1 JAŊ 4:14 - Boy Lonana

¹⁴ Aygi wi boy namma aygi ɓak ki kam ana Lona sun Goromma ay a Sa Suɗta vi suu warna.

1 JAŊ 4:14 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 1:14

Boyna mbuɗ ki sana, kak dukuygiya, nam ka u oora u gasira coco may. Nammi goo ma dew ma ami wam bibiŋil mamba col ay vi Bumba.

Boy Ma Ayra Ma JAŊ Ɓiirimma 1:29

Faɗta vinda wanni, Jaŋ wi Yesu mbay egemu, nam di ana, «Gola ni Goo Timiina vi Lona ma daɓ cora vi suuna kina.

Boy Ma Ayra Ma JAŊ Ɓiirimma 10:36

Anu, Lona mananu, sunun ay hu duliyara. Agi hin di ana an ŋgul Lona ni nanage? Kay an di ana an ni Goŋ Lonna su?

Boy Ma Ayra Ma JAŊ Ɓiirimma 12:47

Sa ma humun boy manna ka vi umbi na, an ka kaɓak mamma ni anɗi. An mba ni a suɗ suu hu duliyarana kiyo, ka a kaɓakŋa kay suunaɗi.

Boy Ma Ayra Ma JAŊ Ɓiirimma 3:11

An daŋ ni gasira, ami ɓakŋi dla tlege suu ami wasina, ami di ni dlara ami waɗta. Agi ka min vi dlara ami dagi kaɗtaɗi.

Boy Ma Ayra Ma JAŊ Ɓiirimma 3:32

Nam ɓakŋi dla tlege suu nam wasina may, humusina may. Sa ma vam boy mamma kaɗi.

Boy Ma Ayra Ma JAŊ Ɓiirimma 3:34

Sa Lona sunum ay na di ni boy ma vi Lonna, kayme Lona ɦam Musuk mamba cocoo.

Boy Ma Ayra Ma JAŊ Ɓiirimma 4:42

Asi di cara ana, «Cecemi ami tin hurumi kay Yesu ni ka u boy ma ndak damma dewɗi, kayme ami hum u hum tamira may, ami wi ana nam gasi ni Sa Suɗta vi suuna halaŋ.»

Boy Ma Ayra Ma JAŊ Ɓiirimma 5:39

Agi haɗagi ɓiira hu magaarara, kayme agi saa ana agi hin fi iirira ka daɓ kiɗira huwa. Tle asina ɓakŋi kan daŋ may.

SUNDA 18:5

Falira gi Silas u Timote mba Masedoinda wanni, Pol ka li va daŋ kombi, di ni Boy Lonana sak sak, tak ki maŋ suu Juifna ana Yesu ni Sa ma Lona Fuurumma.

1 PIYER 5:12

An ɓiirigi goo magaara ha ew ha ko wayaygina Silas ma ɗegeena. An min ɦagi saɓakŋa kay oora vi Lona ta gasira lakagi en u oo ndaɗta.

1 JAŊ 4:10

Lon tak min mamba ki ni ko ndaɗta na, aygi min Lona ay jewni ka aygi na ɗowɗi. Lona miniygi ay jewni namu nam sun goromma ay ana nam bulumuygi cooygira ki u ɓivun mamma.

1 JAŊ 5:9

Aygi vi dira vi suunara koygiya ta vi Lonara ni ŋgol suɗi su. Ni dikira nam daɗ kay dlaŋ Gorommara.