1 JAŊ 2:19 - Boy Lonana

¹⁹ Suu asina ka suu maygisina gasiɗi ni kay ndaɗta asi hinigi kini na li gasi asi ni suu maygisina ni asi ka hinigi kiɗi, hin kak ginni u aygiya. Asi tuɗ hinigi kini a takaygi kini ana saaygi maa ka dukusi dewɗi.

1 JAŊ 2:19 ပူးပေါင်းရင်းမြစ်များ

JOB 17:9

Na may ko sa ma ɗegeena tuɗ fok u ɗegee mamba. Sa ma duk kom ki teteɗna lam ki teteɗ hu olo.

SOOLLA 37:28

Kay Yawe minni suu boyosi ɗegeena, nam ka hin suu mam suu ɗegeena kiɗi. Nam ka golosi tew tew, may suu li dla cora njafasi bulum kiyo.

SOOLLA 41:9

Dla coomba tok kammi ndaɗu, vira nam vi ga wanda ni ka col koloɗi.

MATIYE 24:24

Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya.

MARK 13:22

Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya.

Boy Ma Ayra Ma LUK Ɓiirimma 8:13

Suu tli tasi u ndaŋga goyra na ni suu hum Boy ma vi Lonna, vam u ayra ka hinim a kal sariyam hurusiɗi. Nam kak hurusi ew daŋ. Dlara loɓma mba wa ni, asi hinim voɗom gaw.

Boy Ma Ayra Ma JAŊ Ɓiirimma 15:2

Koma egen ka vuɗɗi na, nam kaam kiyo. Nam carak kom ma hiŋŋa ki lay a nam dla gorgora vuɗ vuɗta jivira may.

Boy Ma Ayra Ma JAŊ Ɓiirimma 4:14

Sa ma ci yo ma an ɦammana, laara ka cam oloɗi, yo namma hin egemmi a iirira ka daɓ kiɗira.»

SUNDA 15:24

Ami hum ana suu col ha vo varami tani min viɗigi yagi mbuɗugi ndaana u boyna, ami ɦasi voɗta ha ka kay boy nammaɗi.

SUNDA 20:30

Dukugi tagira lay ni suu ɦiw hin yow kolo a ka boyna, hin viɗ yam suu vina ki usiya.

ROMMA 9:6

An ka min di ana vi vun ma vi Lonna mbuɗ ki ɦawaa naɗi, njafna vi suu Israelna ni ka asi suu Israel suu gasina halaŋgi.

1 KORINTNA 11:19

Lini nanagelay ni ɓorowra mba li dukugiya, ni hin mba wi suu gasi ɗegeena ki may.

GA 8ATAMBARA 13:13

Lini hu ɦoŋzi ma Yawe ɦagina ana agi cuk huwana, agi hum dlara di ana,

2 TIMOTE 2:10

Kay ndaɗta an ka siɓ dla ndaɗta halaŋŋi jivira kay suu Lona manasina, kay asi mba fi suɗta hu Kristu Yesu may, u ŋgolla ka daɓ kiɗira.

2 TIMOTE 2:19

Ni kay ndaɗta u zira Lona gaɗ namba coli jiviya, boy ma fok namma ni «Bu Suuna wi suu mamma, suu di ana asi ni vi Bu Suuna na halaŋ noy cora kiyo.»

2 TIMOTE 3:9

Asi hin ka tuɗ dayɗi kay suuna halaŋ hin wi giniŋ masira, ni ko Jannes u Jambre li ayra na may.

HEBRENA 10:39

Aygi ka duk suu hoŋ ki dagan hin ba kinaɗi. Aygi ni duk suu vina ka hu voɗta suɗta.

2 JAŊ 1:7

Suu kaboyna zul ki hu duliyara cocoo asi ka vi ana Yesu Kristu mbuɗ ki gasi sana naɗi, sa di nana ni sa kaboyna, ni Babali ma vi Kristuna.

Magaara JUD Ɓiiriɗta 1:1

Ni an Jud, sa ma sun Yesu Kristuna, ma wayaŋ Jakŋa, An ɓiirigi magaara ha ni magi agi suu Lona yagina, minigi may, nam cukugi kini maŋ Yesu Kristu.

Magaara JUD Ɓiiriɗta 1:19

Asi ni suu li dlara ɓorow duk ɦoŋ suuna kira. Asi li dlaasira ni u min masira kay tasiya ka ura vi Musuk Lonaraɗi.