1 JAŊ 4:17 - Boy Lonana

¹⁷ Lini minda pasiyakka ka huruygiya ni aygi ka li ndaa hu buu ma kaɓakŋaɗi kay iiri maygira hu duliyara ni ko iirira vi Yesu Kristu na.

1 JAŊ 4:17 ပူးပေါင်းရင်းမြစ်များ

MATIYE 10:15

An dagi ni gasagi ana, Hu buu ma kaɓakŋa, zi namma hin wi hawra su zi ma Sodom u Gomor may.»

MATIYE 10:25

Sa haɗ fok sanna hin mbuɗ ko sa haɗamma na, gogoona hin mbuɗ ni ko malamma na may. Asi yi mala zina ana Beelzebul, mul fulina, ni suu mamma asi hin yasi ni an me olo ge.»

MATIYE 11:22

An dagiya, hu buu ma kaɓakŋa ni, hahaw magira hin li ŋgol su zi ma Tirna u ma Sidonna.

MATIYE 11:24

An dagiya hu buu ma kaɓakŋa ni, hahaw maŋga hin li ŋgol su zi ma Sodomma.»

MATIYE 12:36

An dagi anaba, Hu buu ma kaɓakŋa Lona hin joɓ suuna kay dlara dawira asi njaɗaɗta halaŋ.

Boy Ma Ayra Ma JAŊ Ɓiirimma 15:20

Gagi humugi kay va ma an dagina na, sa ma li sun ma su malamma kaɗi. Asi lasan wa ni, hin lasagi may. Asi vi u haɗ manda wa ni, hin vi u magira na may.

Boy Ma Ayra Ma JAŊ Ɓiirimma 17:22

An ɦasi bibiŋilla aŋ ɦandara wa a asi li taɓi dew ko ay taɓi dewra na may.

ROMMA 8:29

Suu Lona manasi ki fok jewna nam min a mbuɗusi ki ko goromma na, kay a goromma hin li a wayasi ma ŋgolna fok gorsem bolowo.

HEBRENA 9:27

Suuna halaŋ ki ŋgaɓi a miɗ sesi dew, ŋgoo dagan ni kaɓakŋa vi Lona may.

Magaara JAK Ɓiiriɗta 2:13

Kay mege Lona hin kaɓakŋa wanni ka wi hahaw sa ma ka wi hahaw ndarayamma ɗina ɗi may, dla mayra wi hahaw saara ni su kay ɓakŋa day.

Magaara JAK Ɓiiriɗta 2:22

Aŋ gola viimba u sun mamba taɓ ko tasi dew. Viimba mbuɗ ki ɗegee ni u sun mamba nam laɗta.

2 PIYER 2:9

Bu Suuna wi dlara suɗ suu ɗegeena ki duk dla cora, nam wi a vaa suu cona cukusi daŋgayna hu buu ma kaɓakŋa.

2 PIYER 3:7

Huulona u ndaŋgara ka cecemi wanda, Lona hinisi u Boy mam namma, kay hin ɓalakasi ki u kura nam hinisi kay juɓ buu ma kaɓakŋa kay suu cona, baasi kiyo.

1 JAŊ 2:28

Gasi goryonu, hurugi li taɓi dew u Kristu, a falira nam hin a mbara aygi wi ki kaygi gasi ana zolo ka caygi fokombi.

1 JAŊ 2:5

Olo ni lini sana vam boy mamma ni sa namma minda pasiyakka min Lonara ka hurum gasi. Gola ni dla mayra aygi wi ki ana aygi hu Lonara,

1 JAŊ 2:6

Sa di ki u vunum ana nammi hu Lona li ko Yesu li hara na may.

1 JAŊ 3:1

Goloygi minda Buygi Lona miniygira ndaɗ ŋgol coco ɦay, min mamba ni kayra nam yaygi ana aygi ni goryomba. Aygi ni goryom daŋ may kay ndaɗta suu kay ndaŋgarana ka waygiɗi, asi ka wi Lonaɗi may.

1 JAŊ 3:3

Lini gegelay ma tin hurum kay Kristuna, nam hin mbuɗ ki teteɗ ni ko nam na may.

1 JAŊ 3:7

Goryonu hin sa a ganagi yagiɗi, sa ma li dlara ɗegeera ni nam tamba ni ɗegee may. Ko Yesu Kristu ɗegeera na may.

1 JAŊ 4:12

Sa wi Lona u irim kaɗi lini aygi minigi taygi duk taygiya ni Lona hin li huruygi may, min mamba li ki gasi huruygi wa may.