1 JAŊ 3:23 - Boy Lonana

²³ Gola ni gaɗta nam daygirara ana tin huruygi kay Goromma Yesu Kristu, miniygi taygi duk taygi may ko Kristu ɦaygi gaɗ mamba kara na may.

1 JAŊ 3:23 ပူးပေါင်းရင်းမြစ်များ

SOOLLA 2:12

Li Goona jiviya kay nam mbuɗ yaɗi, agi viɗ ki hu voɗtaɗi, kay yaamba hin ay ni na tok daŋ. Furira ka kay suu ŋgay tasi hurumma.

MATIYE 22:39

Ta ko ndaɗ na mayra ni ana, Aŋ min ndaraŋŋa ko min taŋga na.

MARK 9:7

Ɗugulla kuluɓ ki kasiya. Asi hum della ɓak duk ana, «Ni gooron ma an minim ɦayna. Agi humum vunumu.»

Boy Ma Ayra Ma JAŊ Ɓiirimma 1:12

Suu ɦiw vi umu, tin hurusi kamu, nam ɦasi saɓakŋa a asi ndak mbuɗ ki goryoŋ Lonna.

Boy Ma Ayra Ma JAŊ Ɓiirimma 13:34

An ɦagi gaɗta wilira ha ana, Minigi tagi duk tagiya. Minigi duk tagi ko an minigira na.

Boy Ma Ayra Ma JAŊ Ɓiirimma 14:1

Yesu dasi ana, «Li hurugi ndaaɗi. Tin hurugi kay Lona may, kan may.

Boy Ma Ayra Ma JAŊ Ɓiirimma 15:12

Gologiya, ni gaɗ manda, minigi duk tagi ko an minigi wanda na.

Boy Ma Ayra Ma JAŊ Ɓiirimma 17:3

Iirira ka daɓ kiɗira ni ana asi waŋ ana, aŋŋi Lo ma gasina dew, wi Yesu Kristu ma aŋ sunum ayna may.

Boy Ma Ayra Ma JAŊ Ɓiirimma 2:23

Hu li ma Yesu ay Yerusalem kay luu ma Pakŋa wanni, nam li dlara mbuɗta cocoo. Suuna wi dla ndaɗta na ni tin hurusi kamu.

Boy Ma Ayra Ma JAŊ Ɓiirimma 3:18

«Sa ma tin hurum kay Goona ka ba kiɗi. Sa ma tin hurum ka kambi na, ki ni baaya kay nam tin hurum ka kay Goŋ Lona ma dewnaɗira.

Boy Ma Ayra Ma JAŊ Ɓiirimma 6:29

Yesu hoŋosi dira ana, «Sunda Lona joɓogira kogira ni ana agi tin ni hurugi kay sa nam sunum ayna.»

SUNDA 16:31

Asi hoŋom dira ana, «Vi u Bu Suuna Yesu aŋ hin fi suɗta u suu maŋŋa halaŋ.»

EFESNA 5:2

Poy magira mba tak ki u minda ko Kristu minigira na, ɦal iiri mamba ki kaya ko ɦala ɓivun ma fayatna ii Lona na.

1 TESALONIKŊA 4:9

Kay minda min gorsegina sa ka dagira di oloɗi, Lona haɗagi ki kay min mayra min tagira.

1 TIMOTE 1:15

Gola wanni boy ma gasina ma sana ndak a vamma, Yesu Kristu mbay hu duliyara tani kay suɗ suu cona, dukusi halaŋŋi ma co saɓakina ni anu.

1 PIYER 1:22

Agi mbuɗugi ki pasiyakŋi kay agi hum u gasira, kay a minigi gorsegi suu vina, minigi tagiya tagiya u hurugi halaŋ u minda ka mbuɗɗira.

1 PIYER 4:8

Su belni minigi tagiya tagiya kay minda bulum cora ŋgolo.

1 JAŊ 2:7

Banayanna, an ɓiirigi ha ni ka gaɗta wiliraɗi, ni gaɗta basira agi humuɗ ay jew hu ura tin ayra dayra, gaɗta basi ndaɗta ni boy ma agi humum ki jew dayna.

1 JAŊ 3:11

Gola ni dlara agi humuɗ ay ki fok jew day dayra ana miniygi taygi duk taygiya.

1 JAŊ 4:15

Lini sa ɓak ki u vunum wa ana Yesu ni Goŋ Lonna ni Lona ka hurumu, nam hurum may.

1 JAŊ 4:21

Gola ni gaɗta Yesu ɦaygira ana sa min Lona, min wayamma may.

1 JAŊ 5:13

An ɓiirigi dla ndaɗta ha ni a agi suu tin hurugi kay Goŋ Lonna wi ki ana iirira ka a daɓ kiɗira ka hurugiya.