1 JAŊ 3:22 - Boy Lonana

²² Tlesuu aygi joɓom kasina aygi fasi halaŋ kayra ay hum u gaɗ mambara aygi li tlesuu ndi irimma lay.

1 JAŊ 3:22 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 15:7

Agi li laki hurunu ni, boy manna li hurugi may ni, joɓogi va ma agi minimma, agi hin famu.

Boy Ma Ayra Ma JAŊ Ɓiirimma 9:31

Aygi wi ana Lona ka hum vun suu conaɗi. Nam hummi vun sa humum vunum li u min mambana.

MATIYE 21:22

Hurugi li vii kanu ni, tlesuu agi joɓosina u cenda ni, agi hin fasi halaŋ.»

1 JAŊ 5:14

Agi gola ni dlara aygi wi taygi gasi fok Lona ana aygi joɓom va maa u min mamba wa ni nam humuygiya.

MARK 11:24

Kay ndaɗta an dagi haa, Falira agi li cen Lona a joɓ kay vaa ni, tin hurugi ana va namma ki kogiya ni, agi hin fam gasi may.

Boy Ma Ayra Ma JAŊ Ɓiirimma 14:13

Tlege suu agi joɓom kasi u senna halaŋŋi, an lasiya a Goona a tak ki ni geleɗta vi Bumba.

VUN ŊGOLNA 15:29

Yawe col ha ki eg suu dlasi cona ni na day. Nam ka hum cenda vi suu ɗegeena.

SOOLLA 34:4

Mbaagi ay ŋgaaygi Yawe, geleɗeygi semu ko taygiya.

Magaara JAK Ɓiiriɗta 1:5

Lini sa maa dukugi neemba kaɗi ni nam joɓ Lona kaɗu, nam hin ɦamba. Lona ɦal tlena maŋ suuna halaŋŋi u min mamba jivira.

Boy Ma Ayra Ma JAŊ Ɓiirimma 8:29

Sa ma sunun ayna ka u anu, nam hinin ka kay tanɗi. Tew tew ni, an li ni dlara irim jivira.»

KOLOSNA 1:10

Ni agi hin poy ko Bu Suuna minda na, li ni dlara nam minda lay. Ni agi hin li sunda jivira a wulugi fok hu wiigira kay Lona.

JEREMI 33:3

Yanu, an hin humuŋu, an hin takaŋ tlesuu ŋgolona, tlesuu sa ka ndak wasiɗina, aŋ ka wasiɗi layna.

Magaara JAK Ɓiiriɗta 5:16

Dagi coogira ki duk tagiya, cenegi kay tagiya tagiya kay agi mba garaɗ kiyo. Cenda vi sa ma ɗegeena hurum toki kaɗ dewna, saɓakaɗ ka cocoo.

SOOLLA 50:15

Na ɗaŋŋi yan hu li ma dlara faŋŋa, an hin suɗuŋ kiyo, aŋ hin ŋgaan may.

HEBRENA 13:21

Ko Lona ma heɓpa ɦagi saɓakŋa a li u tlesuu jivina halaŋ kay agi lam min mamba, ta nam laygira huruygi u Yesu Kristu ni dlara irim jivira. Ŋgolla maŋ Yesu Kristu a fafatɗa. Amin.

Boy Ma Ayra Ma JAŊ Ɓiirimma 6:29

Yesu hoŋosi dira ana, «Sunda Lona joɓogira kogira ni ana agi tin ni hurugi kay sa nam sunum ayna.»

FILIPINA 4:18

An fi tlesuu agi sununsina ayna wa halaŋ su ni suy ɗow, cecemi Epafrodit mbaaran tlesuu agi sununsina ayna ni tlena ndakan ki wa halaŋ. Ҥal magira ni ko ɓivun ma his jivina ma Lona minim, irim jivina na.

SUNDA 17:30

Hu li ma suuna ay ka wi va tuɗina Lona ka ŋga va kayambi, cecemi nam yi suuna hu lina halaŋ, asi mba jok iiri masira ki zeɗ.

Boy Ma Ayra Ma JAŊ Ɓiirimma 15:10

Agi li vi u gaɗ manda ni, agi hin lakŋi hu min manda ko an may ni vi u gaɗta vi Bunda an kaki hu min mamba may.

MATIYE 17:5

Vunum bay ndi kaŋga tu may ni, ɗugulla weleɗta kuluɓ ŋgusna kasiya. Asi hum della ɓak ay dukuɗ ana, «Ni Goron ma an minim ɦayna. An furiyum u hurun halaŋ. Agi vam vunumu.»

EZAYI 1:15

Hu li ma agi yow kogi kolo a cenda ni an baa irin kiyo, agi zul cenda coco lay ni an ka humbi. Kogi oyra ni u busuna.

VUN ŊGOLNA 28:9

Sa ma ŋgel humum ki ka min a hum gaɗta vi Lonaraɗina, cen mamba lay ka ii Lona jiviɗi.

SOOLLA 10:17

Yawe, suu hoŋ yasi gana, aŋ ka humusi cen masira, aŋ ka soosi usi lay.

SUNDA 20:21

An yi suu Juifna u njaf suu daŋŋa asi jok iiri masira ki zeɗ mbuɗ irisi eg Lona tin hurusi kay Bu Suuna mayna Yesu.

JOB 22:26

Li wa na ni aŋ hin fi jivi maŋga eg ma Saɓakŋa. Aŋ ndak a poŋ yaŋ ki kolo fok Lona may.

Magaara JAK Ɓiiriɗta 4:3

Lini agi joɓa ka fi va ma agi joɓ kammaɗi ni kay saa magira cora, tlesuu agi joɓ kasina min a lasi ni u min magira kay tagira.

1 JAŊ 2:3

Lini aygi vi vun gaɗta vi Lonara ni aygi wi ki kaygi ana aygi wi Lona na lay.