1 JAŊ 2:5 - Boy Lonana

⁵ Olo ni lini sana vam boy mamma ni sa namma minda pasiyakka min Lonara ka hurum gasi. Gola ni dla mayra aygi wi ki ana aygi hu Lonara,

1 JAŊ 2:5 ပူးပေါင်းရင်းမြစ်များ

SOOLLA 105:45

Ni ana asi ŋgomom gaɗ mamba na gak gak may, asi li u gaɗ mamba. Halleluya.

SOOLLA 106:3

Furira ka kay suu li jivira u suu ka li u ɗegeera hu buuna halaŋŋa.

SOOLLA 119:146

An yaŋu, suɗun kiyo, ni an hin hum u di ki maŋga.

SOOLLA 119:2

Furira kay suu hoŋ tasi ga u gaɗ mambana, asi ka halam u hurusi halaŋ.

SOOLLA 119:4

Aŋ tak gaɗ maŋga ki ni aŋu, kay a suuna goloɗ u jivira.

VUN ŊGOLNA 28:7

Sa ma hum u gaɗta ni goo ma neeyna. Sa ma poy poyra cora mbaa ni zolona kay bumu.

VUN ŊGOLNA 8:32

Cemi ni agi, goroyonu, humugi haa, lini agi hum u gaɗ manda ni furira ka kagiya.

DI BOLLA 8:5

Sa ma hum u gaɗtana ka fi dlara coɗi. May sa ma wi dlara wi ki hurum ana hu buu ma dew ni Lona hin kaɓakŋa.

EZEKIYEL 36:27

An hin kalagi hurugi ni Musuk manda taɗta. An hin mbuɗugi agi poy u gaɗ manda, li u neenda an neegira may.

Boy Ma Ayra Ma LUK Ɓiirimma 11:28

Yesu hoŋoɗ dira ana, «Ayra ka ni kay suu hum boy ma vi Lonna, vi umma na ɗow.»

Boy Ma Ayra Ma JAŊ Ɓiirimma 14:21

«Sa ma vi gaɗ mandana li laɗu ni, sa ma mininna. Sa namma, Bun minim may, an minim may, an hin tak tan irimu.»

Boy Ma Ayra Ma JAŊ Ɓiirimma 14:23

Yesu hoŋom dira ana, «Sa ma mininna, hum u boy ma an damma, Bun hin minimu, Bun may an may, ami mba lak hurumu.

Boy Ma Ayra Ma JAŊ Ɓiirimma 15:5

«Anni gugutlura, agi ni gorgor kona. Sa ma taɓi egenna ni ma an taɓi u namma may. Nam hin vuɗ cocoo. Agi ndak ka a li va bay anɗi.

Boy Ma Ayra Ma JAŊ Ɓiirimma 6:56

Sa ma tan tliwin may, can busuun may na, sa namma ka hurun may, an ka hurum may.

ROMMA 8:1

Cecemi kaɓakŋa ka kay suu tin hurusi kay Yesu Kristuna oloɗi.

1 KORINTNA 1:30

Lona taɓaygi ni u Yesu Kristu, nam mbuɗ Kristu kini a neeygira. Aygi mbuɗ ki ɗegee fok Lona ni u Kristu, Lona buɗuygi ki wa, aygi mbuɗ ni suu mamma.

2 KORINTNA 5:17

Lini sana ka hu Kristu ni nam mbuɗ ni sa ma wilina, tlesuu basina daɓ ki wa, suu wilina ka ni asiya.

2 KORINTNA 5:21

Kristu coomba kaɗi Lona mbuɗum ki sa ma li dlara cora kay cooygira kay aygi mbuɗ ki suu ɗegeena fokom nam Lona.

Magaara JAK Ɓiiriɗta 2:22

Aŋ gola viimba u sun mamba taɓ ko tasi dew. Viimba mbuɗ ki ɗegee ni u sun mamba nam laɗta.

1 JAŊ 3:24

Sa hum u gaɗta vi Lona nammi hu Lon may, Lona hurum may. Gola ni va ma aygi wi ana Lon ka huruygiyana aygi wi ni u Musuk Lonara nam ɦaygira ka huruygira.

1 JAŊ 4:17

Lini minda pasiyakka ka huruygiya ni aygi ka li ndaa hu buu ma kaɓakŋaɗi kay iiri maygira hu duliyara ni ko iirira vi Yesu Kristu na.

1 JAŊ 4:18

Minda ndaana ka huruɗɗi, minda gasira doo ndaana kiyo. Sa ma li ndaana minda pasiyakka ka hurumbi, kay me ndaana ni fun tam u daŋgayna dew.

1 JAŊ 5:2

Gola dlara aygi wi ana aygi min goryoŋ Lona ni u mayra aygi min Lona may vam vun gaɗ mamba jivi mayra.

1 JAŊ 5:20

Aygi wi anaba Goŋ Lonna mba wa, nam neeygi ki ana aygi wi Lo ma gasina kiyo. Aygi taɓira u Lo ma gasina ni u sem Goromma Yesu Kristu, nammi Lo ma gasina, iirira ka daɓ kiɗira lay.

2 JAŊ 1:6

Minda ɗoɓoygi iriygi a li dlaaygira kay cee gaɗta vi Lona ni ndaɗu, gaɗta agi haɗaɗ ay ki fok jewra ni agi lagi dlaagira u minda.

WIRA ŊGAYRA 12:17

Dragoŋŋa mbuɗ ki yara coco eg cara, tuɗ duu tam u njaf cara suu hiŋŋa, suu may suu hum u gaɗta vi Lonara na, suu ɗegee suu tin hurusi kay gasira Yesu daɗtana.

WIRA ŊGAYRA 14:12

Ni kay ndaɗta suu vi Lonna suu hum u gaɗ mamba suu ɗegee u Yesuna, mba lak u ɗigilla.