1 JAŊ 4:6 - Boy Lonana

⁶ Aygi may ni vi Lona, sa ana nam wi Lona humuygi vunuygi may. Sa ma ka humuygi vunuygiɗina ay ka vi Lonaɗi. Ni u dla ndaɗta aygi ndak a ɓorow ii Musukka gasira ki ura kaboyna ni na.

1 JAŊ 4:6 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 14:17

Suu hu duliyara ka ndak a faɗɗi kayra asi ka waɗɗira. Agiya, agi waɗu, kay ndaɗ kak hurugiya, ka u agi tew tew lay.

Boy Ma Ayra Ma JAŊ Ɓiirimma 10:27

Timigii mansina humun delenu. An wasiya, asi tuɗ un may.

Boy Ma Ayra Ma JAŊ Ɓiirimma 15:26

«Sa may ma a njun ugina hin mbaya. Ni Musukka gasira col ay ko Bun Lonara. An hin sunugira ay u sem Bunu. Ndaɗ hin ɓakagi kanu.

1 JAŊ 4:1

Banayanna tinigi hurugi kay suu di kay tasi ana Musuk Lonara hurusiyana halaŋgi, agi tukusi a hal ki ana musukka hurusira col ay ni vi Lona ko su? Kayme suu jok vun Lona suu cona zul ki kaŋga hu duliyara waɗi.

1 JAŊ 4:4

Agi goryon may ni, agi ni vi Lona, agi su ki kay suu jok vun Lona suu cona lay, kayme Musukka hurugira su ki kay musukka vi duliyarara.

Boy Ma Ayra Ma JAŊ Ɓiirimma 18:37

Pilat hin dam ana, «Na ɗaŋŋi, aŋŋi mulna su?» Yesu hoŋom dira ana «Aŋ di ana anni mulna. An vuɗ hu duliyara ni a ɓakŋi dlara gasira. Sa min gasira hum dlara an daɗta.»

1 KORINTNA 14:37

Lini sana saa kay tam ana nammi sa ma jok vun Lona u ɦala vi Musukka ni nam sa namma ndak wi tlesuu an ɓiirisina ni gaɗta vi Bu Suuna.

2 TESALONIKŊA 1:8

Nam hin mbay ki duk sin kura ŋgolla a kaɓakŋa kay suu ka wi Lonaɗina, ka vi Boy ma Ayra vi Bu Suuna Yesuɗina.

Boy Ma Ayra Ma JAŊ Ɓiirimma 16:13

Musukka gasira mba wa ni, ndaɗ hin tinigi hu dlara gasira halaŋ. Ndaɗ ka ɓak kay saɓak maɗna kay taɗɗi, ndaɗ di ni dlara ndaɗ humuɗta, ndaɗ hin dagi dlara hin mbara may.

MISE 3:8

An doli ɗaŋŋi u heɓpa vi Musuk Yawera an oyra u saɓakŋa u ɗegeera u siɓpa a tak yara vi Yakobpa u suluk ma vi Israelna kiyo.

1 JAŊ 4:8

Sa ma ka min ndarambina nam ka wi Lonaɗi kay me Lona ni minda.

1 TIMOTE 4:1

Musukka di ki gasi ana lina hin fok a daɓ daganda wanni suu ɦiw hin vira kiyo, asi hin mbuɗ hum u ŋgussa ganyamba u haɗta vi fulina.

Boy Ma Ayra Ma JAŊ Ɓiirimma 13:20

An dagi ha ni gasagi ana, Sa ma vi sa ma an sunum hana varam wa ni, van ni an may. Sa ma van varamma vi ni sa ma sunun ayna may.»

Boy Ma Ayra Ma JAŊ Ɓiirimma 8:19

Asi joɓom ana, «Buŋŋi arage?» Nam dasi ana, «Agi ka wan anɗi lay, ka wi Bunɗi lay. Lini agi wanu ni, agi hin wi Bun may.»

