1 JAŊ 2:14 - Boy Lonana

¹⁴ An ɓiirigi haa agi gorkemba ni kayra agi wi Lona Buna kira, an ɓiirigi ha ni agi somora ni kayra agi wi sa ma ura tin ayra nam kana kira. An ɓiirigi ha magi agi gorzoŋina ni kayra agi saɓaki, Boy Lonana hurugiya agi su ki kay Sa Conara lay.

1 JAŊ 2:14 ပူးပေါင်းရင်းမြစ်များ

SOOLLA 119:11

An ŋgayaŋ gaɗ maŋga hurun kurufuwa kay an ka li dla co egeŋgi.

1 JAŊ 2:13

An ɓiirigi ha magi agi somoyosiya kay me agi wi sa ma ura tin ayra ni nam kana. An ɓiirigi ha ni magi agi gorzoŋina kayra agi su ki kay Sa Conara.

KOLOSNA 3:16

Ko boyna vi Kristu u ɦiz mamba halaŋ kak hurugiya haɗagi tagiya gaɗagi tagi duk tagiya tagiya u ne mayra jivira. Gagi soolla gi deɓpa maŋ Lona u hurugi halaŋ, gagi soolla gi deɓpa ɗegeera, u soolla furira ta Musukka haɗagirara.

Boy Ma Ayra Ma JAŊ Ɓiirimma 15:7

Agi li laki hurunu ni, boy manna li hurugi may ni, joɓogi va ma agi minimma, agi hin famu.

EFESNA 6:10

Kay ndaɗta soogi tagi hu taɓ magira u Bu Suuna hu saɓak mamma ŋgolna.

Boy Ma Ayra Ma JAŊ Ɓiirimma 8:31

Yesu di suu Juif suu tin hurusi kamma ana, «Lini agi tin hurugi kay haɗ manda ni, agi hin mbuɗ a suu haɗi mansina.

Boy Ma Ayra Ma JAŊ Ɓiirimma 5:38

Agi ka vam boy mamma hurugiɗi kayme agi ka tin hurugi kay sa nam sunum aynaɗi.

WIRA ŊGAYRA 2:7

Lini sa ma humum ka huma, ni hum boy ma Musuk Lonara dam maŋ suu vi Kristuna jiviya. Suu col saɓak gak gak hin tina wanni ana an hin ɦasi eŋga a ti vuɗ gu ma iirina ma ka hu Paradis Lonna.

3 JAŊ 1:3

Gorseŋŋa mba dan ana aŋ ka ɓorow dukuŋ u gasiraɗi, ko aŋ li dlaaŋga ay fok jew u gasira na ni an hurun furi cocoo.

2 JAŊ 1:2

Kay me gasira huruygiya ndaɗ hin li huruygi na gak gak.

HEBRENA 8:10

Gola ni galamba an hin vaɗ u suu man suu Israelna, Bu Suuna di ana ŋgoo buu namma wanni an hin ɦasi gaɗ manda hu ŋgus masira, an hin ɓiirisira hurusiya. An hin li a Loosina, asi hin li a suu manna.

KOLOSNA 1:11

Ami joɓomi Lona kay nam mba ŋgomogi u saɓak mamma bibiŋilna ni agi hin ndak siɓ tlena halaŋ u ɗigilla.

2 TIMOTE 2:1

Aŋ, goronu, so taŋ u boyna vi oora ta aygi faɗ hu taɓpa u Kristu Yesu dewra.

FILIPINA 4:13

An ndak a li tlena halaŋ kay Kristu ma ɦan saɓak nammana.

WIRA ŊGAYRA 2:3

Aŋŋi sa lalamma, aŋ wihawra kan cocoo, mbuɗ ka maŋiɗi lay.

1 JAŊ 1:10

Lini aygi di ana aygi li co kaɗi ni, aygi mbuɗuygi Lona ki ni sa kaboyna, ni boy mamma ka huruygiɗi lay.

Boy Ma Ayra Ma JAŊ Ɓiirimma 8:37

An wi ana agi ni goryoŋ Abrahamma, agi hal a can ki ni kayra agi ka min hum u haɗ mandaɗira.

1 JAŊ 1:1

Ami ɓiirigi ha ni kay boy dla iirira, ndaɗ ay ni u ura tin ayra day, ami hum boy namma u humumiya, ami wam u irimi lay, ami gol boy namma komi ŋgenem lay.