1 JAŊ 3:2 - Boy Lonana

² Banayanna aygi cecemmi goryoŋ Lonna, aygi li hin mbuɗ ŋgoo dagan ana me kala ni dla ndaɗta uɗ tak ka ki jivi tuɗi. Aygi a wi dla ndaɗta ki jivira wani falira Kristu hoŋ ayra, ni aygi hin mbuɗ ni ko ndal nam na, kay me aygi hin wam ki ni u tamba.

1 JAŊ 3:2 ပူးပေါင်းရင်းမြစ်များ

JOB 19:26

Hu li ma bakka egen wanda ɓalak ki lay, an hin gol Lona ni u tliwin ma hin egenna.

SOOLLA 16:11

Aŋ takan voɗta vi iirira, furira ŋgolla ha ni fokoŋu. Ha hu bik koŋ ma njufna, aŋ ɦan furira uɗ ka doɗira.

SOOLLA 17:15

Anu, anni sa ma jivina, kay ndaɗta an hin waŋu. Hu li ma an dliɗ ki kolona, an furiya kay an waŋ iriŋu.

SOOLLA 31:19

Suu pan suuna u ŋga tasina vunusi ma kaboyna mbuɗ ki ndumu wa, vunusi ma ɓak dla cora eg suu ɗegeena.

EZAYI 56:5

an hin kakam hu ziinna, hu gulumun manna, u sem ɓiiri huwa, ni nam hin fi ni dlara jivi su gorrara. Sem hin li ɓiiri kon na din din, ka bulum kiɗi.

MALASI 3:2

Sa hin vi tam juɓ buu ma nam hin mbana ni gege? Sa hin col kolo fokom hu li ma nam hin kal ay ki kiɗikŋa ni gege? Kay ana nammi ko ndal ku mayra yoo tlenara na, ko ndal suu li sun barawina mbususi kira na.

MATIYE 5:8

Furira ka kay suu hurusi haɓma, asi hin wi Lona u irisiya.

Boy Ma Ayra Ma LUK Ɓiirimma 17:30

Hu buu ma Goŋ Sanna mba a tak tam kina, hin lini na may.

Boy Ma Ayra Ma LUK Ɓiirimma 20:36

Asi ka miɗ oloɗi lay. Asi ni ko suu sunda huulona na, asi ni goryoŋ Lonna kay asi ni suu paɗ ki kolo iirina.

Boy Ma Ayra Ma JAŊ Ɓiirimma 1:12

Suu ɦiw vi umu, tin hurusi kamu, nam ɦasi saɓakŋa a asi ndak mbuɗ ki goryoŋ Lonna.

Boy Ma Ayra Ma JAŊ Ɓiirimma 11:52

ka kay njaf namma doy holɗi, ni kay tok goryoŋ Lona suu ki njayna halaŋ eg tasiya.)

Boy Ma Ayra Ma JAŊ Ɓiirimma 17:24

«Bunu, aŋ ɦansina, an min ana asi li u an hu li ma an hin kak huna, a asi wan bibiŋil manda. Bibiŋilla aŋ ɦandara, kayme aŋ minin ay ki fok jew bay duliyara liya.

ROMMA 8:16

Musuk Lonara tak maŋ ŋgus maygira ana aygi ni goryoŋ Lonna.

ROMMA 8:18

An saa ana lassa ay ka laɗ koyni wanda ka ndak ŋga u ŋgolla Lona hin takayra fokkaɗi.

ROMMA 8:19

Tlesuu Lona lasina halaŋ tasi lasi na jik jik a wi buu ma Lona hin tok goryom ki huna.

ROMMA 8:29

Suu Lona manasi ki fok jewna nam min a mbuɗusi ki ko goromma na, kay a goromma hin li a wayasi ma ŋgolna fok gorsem bolowo.

1 KORINTNA 13:12

Cecem wanda aygi gol taygi ko ŋgussa hu kotoromma na, aygi hin waygi taygi u iriygiya. Cecem wanda an ka wi ki jiviɗi, ha fokka an hin wi ki jivi ko Lona wanda na.

