7 Goryonu hin sa a ganagi yagiɗi, sa ma li dlara ɗegeera ni nam tamba ni ɗegee may. Ko Yesu Kristu ɗegeera na may.
Furira ka kay suu li jivira u suu ka li u ɗegeera hu buuna halaŋŋa.
Mulla Lona haŋgara kak na din din, aŋ ti mulla kay suuna ni u ɗegeera.
An dagi ana, Agi li ka hum vun Lona su suu wi magaara gaɗta u suu Farisennaɗi ni, agi ka kal hu Mulla huulonaraɗi.»
A aygi mbuɗ suu ɗegeena fokom gak gak hu iiri mayra hu buuna tew tew.
Suuna halaŋ lini sana hu njaf maanagelay ma li ndaana u Lona li dlara ɗegeera ni ma irim jivina gaw.
Suu jivi ii Lonna ni ka suu hum u gaɗta ɦawaɗi, ni suu li u va ma gaɗta damma.
Agi wagi ki kagi ana, suu hurusi cona ka fi Mul Lonaraɗi. Ganyam tagi kiɗi, suu li dla cora u suu cen lo ma ɦawana, u suu li zoŋga, suu buu u ndarayasi suu njufina,
Hin sa a ganagi yagi u boy ma ɦay ɦaynaɗi, yara vi Lonara hin mba kay suu ka hum umbina ni kay cora ko ndaɗta nara.
Kiɗikka vuɗ ni njaf jivira, zeɗ zeɗ halaŋ, u ɗegeera u gasira.
Iiri magira hin hoɓi u sunda ɗegeera ta Yesu Kristu laɗta, sun ndaɗta li u ŋgolla u geleɗta vi Lonara.
Kay Goona ni, Lona di ana, «Dlam maŋga mulla, Lona, tiniŋ kaɗ ni a fafatɗa. Aŋ ti mul maŋga ni u ɗegeera.
Abraham ɦam yam tlesuu nam fasi ayna halaŋ. Sem Melkisedek ni di ana mul ma ɗegeena, nam lay ni mul ŋgol ma Salemma, ni di ana mul ma heɓpa.
Ganyam tagi u humba hum Boy Lonana u furira ɦawaɗi, li ummi lii na ɗow.
Aŋ vi ana Lona ni dew ni aŋ li jiviya, fulina lay ni vi na lay, asi dlak ndaana kom lay.
Kristu u tamba yow cooygira ki kam kolo hu gu ma garakŋa, kay ana ay miɗiygi ki hu cora, lak iiri ɗegee may. Mbil mamma nam famma agi suɗ kini umu.
Goryonu, an ɓiirigi dla ndaɗta ha ni ka agi li dla co oloɗi. Lini sa kom kal a li dla co wa ni sa njun kaygi eg Buygina kaa, ni Yesu ma ɗegeena.
An ɓiirigi dla ndaɗta ha ni kay suu hal a ganagi yagina.
Agi wi kagi ana Kristu ni sa ɗegeena, agi wi kagi ana sa ma li dlara ɗegeera ni goŋ Lonna.
Goryonu, miniygi taygi u vunuygi ɦawaɗi u boy ma dam jivinaɗi lay, ndaɗ lini u minda gasira tak taɗ ki ni u dlara aygi laɗ u bik koygira.
Lini gegelay ma tin hurum kay Kristuna, nam hin mbuɗ ki teteɗ ni ko nam na may.
Lini minda pasiyakka ka huruygiya ni aygi ka li ndaa hu buu ma kaɓakŋaɗi kay iiri maygira hu duliyara ni ko iirira vi Yesu Kristu na.