1 JAŊ 4:7 - Boy Lonana

⁷ Banayanna miniygi taygi duk taygiya kay me minda col ay ni ko Lona, lini gegelay li min suuna ni nammi goŋ Lonna nam wi Lona gasi lay.

1 JAŊ 4:7 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 13:34

An ɦagi gaɗta wilira ha ana, Minigi tagi duk tagiya. Minigi duk tagi ko an minigira na.

Boy Ma Ayra Ma JAŊ Ɓiirimma 17:3

Iirira ka daɓ kiɗira ni ana asi waŋ ana, aŋŋi Lo ma gasina dew, wi Yesu Kristu ma aŋ sunum ayna may.

1 KORINTNA 8:3

Sa ma min Lona, Lona wamu.

2 KORINTNA 4:6

Lona di ana kiɗikka weleɗ duk ndufunda nammi sa ma hin kiɗik mamba weleɗ huruygina, kay ɦaygi bibiŋilla vi Lonara u kiɗik maɗta weleɗ fok Kristu.

GALATENA 4:9

Cecemi agi wi Lona wa, cecemi Lona wagi wa may, ni nanaba agi hoŋ u ŋgussa maŋira lalassa nige? Agi min hoŋogi dagan a mbuɗ tagi mborɓii masisina ni nanage?

GALATENA 5:22

Tlesuu Musuk Lonara lasina ni, minda, furira, heɓpa, lalamba, li dlara jivi eg saa, jivira, ɗegeera,

GA 8ATAMBARA 30:6

Yawe Loogina hin cawagi ni caw ɗiwra hurugi kurufura, magi agi may, maŋ njafagi ma ka daganna lay, kay a agi min Yawe Loogina u hurugi halaŋ, u saa magira halaŋ, kay a agi lak iiriya.

2 TIMOTE 1:7

Kay Lona ɦay ni ka ŋgussa dawiraɗi, Musuk mamba oyoygi ni u saɓakŋa, u minda, u nera may.

1 PIYER 1:22

Agi mbuɗugi ki pasiyakŋi kay agi hum u gasira, kay a minigi gorsegi suu vina, minigi tagiya tagiya u hurugi halaŋ u minda ka mbuɗɗira.

1 JAŊ 2:10

Sa min wayammana nammi hu lii kiɗikŋa, va ma puk ndaram hu cora ka hurumbi lay.

1 JAŊ 2:29

Agi wi kagi ana Kristu ni sa ɗegeena, agi wi kagi ana sa ma li dlara ɗegeera ni goŋ Lonna.

1 JAŊ 2:3

Lini aygi vi vun gaɗta vi Lonara ni aygi wi ki kaygi ana aygi wi Lona na lay.

1 JAŊ 2:4

Lini sana vi kam wa ana nam wamu, li ka vam vun gaɗ mambaɗi ni, nammi sa kaboyna, ni gasira ka hurumbi lay.

1 JAŊ 2:7

Banayanna, an ɓiirigi ha ni ka gaɗta wiliraɗi, ni gaɗta basira agi humuɗ ay jew hu ura tin ayra dayra, gaɗta basi ndaɗta ni boy ma agi humum ki jew dayna.

1 JAŊ 3:9

Gegelay ni goŋ Lonna nam hin dlara li cora kiyo, kay me iirira vi Londa saɓakaɗ ka egemu, kay me Lona ni Bumu nam ndak ka a li co na gak gakgi.

1 JAŊ 4:11

Banayanna, lini Lona miniygi ni na ni aygi miniygi taygi duk taygi may.

1 JAŊ 4:12

Sa wi Lona u irim kaɗi lini aygi minigi taygi duk taygiya ni Lona hin li huruygi may, min mamba li ki gasi huruygi wa may.

1 JAŊ 4:16

Aygi wi minda Lona miniygira kiyo, aygi tin huruygi kamu. Gasi Lona ni minda, sa ma ka u minda hurumma ka ni hu Lona, Lona hurum may.

1 JAŊ 4:20

Lini sana di ana, «An min Lona,» nam li gonok u wayamma, ni sa kaboyna, wayamma nam wam u irimu nam ka minimbi, Lona nam ka wam u irimbina nam hin ndak a minimmi nanage?

1 JAŊ 4:8

Sa ma ka min ndarambina nam ka wi Lonaɗi kay me Lona ni minda.

1 JAŊ 5:1

Lini gegelay tin hurum wa ana Yesu ni Kristu nammi goŋ Lonna ni, sa min buna hin minim gorom may.

2 JAŊ 1:5

Cecemi an ka joɓok haa cara, miniygi taygi duk taygiya. An ɓiirik ha ni ka gaɗta wiliraɗi, ni gaɗta ay humuɗ ay ki fok jew day dayra.