1 KORINTNA 15:49

Ni kay ndaɗta aygi tli taygi ni u nam ma minim u ndaŋgarana, ni na may aygi hin tlaygi taygi u nam ma ha kolo huulonna may.

1 KORINTNA 2:9

Ko magaara dira na, «Sa ma wi boy namma ay kaɗi lay, ma hum kaɗi lay, sa saa ka kambi ni kay mege, Lona min tle asina ni kay suu minimma.»

2 KORINTNA 3:18

Aygi halaŋ vana ki mali kay iriygiya, aygi waygi taygi ni u bibiŋilla vi Bu Suuna, ni aygi mbuɗ ki wa zeɗ kay aygi tli taygi u Bu Suuna ni aygi jak hu bibiŋilla ŋgolla su ndaraɗtara. Sunda Musukka vi Bu Suuna laɗta ni na.

2 KORINTNA 4:17

Wihawra feɗta ka tuɗ kami cecem lay li kami ni bibiŋilla ŋgolla ka daɓ kiɗi, ndaɗ ŋgol saɓak su wihawra ndaɗta.

GALATENA 3:26

Agi mbuɗ a goryoŋ Lonana ni u vira kay taɓ maygira u Yesu Kristura.

GALATENA 4:6

A tak ki ana agi ni goryomura ni Lona sun Musukka vi goromma ay huruygiya, Musukka sawalla ana Bunu.

FILIPINA 3:21

Nam hin mbuɗuygi mbalataygira maŋira hu ndaŋgara ki zeɗ, mbuɗuygi ko mbalatamba bibiŋilla na a li u saɓak ma ɦamma ana tlena halaŋ hum umuna.

KOLOSNA 3:4

Iiri magira gasira ni Kristu, hu li ma nam hin tak tam kina ni agi hin mbay ni u nam may, fagi ɓorow magina ni hu bibiŋil mamba.

HEBRENA 9:28

Kristu ɦal tam a ɓivunna sem dew ni na may, kay yow cora vi suuna ki bolowo. Nam hin hoŋ tak tam a mbara ni ka kay yow cora oloɗi, ni kay a suɗ suu ka juɓumma.

2 PIYER 1:4

Nam ɦaygi vi vun mamma dlam ŋgol ma jivina kay a fi va nam vi vunum kamma ni ay hin puruɗ ki ko ŋgiziɗta bagira hu duliyara wanda a kal hu jivira vi Lona.

1 JAŊ 2:28

Gasi goryonu, hurugi li taɓi dew u Kristu, a falira nam hin a mbara aygi wi ki kaygi gasi ana zolo ka caygi fokombi.

1 JAŊ 2:7

Banayanna, an ɓiirigi ha ni ka gaɗta wiliraɗi, ni gaɗta basira agi humuɗ ay jew hu ura tin ayra dayra, gaɗta basi ndaɗta ni boy ma agi humum ki jew dayna.

1 JAŊ 3:1

Goloygi minda Buygi Lona miniygira ndaɗ ŋgol coco ɦay, min mamba ni kayra nam yaygi ana aygi ni goryomba. Aygi ni goryom daŋ may kay ndaɗta suu kay ndaŋgarana ka waygiɗi, asi ka wi Lonaɗi may.

1 JAŊ 3:10

Ni va ma tak goryoŋ Lonna ki jivi ɗal ɗal u suu vi Satannana, sa ka li dlara ɗegeeraɗi min wayammaɗi layna, ni ka goŋ Lonnaɗi.

1 JAŊ 3:21

Ni na olo, banayanna, lini huruygi ka takaygi cooygira ki iriygiɗi ni aygi wi taygi gasi fok Lona may.

1 JAŊ 5:1

Lini gegelay tin hurum wa ana Yesu ni Kristu nammi goŋ Lonna ni, sa min buna hin minim gorom may.

WIRA ŊGAYRA 22:4

Asi hin wam irimu sem hin li ɓiiri vokosiya.