1 JAŊ 2:20 - Boy Lonana

²⁰ Lini agiya ni agi fi Musuk Lonara ta Kristu sunuɗ ayra hurugiya agi wi gasira ni kay ndaɗta.

1 JAŊ 2:20 ပူးပေါင်းရင်းမြစ်များ

SOOLLA 16:10

Kay aŋ ka hinin iiri manda, ha ki hu lina vi suu miɗinaɗi, aŋ ka min ana saaŋ ma aŋ minimma loɗ kiɗi.

SOOLLA 23:5

Aŋ tinin tina fokon ii suu man suu gonokka. Aŋ voon mbulna kanu, ŋgot manda cira sulul ki sululiya.

SOOLLA 45:7

Mulla Lona haŋgara kak na din din, aŋ ti mulla kay suuna ni u ɗegeera.

SOOLLA 71:22

Kay ndaɗta an gaŋ deɓpa Loonna, an ŋgaaŋ ɗegee maŋga, u diŋŋa an gi soolla geleɗeŋga. Lo ma teteɗ ma vi suu Israelna.

SOOLLA 92:10

Yawe, gol suu babali maŋsina, gola babali maŋsina hin ba kiyo, suu li dla cora halaŋ hin njay kiyo.

VUN ŊGOLNA 28:5

Suu dlasi cona ka wi u dlara ɗegeeraɗi. Suu hal Yawe gasina waɗ uɗ ki halaŋ.

EZAYI 43:3

Kay an, Yawe, ni Looŋŋa, ma Teteɗ ma vi suu Israelna ni saaŋ ma suɗuŋŋa. An ɦal suu Egiptena ki a mbuɗuŋga. Suu Etiyopina u suu Sebana varak ki ni kay seŋu.

EZAYI 61:1

Musuk Bu Suuna Yawera ka kanu, Yawe ŋgaɓan a di boy ma ayra maŋ suu hahawra, ɗil ii suu hurusi ki ɓalakina, nam sunun ay a di boyna cuk suu hu daŋgaynana kiyo. Suu ay ki vii balnana tuɗ ki voo.

JEREMI 31:34

Asi hin ka haɗ tasi u banayasina oloɗi, duk tasira wayaraɗi lay, ka hoŋoɗ ndumba ana, «Halagi yal ma wi Yawena», kay ana asi hin wan ki halaŋ halaŋ, kem gorira u suu ŋgolona. Yawe di na. An bulumusi dla coosira kiyo, suluk masina, an hin ka ɓak kasi oloɗi.

DLAŊ LEVIRA 7:35

Dok ndaɗta hin ki ni a ɓorow ma vi Aaron u goryomma, hu ɓivun ma ŋgalam ki maŋ Yawena halaŋ, asi fam ki ni hu buu ma sana mbaa ɓivun mamma fok Yawena gaw.

MATIYE 13:11

Nam hoŋ dasi ana, «Agi ni suu Lona gagi u boy mamma ŋgay kay Mulla huulonara ki na, gam ka ki maŋ suu hiŋŋa koɗi.

MARK 1:24

«Aŋ a lami ni nanage? Yesu ma Nazaretna, aŋ mba a viɗimi ki su? An waŋ uŋ kiyo, aŋŋi sa teteɗ ma Lona sunum ayna.»

Boy Ma Ayra Ma LUK Ɓiirimma 4:18

«Musuk Bu Suunara ka kanu, nam ŋgaɓan a di Boy ma Ayra maŋ suu hahawra. Nam sunun ay a di boyna, cuk suu daŋgayna kiyo, a suu dugina irisi mbuɗ wi lay. A suɗ suu asi lasasina ki lay.

Boy Ma Ayra Ma LUK Ɓiirimma 4:34

«Aŋ a lami ni nanage? Yesu ma Nazaretna, aŋ mba a viɗimi ki su? An waŋ uŋ kiyo, aŋŋi sa teteɗ ma Lona sunum ayna.»

