Sa ma yalna irim wi dlara ha fokomba ki halaŋ, may sa ma laɓana tuɗ ni duk ndufunda. Na may an wi ki ana dlara hin fasira fasi ni fun tasi dew ma su ndaram kaɗi.
Yesu dasi ana, «Kiɗikka ka dukugi tuwa a kak ew ɗaŋ. Tuɗugi huruɗu a ndufunda fagiɗi. Li tagi jiviya, sana tuɗ hu ndufunna ni ka wi li ma nam tuɗ hunaɗi.
Yal masina ndak ay ka a hum u boy nammaɗi, hu li ma asi ndum galamba basira ni yam yal masina namma hoŋ kuluɓ olo gak gak karami asi bay wam tuwa, nam hin tak ki jivira ni ii sa ma taɓi u Kristuna.
Asi ka ndak a viɗi kay lo ma co ma hu ndaŋgara tanina kuluɓusi yal masina ki wa. Lo namma doorosi kay a wi kiɗikka vi Boy ma Ayra ma tak ki kay bibiŋilla vi Kristura, ma tli tam u Lonna.
Aygi lay ni li ay jew ni na, ka li zolo saɗi, ka hum vun saɗi, lagi ni hu cora. Aygi li ay ni mborɓiina vi saara cora u min maygira ɦawaa. Aygi li ay u huu ma cona kay ŋgiziɗ tlena vi suuna, lay cora egesiya, asi layra egey may.
Lini aygi daygi ana aygi taɓi u namu li hin laygi dlaaygira duk ndufunda may ni aygi mbuɗ taygi ni kaboyna u njaɗ maygira u dlara aygi laɗ u bik koygira lay.
Lini sana di ana, «An min Lona,» nam li gonok u wayamma, ni sa kaboyna, wayamma nam wam u irimu nam ka minimbi, Lona nam ka wam u irimbina nam hin ndak a minimmi nanage?
Aŋ di ana, «Anni sa ɦizina, li tlena halaŋ jiviya, va ma kaɗakan kaɗi.» Aŋ doy ka wi hahaw maŋga ana aŋŋi sa ma kaɗakina naɗi. Aŋ sa hawra, dugi lay, siili lay.