1 JAŊ 1:9 - Boy Lonana

⁹ Lini aygi di cooygira ki fok Lona ni, aygi ndak a ɦam huruygi halaŋ kay me nammi sa ma ɗili ma ɗegeena, nam hin daɓaygi cooygira kiyo hin mbusuygi ki ko dla cooygira halaŋ.

1 JAŊ 1:9 ပူးပေါင်းရင်းမြစ်များ

1 MULINA 8:30

Hum cenda saaŋ ma sunda u suu maŋ suu Israelna ceneŋga haa. Aŋ hum ay ni hu li ma aŋ ka kaki huna, ay kolo huulona, huma, hep huruŋu.

1 MULINA 8:47

lini hu mbassa asi ha ki vii balna hura asi gijaŋ saara, hom kay dla coosira, gijaŋ a ceneŋ ay hu mbassa vi suu babali masisinara ana, ami ni suu cona, ami li ni coo, ɓakŋa vami wa daŋ may.

NEHEMI 1:6

Ko humuŋ li tini ta, iriŋ li ki mali may a hum cenda vi saaŋ ma sundara. Hu li namma na ni an ka cen fokoŋ kay goryoŋ Israelna suu maŋsuu sunda ana, an hom ki ni kay suluk ma vi goryoŋ Israel ma ami lam egeŋŋa. An u suu vo vi bunna ami li suluku.

SOOLLA 19:12

An saaŋ ma sunda hum haɗ ndaɗta wa. Aŋ warakanu kay anni sa ma hum u dlaaŋgana.

SOOLLA 32:5

An daŋ dla coonda ki halaŋ, an ŋgay coon taa ka kiɗi. An di ana, «An hom coonda ki fok Bu Suuna», aŋ tlan nek coonda ki kan wa.

KALKIRA 34:7

Ma kaki ɗegee ha kay njaf suuna fok na buɓ buɓma ma ka siɓ cora vi suuna u honi masira bulumusira ki may na, kaɓakŋa kay suu cona ha kay njafasi fokosi na buɓ buɓ lay na.»

VUN ŊGOLNA 28:13

Sa ma baa coomba kaŋgana ka fi vadi. Sa ma di coomba, hiniɗ ki gasi mayna, hin fi oora vi Lonara may.

EZAYI 45:21

Dagi boy namma ha ki maŋ suuna, vasi u dla ndaɗta kiyo, lagi tokka ko tagi dew. Sa ma tak dlara li wanda ay ki fok jewna ni gege? Ni ka Anɗi su? Yaweɗi su? Lini anɗi ni lo ma daŋ kaɗi, anni Lo ma ɗegeena, Lo ma suɗ suuna. Lo ma daŋ kaɗi, ni an dew daŋ.

JEREMI 3:13

Na may ndak wi cookka. Ni eg Yawe, Lookŋa, ndak mbuɗ yara. Ndak nja kok ki u tuɗta cora kay cee suu daŋŋa u ŋgusu ma ɗufina lay. Agi humun delen kaɗi. Yawe di na.

JEREMI 33:8

An hin mbususi ki teteɗ kay maɗ ma asi cam vi tasi ki daŋgayna fokonna lay, an hin ɦasi gira kay yara asi laɗ u anda lay.

YOORA 3:23

Maɗii tew tew ni ndaɗ wiliya. Ɗegee maŋga ŋgol cocoo.

EZEKIYEL 36:25

An hin yorokogi yo ma teteɗna kagiya. Agi hin mbuɗ ki teteɗ. An hin mbusugi ki ko dlaagira njenjera halaŋ, ko ɓivun ma agi goɓ fulinana lay.

EZEKIYEL 37:23

Asi ka mbuɗ tasi njenje u dlara tokol fulina oloɗi, ka li hurusi ma cona eg Lona oloɗi lay. An buɗusi ay ki hu li ma asi ay ki cuki huna halaŋ halaŋ. Li ma asi li dla cora ay huna, an hin mbususi kiyo. Asi mbuɗ ki ni suu mansina. Anni Loosina may.

