1 JAŊ 2:28 - Boy Lonana

²⁸ Gasi goryonu, hurugi li taɓi dew u Kristu, a falira nam hin a mbara aygi wi ki kaygi gasi ana zolo ka caygi fokombi.

1 JAŊ 2:28 ပူးပေါင်းရင်းမြစ်များ

EZAYI 25:9

Hu buu namma suuna hin di ana, Nammi Loomina, ami tin hurumi kamu, nam buɗumi ki wa. Yawe ni sa ma ami tin hurumi kamma. Ŋgaaygina, furiyuygiya kay nam suɗuygi ki wa.

EZAYI 45:17

Yawe suɗ suu Israelna ki ni namu. Suɗ ndaɗta hin ha kasi ni na din din. Agiya zolo ka kagiɗi, ŋgul kaɗi lay, ha ni a fafaɗta.

MALASI 3:2

Sa hin vi tam juɓ buu ma nam hin mbana ni gege? Sa hin col kolo fokom hu li ma nam hin kal ay ki kiɗikŋa ni gege? Kay ana nammi ko ndal ku mayra yoo tlenara na, ko ndal suu li sun barawina mbususi kira na.

MATIYE 16:27

Na daŋŋi Goŋ Sanna hin mbay u bibiŋilla vi Bumba u suu mam suu sunda huulona may, hu li namma nam hin warak gegelay u dlara nam laɗta.

MATIYE 16:28

An dagi ha ni gasira, suu dukugi ɦiw ka daɓ ki miɗna bay wi Goŋ Sanna mbay u mul mambaraɗi.»

MARK 8:38

Lini sana li zolona kanu, kay boy manna lay, fok suu cukunina ni, suu li zoŋgana lay, li cora lay, Goŋ Sanna hin li zolona kam may, falira nam mbay u saɓakŋa vi Bumma u suu mam suu sunda huulona may.»

Boy Ma Ayra Ma LUK Ɓiirimma 17:30

Hu buu ma Goŋ Sanna mba a tak tam kina, hin lini na may.

ROMMA 9:33

Ɓiira di ana, «Gologi an tin hu Siyon ɦini ma daɓ semma ni ɦini ma ndi sana kaŋgana sa tin hurum kamma ka mbuɗ ki zoloɗi.»

1 KORINTNA 1:7

Ҥala vi Lona ta hin ki bay agi faɗ kaɗi, agi suu ka juɓ buu ma Yesu Kristu hin mba na.

1 KORINTNA 15:23

Gegelay ni hu liimma liimma, Kristu ni ma jewna vi tlena halaŋ, ŋgoo daganda ni suu mamma may, ni falira nam hin mbara.

EFESNA 3:12

U taɓ maygira u namba, u viiygira hurumba ni aygi faygi buɗta kay a col fok Lona hu vira gasira.

KOLOSNA 3:4

Iiri magira gasira ni Kristu, hu li ma nam hin tak tam kina ni agi hin mbay ni u nam may, fagi ɓorow magina ni hu bibiŋil mamba.

1 TESALONIKŊA 2:19

Suu ami ka u juɓpa kasina ni suurage, furi mamira u ŋgaamira u bibiŋil mamira ni agiɗi su, fok Bu Suuna mayna Yesu hu mbaamba layɗi su?

1 TESALONIKŊA 3:13

Ko nam soogi hurugi a lak bay cora teteɗ fok Lona Buya, a juɓ mbara vi Bu Suuna mayna Yesu u suu mam suu teteɗna halaŋ.

1 TESALONIKŊA 5:23

Ko Lona malaŋ heɓpa mbuɗugi ki jivi teteɗ, u tagira suu warna, u ŋgus magira u iiri magira lay u mbalatagi may. Tle asina halaŋŋi gologisina, ŋgul li egesiɗi, a juɓ mbara vi Bu Suuna mayna Yesu Kristu.

1 TIMOTE 6:14

hum u gaɗta jiviya, ŋgomoɗ na gak gak bay li cora, gak gak hu buu ma Bu Suuna mayna Yesu Kristu hin mbana.

2 TIMOTE 4:8

Cecemmi warakŋa ka juɓunu, ni jumba mulla ɗegeera, Bu Suuna ma ɗegeena ma kaɓakŋa hin ɦanda hu buu namma, ka ɦanda ni man an dewɗi ni maŋ suu ka juɓum u minda hu buu ma nam hin hoŋ ayna halaŋ.

TITTA 2:13

Ndaɗ haɗay kay ay mba kak iiri a juɓ u furira hu buu ma ay ka saa kamma. Ni hu buu ma bibiŋilla vi Lona ma ŋgolna, u Sa Suɗta Yesu Kristu hin mbana.

HEBRENA 9:28

Kristu ɦal tam a ɓivunna sem dew ni na may, kay yow cora vi suuna ki bolowo. Nam hin hoŋ tak tam a mbara ni ka kay yow cora oloɗi, ni kay a suɗ suu ka juɓumma.

1 PIYER 1:7

las ndaɗta ni a tukugi saɓak viigira. Lorra ni vara daɓ kira asi ka yooroɗ u kura kay a mbuɗuɗ eŋe. Na may viigira ni su lorra, lassa lagira ni kay a tukugi ana ndaɗ coli eŋ su. Hu buu ma Yesu hin a mbana wanni hin geleɗegiya, ŋgaagiya, ɦagi ŋgolla.

1 PIYER 5:4

Falira sa ŋgolna vi suu taa yoorina mba wa ni, agi hin fi jumba mulla dlaɗ ŋgolla ka ɓeŋ kiɗira.

1 JAŊ 2:1

Goryonu, an ɓiirigi dla ndaɗta ha ni ka agi li dla co oloɗi. Lini sa kom kal a li dla co wa ni sa njun kaygi eg Buygina kaa, ni Yesu ma ɗegeena.

1 JAŊ 3:2

Banayanna aygi cecemmi goryoŋ Lonna, aygi li hin mbuɗ ŋgoo dagan ana me kala ni dla ndaɗta uɗ tak ka ki jivi tuɗi. Aygi a wi dla ndaɗta ki jivira wani falira Kristu hoŋ ayra, ni aygi hin mbuɗ ni ko ndal nam na, kay me aygi hin wam ki ni u tamba.

1 JAŊ 3:21

Ni na olo, banayanna, lini huruygi ka takaygi cooygira ki iriygiɗi ni aygi wi taygi gasi fok Lona may.

1 JAŊ 4:17

Lini minda pasiyakka ka huruygiya ni aygi ka li ndaa hu buu ma kaɓakŋaɗi kay iiri maygira hu duliyara ni ko iirira vi Yesu Kristu na.

1 JAŊ 5:14

Agi gola ni dlara aygi wi taygi gasi fok Lona ana aygi joɓom va maa u min mamba wa ni nam humuygiya.

WIRA ŊGAYRA 1:7

Gologiya nam mba hu ɗugulla. Suuna halaŋ hin wamu, suu cokomma lay. Suu kay ndaŋgarana halaŋ halaŋ hin mbuɗ yoo kay boy mamma, ni dla ndaɗta hin a li ni na daŋ may, amin.