ayra Ma LUK Ɓiirimma 12:10

«Sa ɓak co kay Goŋ Sanna coomba hin daɓ kiyo. Sa ɓak co kay Musuk Lonara, coomba ka daɓ kiɗi a fafatɗa.

Boy Ma Ayra Ma JAŊ Ɓiirimma 17:9

«An ceneŋ kasiya ka kay suu halaŋŋaɗi, ni kay suu aŋ ɦansinana, kayme asi ni maŋsina.

2 TIMOTE 4:14

Aleksandre ma dli caffa lan boy cona egen ŋgolo, Bu Suuna hin warakam kay dlaamba nam laɗta ni namu.

1 JAŊ 5:17

Tlesuu aygi lasi cona halaŋŋi cora, may ni co mayra ka tuɗuŋ fun miɗnaɗira kaa.

1 SAMUEL 12:19

Suuna halaŋ di Samuel ana, «Cen Yawe kay suu maŋ suu sunda ka ami miɗ kiɗi, kay suluk ma ami lamma halaŋ ami cuk dla cora kayam u joɓpa ami joɓ mulna ki kamira.»

1 SAMUEL 2:25

Lini sana li sulukŋa eg ndaramma wa ni Lona ndak gi ii dla ndaɗta. May lini sana li sulukŋa eg Yawe wa ni sa hin gi ii dla ndaɗta na ni gege?» Asi hum vun busi kaɗi. Ni kay ana Yawe min a casi kiyo.