1 JAŊ 2:8 - Boy Lonana

⁸ Na ni an ɓiirigi ni gaɗta wilira, gaɗ ndaɗta tak gasi maɗta ki ni eg Kristu egegi may, lii ndufunna jak ki wa kiɗikka hin ni ndaɗu.

1 JAŊ 2:8 ပူးပေါင်းရင်းမြစ်များ

SOOLLA 27:1

Soolla vi David. Yawe ni kiɗik manda u suɗ manda, an li ndaana ni ko ge ologe? Yawe ni ɦoŋzi ma saɓakŋa vi iiri manda, an dlak ndaana ni ko ge ologe?

SOOLLA 36:9

Asi hoɓ u ti ma jivi ma ha hu ziiŋŋa, aŋ ɦasi mbo maŋ ma jivina.

SOOLLA 84:11

Buu ma lam hu ziiŋŋa dewna su buu ma lam ki kiɗik bupma, an ŋgaɓ a kakŋi fun zi ma vi Loonnana su mayra buu hu zi ma vi suu bay ɗegeena.

EZAYI 9:2

Aŋ wulusi furi masira kolo wa, aŋ zulusi u ay masira wa. Asi ka furi fokoŋu ko suuna furi hu buu ma feɗ tlena vona na, ko suuna furi a ɓorow joo ma asi fam ay fun duunana na.

MATIYE 4:16

Agi njaf suu duk ndufundana, hin wi kiɗikka ŋgolla. Agi suu duk ndufunda ko suu zolina na na, kiɗikka hin fagi lay.»

Boy Ma Ayra Ma LUK Ɓiirimma 1:79

A gi u suu ay ki duk ndufundana kiyo, asi suu ay fun maɗnana. Kay tuɗuy hu voɗta heɓpa.»

Boy Ma Ayra Ma JAŊ Ɓiirimma 1:9

Boy namma ni kiɗikka gasira, mbay hu duliyara a li kiɗikka kay suuna bel.

Boy Ma Ayra Ma JAŊ Ɓiirimma 12:35

Yesu dasi ana, «Kiɗikka ka dukugi tuwa a kak ew ɗaŋ. Tuɗugi huruɗu a ndufunda fagiɗi. Li tagi jiviya, sana tuɗ hu ndufunna ni ka wi li ma nam tuɗ hunaɗi.

Boy Ma Ayra Ma JAŊ Ɓiirimma 12:46

Anu, an mba hu duliyara ni ko kiɗikka na, a suu may suu tin hurusi kanna lak hu ndufundaɗi.

Boy Ma Ayra Ma JAŊ Ɓiirimma 13:34

An ɦagi gaɗta wilira ha ana, Minigi tagi duk tagiya. Minigi duk tagi ko an minigira na.

Boy Ma Ayra Ma JAŊ Ɓiirimma 8:12

Yesu di boyna maŋ suuna olo ana, «An ni kiɗikka fok suuna. Sa ma tuɗ kay cerenna ka tuɗ duk ndufundaɗi, nam ka u kiɗikka iirira.»

SUNDA 17:30

Hu li ma suuna ay ka wi va tuɗina Lona ka ŋga va kayambi, cecemi nam yi suuna hu lina halaŋ, asi mba jok iiri masira ki zeɗ.

SUNDA 26:18

An sunuŋŋi kay aŋ tuɗ malasi irisi kiyo, kay aŋ yowosi ay ki duk ndufunda tuɗusi ki hu kiɗikka, a buɗusi ki ko saɓakŋa vi Satanna maŋ Lona. Kay tin mayra tin hurusi kanda ni coosira hin daɓ kiyo, asi hin yow jona ko tasi u suu vi Lonna u hurusi ma tini kanna.»

ROMMA 13:12

Njeŋgera jak ki wa, maɗiira hinni tok, kay ndaɗta aygi hiniygi sunda vi ndufunda kiyo, yowoygi tlesuu duuna hu kiɗikka koygiya.

2 KORINTNA 8:9

Agi wagi oora vi Bu Suuna mayna Yesu Kristu. Nam ma ɦizina mbuɗ tam ki hawra kagiya, kay nam min ɦizigi ki u haw mamba.

EFESNA 5:8

Agi li ay jew ni hu ndufunda, cecemi hu taɓ magira u Bu Suunara agi mbuɗ ni hu kiɗikka, ni kay ndaɗta poyogi ko suu hu kiɗikkana na.

2 TIMOTE 1:10

Nam takaygi oo mamba ki ni u mbara vi Saaygi ma Suɗta, Yesu Kristu. Yesu Kristu su ki kay saɓakŋa vi maɗna wa ni u Boy ma Ayra nam takaygi ki kay iiri mayra ka miɗɗira.

1 PIYER 1:21

Agi tinigi hurugi kay Lona ni umu, nam ma colom ay ki kolo iiri hu miɗna hin ɦam ŋgolla, viigira u juɓ magira halaŋ tok eg Lona.

1 JAŊ 3:23

Gola ni gaɗta nam daygirara ana tin huruygi kay Goromma Yesu Kristu, miniygi taygi duk taygi may ko Kristu ɦaygi gaɗ mamba kara na may.

1 JAŊ 4:11

Banayanna, lini Lona miniygi ni na ni aygi miniygi taygi duk taygi may.

1 JAŊ 4:21

Gola ni gaɗta Yesu ɦaygira ana sa min Lona, min wayamma may.