1 JAŊ 3:4 - Boy Lonana

⁴ Gegelay li cora wa, ni nam gi ki ni vun gaɗta vi Lonara, kay me cora ni ana aŋ gi vun gaɗta vi Lonara kiyo.

1 JAŊ 3:4 ပူးပေါင်းရင်းမြစ်များ

1 MULINA 8:47

lini hu mbassa asi ha ki vii balna hura asi gijaŋ saara, hom kay dla coosira, gijaŋ a ceneŋ ay hu mbassa vi suu babali masisinara ana, ami ni suu cona, ami li ni coo, ɓakŋa vami wa daŋ may.

1 DLAŊ MULINARA 10:13

Sol miɗ ki ni kay dla cora nam laɗ eg Yawera, ni kay ana nam vi ka u boy ma vi Yawenaɗi. Ni kay ana nam joɓ ŋgus sa miɗina ana nam gam u dlara kiyo.

2 DLAŊ MULINARA 24:20

Musuk Lonara mba kay Zekari, mul ma li ɓivunna, goŋ Yoyodana, mba di boyna kay suu Israelna ana, «Gola ni dlara Lona daɗta, ana agi a ŋgel gaɗta vi Yawera na ni kay mege? Agi hinni ka fi vaɗi kay agi noy Yawe kiyo. Nam may ni noyogi ki wa may.»

EZAYI 53:8

Asi ɦeɓem u saɓakŋa tuɗum fun ɓakŋa, suu hu njafamma mbaaram dlara kammi asiya. Na daŋ may nam aygi ci hu ndaŋgara duk suu iirina, ni kay cora vi suu mamsina, cora halaŋ tokŋi kamu.

DANYEL 9:11

Israel halaŋ calaɗ kay gaɗta, mbuɗ irisi kiyo humuŋ deleŋ kaɗi. Na ɗaŋŋi, dla cora ɓiiri hu magaara gaɗta vi Moiz, sa sunda vi Lonana, ndi kamiya, kay ana ami li cora egeŋu.

NDUMBA 15:31

Kay ana nam hum ka u boy ma vi Yawenaɗi, ŋgelem vun gaɗ mamba, sa namma ni cam kiyo, coom ndaɗta ni kay yam tamu.

MATIYE 5:19

Gaɗta vi Lonara lini ta goo ew lay, sana hiniɗ ki wa, haɗ suuna na lay, sa namma hin kaɗak ki hu Mulla huulonara. Sa ma hum u gaɗ ndaɗtana, haɗ maŋ suuna na lay na, sa namma hin mbuɗ sa ŋgolna hu Mulla huulonara.

SUNDA 23:3

Pol dam ana, «Aŋŋi ko goŋga haɓpa na, Lona hin caŋŋi namu, aŋ mba tani a kaan ɓakŋa kan u gaɗta, doli ni ka ko gaɗta dira naɗi lay, aŋ di suuna ana asi canu.»

ROMMA 3:20

Sa ma li u va ma gaɗta damma ana nam ɗegee fok Lona ni kaɗi. Gaɗta tak ki ni cora vi sana.

ROMMA 4:15

Gaɗta mbaa yara vi Lona, lini gaɗta kaɗi ni bay hum vunna vi gaɗta kaɗi may.

2 KORINTNA 12:21

An hin tuɗ ha a gologi wani an li ndaana kay Lona hinin an a hoŋ yan kaŋga fokogiɗi, an tii ni tiiriya kay suu li cora ŋgolo bay hoŋ homba kay coosira tuwa, boy zoŋga u cora asi haɗi laɗ tew tewra.

Magaara JAK Ɓiiriɗta 5:15

Cen mayra vi huruŋ gasira suɗ sa ma tuguɗira kiyo, Bu Suuna hin garaɗam kiyo, cora nam laɗta lay ni hin daɓamba kiyo.

1 JAŊ 5:17

Tlesuu aygi lasi cona halaŋŋi cora, may ni co mayra ka tuɗuŋ fun miɗnaɗira kaa.

1 SAMUEL 15:24

Sol di Samuel ana, «An li suluku, an calaɗ ki kay gaɗta vi Yawera u boy mamma lay. An li ndaana ni ko suuna, an hin vasi vunusiya.