ZAKARI 9:9

Li furira, goora vi Siyon. Yi ha kolo u delek eŋga, goora vi Yerusalem. Gola mul makŋa ka tuɗ vo varaku. Nam ɗegee, saɓak lay, lamlam, fuli kay korra, kay goo korra.

MATIYE 3:6

Asi yi coosira ki u vunusiya, nam mbususi batemma duk mbo lum ma Yurdanna ni na gaw.

MARK 1:5

Suu hu mbassa Yudera u suu vo Yerusalemma halaŋ tuɗ ha egemu, asi yi coosira ki u vunusiya, nam mbususi batemma duk yo lum ma Yurdanna ni na gaw.

Boy Ma Ayra Ma LUK Ɓiirimma 22:57

Piyer tin vunum ki ana, «Cara, an ka wambi.»

Boy Ma Ayra Ma JAŊ Ɓiirimma 17:25

Bun ma ɗegeena, suuna ka waŋgi. Anu an waŋu. Suu asina wi ana aŋ sunun ay ni aŋu.

SUNDA 19:18

Suu vina cocoo di ki kay dlaasira asi laɗta duk suuna u vunusiya.

ROMMA 3:26

Cemi wanda nam tak dlara nam mbuɗ suuna ɗegeera nam min a mbuɗ suu tin hurusi kay Yesuna ki ɗegee may.

1 KORINTNA 1:9

Lona ka hin va ma nam damma ki ɦawaɗi, nam ma yagi a agi kak taɓi u goromma Yesu Kristu Bu Suuna mayna.

1 KORINTNA 6:11

Suu ɦiw ay dukugi ko ndaɗta na. Coosira mbus ki wa, agi hin tagi kini maŋ Lona, agi mbuɗ ki cecemi ɗegee fok Lona u sem Yesu Kristu, u Musuk Lonara.

EFESNA 5:26

Nam li na ni kay a mbuɗ suu vi Kristuna ki suu ndakina maŋ Lona, ni hu li ma nam ɦokosi ki u yona u boyna.

GA 8ATAMBARA 7:9

Agi wi ki ana Yawe Loogina ni Lona, ni Lo ma gasina, nam li u galam mamba, ɗegee mamba tuɗ ta ta kay njafna ha fok na gak gak buɓ kay suu may suu minimma suu li u gaɗ mambana.

1 TIMOTE 1:15

Gola wanni boy ma gasina ma sana ndak a vamma, Yesu Kristu mbay hu duliyara tani kay suɗ suu cona, dukusi halaŋŋi ma co saɓakina ni anu.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

HEBRENA 10:23

Vaygi huruygi eŋ kay boy ma aygi ka damma. Aygi wi ki gasi ana Lona hin li u va ma nam vi vunum kamma.

HEBRENA 11:11

U vira Abraham mbuɗ sa ma ndaki a vuɗ goona, basaɗam jak ki ka gin a vuɗ oloɗi, Sara u taɗta lay ni ka ndak a vuɗ goo oloɗi lay. Nam tin hurum ana Lona hin li u va ma nam damma.

HEBRENA 6:10

Lona ni sa ma ɗegeena. Humum ka maa kay sun magiraɗi, min magira agi takaɗta u sun magira agi lambara, agi laɗ maŋ gorsegi suu vina.

1 JAŊ 1:7

Lini aygi laygi dlaaygira hu kiɗikka ko Lona u tamba hu kiɗikka na may ni, aygi ki taɓi dew u suu hiŋŋa busu Yesu Goromma hin mbusuygi ki ko co maygira halaŋ.

WIRA ŊGAYRA 15:3

Asi gi soolla vi Moiz sa ma sun Lona u soolla vi Goo Timiina ana. «Bu Suuna, Lona ma Saɓakŋa Kom Belna, sun maŋga ni ta ŋgolla, ta dlaɗ su ki kay suunara mul ŋgolna vi njaf suuna dlaaŋga aŋ ŋgaaɗta ni ɗegee, gasi lay.