Boy Ma Ayra Ma LUK Ɓiirimma 10:22

«Tlena halaŋ Bun ɦansina ni konu. Sa ka wi Goŋ Lonnaɗi, wammi Bun doy hol. Sa ka wi Lonaɗi, wammi Gorom u suu nam hin takasina kina.»

Magaara Vi Sa Jok Vun Lona OZE 4:12

Suu mansina tuɗ joɓ ŋgusuna, gogor kom hin hoŋosi dira ni ndaɗu. Kay ana saara gawlaŋŋa viɗisi ki ni ndaɗu, u lira asi li gawlaŋŋa nara asi ɦuɗ tasi ki eg Loosina ni ɦuɗi day gaw.

EZAYI 29:10

Kay Yawe gagi ŋgus mayra senna kagiya, ndaɗ dugugi irigi ki wa, ni suu jok vun Lonna. Ndaɗ baaragi yagi ki wa, suu wi dlara hu fokka.

EZAYI 8:20

Dasi asi hum u gaɗta vi Lonara lini asi hum kaɗi ni asi hin ka wi kiɗikkaɗi.

Magaara JUD Ɓiiriɗta 1:17

Banayanna agi saaragi kay boy ma suu vovoɗta vi Bu Suuna mayna Yesu Kristu dam ay fok jewna.

2 PIYER 3:2

An hal a gagi humugi kay boy ma suu jok vun Lona suu teteɗna dam jewna, u gaɗta vi Bu Suuna Sa Suɗta u suu vovoɗta vi Lona haɗagi kaɗta.

2 KORINTNA 10:7

Agi ŋgaagi tlena ni kay wira agi ka wasi u irigira lini sana vi kam wa ana nammi vi Kristu ni, saa kay boy namma may ami lay ni maŋ Kristu ko ndaɗta na.

ROMMA 11:8

Ko magaara dira na, «Lona ɦasi ŋgussa zolomba kay irisi wiɗi humusi humbi lay, gak gak karami asi ka na.»

ROMMA 1:1

Ni an Pol sa sunda vi Yesu Kristu, Lona yanu, manan a sa vovoɗta kay a dam Boy mam ma Ayra kiyo.

Boy Ma Ayra Ma JAŊ Ɓiirimma 20:21

Yesu hoŋosi dira olo ana, «Heɓpa kak u agiya, ko Bun sunun ay na ni, an sunugi ni na may.»

Boy Ma Ayra Ma JAŊ Ɓiirimma 10:16

Yoori man suu daŋŋa kaa, asi ka duk ndarayasina tuɗi. An tuɗ halasi aya. Asi hin humun delen na ni, asi hin taɓ ki a yoo ma dewna, sa ma taarasina li dew may.

MISE 2:11

Na ni hin fi sa ma dol u semeɗna su, a hin kaboyna ana, «Kay veŋ u sum ma yara an hin kaboyna ni kagiya.» Na ɗaŋŋi nam hin li ni a sa ma di boyna maŋ suu asina na.

Boy Ma Ayra Ma JAŊ Ɓiirimma 8:23

Yesu hoŋosi dira ana, «Agi col ay ni hu duliyara tani, an col ay ni kolo huulona may. Agi ni duk suu kaŋga hu duliyarana, an ka dukusi koɗi.

Boy Ma Ayra Ma JAŊ Ɓiirimma 10:3

Sa ma golosi usina, malasi vunna kiyo, asi timigiina humum delemu. Nam yi timigii mamsina u sesiya, hin cukusi ay ki buruwa.

1 JAŊ 5:19

Aygi wi ana aygi ni vi Lona, duliyara hin halaŋŋi hu duk ko Sa Cona may.

2 DLAŊ MULINARA 18:21

Ndaɗ hin di ana, an tuɗ kal boy ma kaboyna ki fun suu jok vun Lona suu vi mulnana bel bel. Yawe hoŋ dira ana, ni na daŋ may, ni yal ma jivi ma ganam yamma tuɗ li dla ndaɗta.»