1 JAŊ 3:11 - Boy Lonana

¹¹ Gola ni dlara agi humuɗ ay ki fok jew day dayra ana miniygi taygi duk taygiya.

1 JAŊ 3:11 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 13:4

Nam kaki a ti funa, col kolo fok baraw mamma ki fokŋi, hin yow baraw ma saɗ tara, njunum hurumu.

Boy Ma Ayra Ma JAŊ Ɓiirimma 15:12

Gologiya, ni gaɗ manda, minigi duk tagi ko an minigi wanda na.

GALATENA 6:2

Njun u tagi a zii nekka vi tagira, agi li wa na ni hummi u gaɗta vi Kristura.

EFESNA 5:2

Poy magira mba tak ki u minda ko Kristu minigira na, ɦal iiri mamba ki kaya ko ɦala ɓivun ma fayatna ii Lona na.

1 TESALONIKŊA 4:9

Kay minda min gorsegina sa ka dagira di oloɗi, Lona haɗagi ki kay min mayra min tagira.

1 TIMOTE 1:5

U dlara vi gaɗ ndaɗta mbay ni minda vi hu ma jivina u dlara huruŋ saaraɗ fok jivira vira gasira.

1 PIYER 1:22

Agi mbuɗugi ki pasiyakŋi kay agi hum u gasira, kay a minigi gorsegi suu vina, minigi tagiya tagiya u hurugi halaŋ u minda ka mbuɗɗira.

1 PIYER 3:8

Na may agi halaŋŋi saa magira u min magira li fun taɗ dew, minigi tagi ko gorse tagi na, njunugi u tagiya gege lay hoŋ yam kaŋga u ndaramma.

1 PIYER 4:8

Su belni minigi tagiya tagiya kay minda bulum cora ŋgolo.

1 JAŊ 1:5

Gola ni boy ma ami humum ay fun Yesu Kristu hin mba jokogina kina ana Lon ni kiɗikka dlara ndufun ka hurum ndeɗi.

1 JAŊ 4:11

Banayanna, lini Lona miniygi ni na ni aygi miniygi taygi duk taygi may.

1 JAŊ 4:21

Gola ni gaɗta Yesu ɦaygira ana sa min Lona, min wayamma may.

1 JAŊ 4:7

Banayanna miniygi taygi duk taygiya kay me minda col ay ni ko Lona, lini gegelay li min suuna ni nammi goŋ Lonna nam wi Lona gasi lay.

2 JAŊ 1:5

Cecemi an ka joɓok haa cara, miniygi taygi duk taygiya. An ɓiirik ha ni ka gaɗta wiliraɗi, ni gaɗta ay humuɗ ay ki fok jew day dayra.