1 JAŊ 4:2 - Boy Lonana

² Dlara agi hin wi ki gasi ana ni Musuk Lonara sura, ni mayra sana di ki u vunum wa ana Yesu Kristu gasi mbuɗ ki ni sana, Musuk mamba col ay ni vi Lona.

1 JAŊ 4:2 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 1:14

Boyna mbuɗ ki sana, kak dukuygiya, nam ka u oora u gasira coco may. Nammi goo ma dew ma ami wam bibiŋil mamba col ay vi Bumba.

1 KORINTNA 12:3

Ni kay ndaɗta an min ana agi wagi u boy namma kiyo, sa ma ana nam u Musuk Lonara hurumuna ka di ana, «Yesu ni ma ki baayna,» naɗi, sa ma di ana, «Yesu ni Bu Suuna,» bay Musuk Lonara hurumbi.

1 TIMOTE 3:16

Sa ndak ka a di va ma daŋgi, ŋgayra vi ɗegee ndaɗta wanni ŋgol ɦay. Nam mba tak tam ki ko sa warna na, Musukka takam tam ki ana nammi sa ma ɗegeena. Suu sunda huulona wamu, suuna halaŋ dlaamba di ay ki dukusiya, suuna vi um coco lay. Nam kal ki kolo huulona.

1 JAŊ 1:2

Iiri ndaɗta gi u taɗ ki sini ami waɗu, ni kay ndaɗta ami mbuɗ a suu vovoɗta kay boy namma ami ɓakagi kay iirira ka daɓ kiɗira, ndaɗ ay ni eg Buna hin gi uɗ ki irimiya.

1 JAŊ 2:23

Gasi sa noy Goona kina noyom ki ni Bum may, sa wi Goonana wammi Bum may.

1 JAŊ 4:15

Lini sa ɓak ki u vunum wa ana Yesu ni Goŋ Lonna ni Lona ka hurumu, nam hurum may.

1 JAŊ 4:3

Lini sa ma ka min a hum u dlara li eg Yesu ndaɗtaɗi ni saa mamba col ay ka vi Lonaɗi, saara egem ndaɗta ni vi Babali ma vi Kristuna. Agi hum ki ana nam hin mbaya, cecemi nam mba ki hu duliyara da.

1 JAŊ 5:1

Lini gegelay tin hurum wa ana Yesu ni Kristu nammi goŋ Lonna ni, sa min buna hin minim gorom may.

2 JAŊ 1:7

Suu kaboyna zul ki hu duliyara cocoo asi ka vi ana Yesu Kristu mbuɗ ki gasi sana naɗi, sa di nana ni sa kaboyna, ni Babali ma vi Kristuna.