1 JAŊ 1:8 - Boy Lonana

⁸ Lini aygi di ana cora ka huruygiɗi ni, aygi viɗ ii taygi ni viɗiya, gasira ka huruygiɗi lay.

1 JAŊ 1:8 ပူးပေါင်းရင်းမြစ်များ

1 MULINA 8:46

«Hu li ma suu Israelna hin gaŋ vunuŋ ki wa, kay ana sa ma hu ndaŋga ma bay ŋgel kaɗi, aŋ huruŋ ɓeŋ egesi hinisi ki hu duk ko suu babali masisina wa, asi yowosi balna tuɗusi ha ki hu mbas masira dayra kala ɗowba toko ni,

2 MULINA 20:15

Ezayi joɓom ana, «Asi wi ay ni me me vo varaŋŋi ge?» Ezekiyas hoŋom dira ana, «Tlesuu vo varanna halaŋ asi wasi kiyo, va ma hin ki bay an takasina kaɗi.»

2 DLAŊ MULINARA 6:36

«Lini asi li suluk egeŋ wa kay sa war ma bay li co kaɗi, huruŋ ɓeŋ ki egesi wa, hinisi ki duk ko suu babali masisina wa, asi su kasi yowosi ha ki mbaɓura hu mbassa dayra ɗowba ta egesi tokka,

JOB 14:4

Sa ma ndak a paɗ va ma teteɗna ay ki duk va ma njenjena ni gege? Sa maa na dew hu duliyara tani lay ni kaɗi.

JOB 15:14

Sa warna a li ki na teteɗ ni arage? Sa ma cara vuɗumma ndak yi tam ana nam ɗegee su?

JOB 25:4

Sana a ndak li ki na ɗegee fok Lona ni ana mege? Sa ma cara vuɗumma hin li ki na teteɗ ni nanage?

JOB 9:2

Gasi an wi ana dlara ni na daŋ may. Sana ndak a li ɗegee su Lona na ɗow ni nanage?

SOOLLA 143:2

Kaɓakŋa kay saaŋ ma sundaɗi, kay suu iirina halaŋŋi ma iriŋ ɗegee kaɗi.

VUN ŊGOLNA 20:9

Sa ma ndak di ana, «An mbus coonda ki wa, suluk ka kan oloɗina» ni gege?

DI BOLLA 7:20

Kay sa ma ki na ɗegee kay ndaŋgara tani kaɗi, ma ndak a li jivira bay li dla co hu ni kaɗi.

EZAYI 53:6

Aygi halaŋŋi ko timigiina na, ay ki viɗiya, gegelay ni tli voɗta nam tuɗ hura. Yawe tokoygi dla cooygira ki kam halaŋ.

EZAYI 64:6

Sa ma yaŋ seŋ kaɗi, sa ma dliɗ tam kolo a vaŋ kom kaɗi lay, kay aŋ ŋgay taŋ ki irimi wa, aŋ hinimi ko dla coomira ka lasami ni ndaɗu. Ami mbuɗ ni suu ka hu yoorana.

JEREMI 2:35

Ndak di ana, «An li va kaɗi, gasi daŋ may yaamba hin jak ki kanu.» Doli may ni an ka ciɗik uk ta ta li ɓakŋa u ndaku, kay ndak di ana, «An li dla co kaɗi.»

DLAŊ LEVIRA 13:12

Na may lini tuguɗi busuna mbuɗ ki eg sana ŋgol cocoo, col ha kay sem day ta ta kay yamu a mul ma li ɓivunna wam kiyo ni,

Boy Ma Ayra Ma JAŊ Ɓiirimma 8:44

Bugi ni Satanna. Agi min li ni dlara bugi laɗta may. Nam ay ni sa ci maɗna hu ura tin ayra day. Nam ka li gasiraɗi kayme gasagira ka hurumbi. Nam di ni dlara kaboyna, ni dlaamba daŋ may, nam kaboyna kay nammi malaŋ kaboyna.

ROMMA 3:10

Ɓiira di ki ana, «Sa ma ɗegee kaɗi dew lay kaɗi.

ROMMA 3:23

Suuna halaŋ li cora wa, ka ndaki kay a fi ŋgolla fok Lonaraɗi.

1 KORINTNA 3:18

Ko sa ganyam tambi, lini sa ma dukugi saa ana nammi sa ma neeyna hu duliyara tani, nam mbuɗ ni sa ma giniŋŋa kay hin a fi nera.

GALATENA 6:3

Lini sana saa ana nam a li vaa ni ɦawaa, nam ganni yam tamu.

1 TIMOTE 6:5

Suu u saara cora egesina ciwayra duk ɦoŋosira ka daɓ kiɗi lay, asi ka wi gasiraɗi lay, asi gol ko vira hu boyna vi Lona ni va ma a ɦiz tasi kina na.

2 TIMOTE 3:13

Suu hurusi cona u suu ganyam suuna asi tuɗ fok u cora, ganyam tasira hu may.

Magaara JAK Ɓiiriɗta 1:22

Ganyam tagi u humba hum Boy Lonana u furira ɦawaɗi, li ummi lii na ɗow.

Magaara JAK Ɓiiriɗta 1:26

Lini sana vi u va wa ka doo sinimba di boynaɗi ni nam ganyam tammi ganiya. Va nam vi umma ki ni ɦawaa.

Magaara JAK Ɓiiriɗta 3:2

Aygi halaŋ laygi cora tew tew, u njafaɗ zeɗ zeɗ. Lini sana boy ma nam damma halaŋ ka fi co hurumbi ni nammi sa ma ɗegeena ndaki a doo tam kay dlara halaŋ.

2 PIYER 2:13

Asi hin fi warakŋa u lassa kay coosira asi laɗta. Hurusi li ayra kay luu masi ma cona li dlara dawira ii suuna. Taɓpa asi taɓ u agi a ti funara ni va ma daɓ semma u va ma zolona kay asi li dlara ganyamba dukugiya.

1 JAŊ 1:10

Lini aygi di ana aygi li co kaɗi ni, aygi mbuɗuygi Lona ki ni sa kaboyna, ni boy mamma ka huruygiɗi lay.

1 JAŊ 1:6

Lini aygi daygi ana aygi taɓi u namu li hin laygi dlaaygira duk ndufunda may ni aygi mbuɗ taygi ni kaboyna u njaɗ maygira u dlara aygi laɗ u bik koygira lay.

1 JAŊ 2:4

Lini sana vi kam wa ana nam wamu, li ka vam vun gaɗ mambaɗi ni, nammi sa kaboyna, ni gasira ka hurumbi lay.

1 JAŊ 4:20

Lini sana di ana, «An min Lona,» nam li gonok u wayamma, ni sa kaboyna, wayamma nam wam u irimu nam ka minimbi, Lona nam ka wam u irimbina nam hin ndak a minimmi nanage?

2 JAŊ 1:2

Kay me gasira huruygiya ndaɗ hin li huruygi na gak gak.

3 JAŊ 1:3

Gorseŋŋa mba dan ana aŋ ka ɓorow dukuŋ u gasiraɗi, ko aŋ li dlaaŋga ay fok jew u gasira na ni an hurun furi cocoo.