Boy Ma Ayra Ma JAŊ Ɓiirimma 14:26

Sa ma hin njun ugina ni Musuk Lonara, ta Lona hin sunuɗ ay u senda. Ndaɗ hin haɗagiya hin gagi humugi kay tlege suu an dagisinana halaŋ.

Boy Ma Ayra Ma JAŊ Ɓiirimma 16:13

Musukka gasira mba wa ni, ndaɗ hin tinigi hu dlara gasira halaŋ. Ndaɗ ka ɓak kay saɓak maɗna kay taɗɗi, ndaɗ di ni dlara ndaɗ humuɗta, ndaɗ hin dagi dlara hin mbara may.

SUNDA 10:38

Agi wi ana Lona njay saɓakŋa vi Musuk mamba kay Yesu ma Nazaretna. Agi wi Yesu poy hu mbassa daŋga daŋga, li jivira ŋgolo, suu Satanna njunusi kaŋgana nam mbuɗusi ki jiviya, kay Lona ka u namu.

SUNDA 3:14

Agi noyogi sa ma Teteɗ ma Ɗegeena kiyo, hin joɓogi Pilat ana ɦagi sa ma ci maɗna maa ay ki dew.

1 KORINTNA 2:15

Sa ka u Musuk Lonara gi ii dlara kini u voɗoɗ halaŋ, sa ma ndak a gam ii dla kom kaɗi.

HEBRENA 1:9

Aŋ min ni dlara ɗegeera, ta cora ni aŋ noyoɗ kiyo, ni kay ndaɗta Lona, Looŋŋa, manaŋŋa, nam oyoŋ huruŋ u furira kay ɦala nam ɦaŋ li ma jivina, jivi su ma nam ɦam maŋ ndarayaŋŋana bel.»

HEBRENA 8:11

Sa maa dukusi dew lay ma hin haɗ ndaram kaɗi, sa ma di maŋ wayamma ana wi Bu Suuna kiyo ka oloɗi. Suu halaŋ halaŋŋa hin wam kiyo, gorkemba gorira lay u suu ŋgolona lay.

1 JAŊ 2:27

Lini agiya ni Yesu sunugi Musuk mamba ay kagiya, Musuk mamba hurugi may ni agi ka hal sa a takagi dla oloɗi, Musukka takagi dlara ki ni halaŋ, dlara ndaɗ haɗagirara ni gasi, kaboyna ka huɗi ni kay ndaɗta agi vagi vun haɗta vi Musuk Lonara taɓagi hurugi dew u Kristu.

1 JAŊ 4:13

Dla mayra aygi wi ki ana Lona ka huruygiya aygi hurum mayra ni ana nam ɦaygi Musuk mamba.

Magaara JUD Ɓiiriɗta 1:5

Agi wagi u dla ndaɗta ki vagi jivi lay ni, an gagi humugi ha ni kay dlara Lona suɗ suu Israelna ay ki hu mbassa Egiptera, suu tin hurusi ay ka kambina nam hin baasi ki may.

WIRA ŊGAYRA 3:7

Ɓii magaara maŋ sa sunda huulona vi suu vi Kristuna hu Filadelfi. Humugi boy ma sa ma coli ɗegee, bay cora egemma damma. Vun zira vi mul ŋgolna Davidta ni komu, nam mal vun zira kiwani sa ma daŋ ka ndak a duguɗɗi, nam duguɗ wa ni sa ma daŋ ka ndak a malaɗ kiɗi may.

WIRA ŊGAYRA 4:8

Tlesuu iiri asina ma dewna garaŋam karkiya, karkiya. Asi u iira hurusi bari kurufu lay, egesi lay. Asi gi soolla ni na tew tew faali lay njeŋge lay, «Teteɗna, teteɗna, teteɗna Bu Suuna, Lona, ma Saɓakŋa Kom Belna. Ma ay jewna. Ma ka cecemina. Ma hin mbana.»