1 JAŊ 4:12 - Boy Lonana

¹² Sa wi Lona u irim kaɗi lini aygi minigi taygi duk taygiya ni Lona hin li huruygi may, min mamba li ki gasi huruygi wa may.

1 JAŊ 4:12 ပူးပေါင်းရင်းမြစ်များ

URA TIN AYRA 32:30

Yakob hin joɓom ana, «Aŋ taŋga seŋŋi ana me mayge? Takan seŋ aya.» Nam hoŋom dira ana, «Aŋ joɓon senni kay mege?» Nam paɗ vunum ki kam hu li namma.

KALKIRA 33:20

Nam hin dam hu olo ana, «Aŋ ka ndak a wan vogonɗi, kay sa war ma wan u irimma ka kak iiri oloɗi.»

NDUMBA 12:8

An ɓakam ay ni u delen tanda olo ni an tak tan ki irimu, an ɓakam ka u boy ma ŋgayɗi. Nam wi ta Yawe ki u irimu. Ni nanaba agi ndak a tum u saan ma sunda Moiz nege?»

Boy Ma Ayra Ma JAŊ Ɓiirimma 1:18

Sa wi Lona kaɗi, gorom ma dew ma ka eg Bumma, nammi Lona may, takayna ki ni namu.

1 KORINTNA 13:13

Cecem wanda ni tlena hindi kaa, vira, juɓa, u minda, va ŋgol duk tlesuu asina ni minda.

1 TIMOTE 1:17

Mul ŋgol ma didinna ma miɗɗina, ma sa ka wam u irimbina ni Lona dew, geleɗta u ŋgolla ni mamba a fafatɗa Amin.

1 TIMOTE 6:16

Nam dew ni ma ka miɗɗina, nam kaki hu kiɗik mayra sa ka tuɗ ha huɗira, sa waɗ kaɗi lay, sa ndak a waɗɗi lay, geleɗta u saɓak ma ka daɓ kiɗina ni mam a fafatɗa. Amin.

HEBRENA 11:27

U vira Moiz hin ndaŋga Egipte li ndaa ka ko yara vi mulnaraɗi, nam kak u ɗigilla na en, ko nam wi Lona u irim na.

1 JAŊ 2:5

Olo ni lini sana vam boy mamma ni sa namma minda pasiyakka min Lonara ka hurum gasi. Gola ni dla mayra aygi wi ki ana aygi hu Lonara,

1 JAŊ 3:24

Sa hum u gaɗta vi Lona nammi hu Lon may, Lona hurum may. Gola ni va ma aygi wi ana Lon ka huruygiyana aygi wi ni u Musuk Lonara nam ɦaygira ka huruygira.

1 JAŊ 4:16

Aygi wi minda Lona miniygira kiyo, aygi tin huruygi kamu. Gasi Lona ni minda, sa ma ka u minda hurumma ka ni hu Lona, Lona hurum may.

1 JAŊ 4:20

Lini sana di ana, «An min Lona,» nam li gonok u wayamma, ni sa kaboyna, wayamma nam wam u irimu nam ka minimbi, Lona nam ka wam u irimbina nam hin ndak a minimmi nanage?

1 JAŊ 4:6

Aygi may ni vi Lona, sa ana nam wi Lona humuygi vunuygi may. Sa ma ka humuygi vunuygiɗina ay ka vi Lonaɗi. Ni u dla ndaɗta aygi ndak a ɓorow ii Musukka gasira ki ura kaboyna ni na.