1 JAŊ 1:6 - Boy Lonana

⁶ Lini aygi daygi ana aygi taɓi u namu li hin laygi dlaaygira duk ndufunda may ni aygi mbuɗ taygi ni kaboyna u njaɗ maygira u dlara aygi laɗ u bik koygira lay.

1 JAŊ 1:6 ပူးပေါင်းရင်းမြစ်များ

SOOLLA 82:5

Na may asi ka wiɗi, asi ka humbi lay, asi ka tuɗ ni duk ndufunda, duliyara halaŋ mbuɗ geŋeɗa.

SOOLLA 94:20

Aŋ ndoloŋ ka u suu kaɓak ma ci maɗnaɗi, asi tin dlara a ɓalak gaɗta kira.

VUN ŊGOLNA 2:13

Maŋ suu may suu hin voɗta ɗegeera tani tuɗ ki hu voɗta ndufundana,

MATIYE 7:22

Buu namma ndak daa wa ni, suuna bolowo hin dan ana, Bu Suuna, Bu Suuna, ami jok boy maŋŋa ki maŋ suuna coco u seŋu, ami dik fuli suu cona ki u seŋ lay. Ami li dlara mbuɗ mbuɗta u seŋ coco lay.

Boy Ma Ayra Ma JAŊ Ɓiirimma 11:10

Sana li poy njeŋgee ni, guna daɓam semu kayme lina irim ndufunda.»

Boy Ma Ayra Ma JAŊ Ɓiirimma 12:35

Yesu dasi ana, «Kiɗikka ka dukugi tuwa a kak ew ɗaŋ. Tuɗugi huruɗu a ndufunda fagiɗi. Li tagi jiviya, sana tuɗ hu ndufunna ni ka wi li ma nam tuɗ hunaɗi.

Boy Ma Ayra Ma JAŊ Ɓiirimma 12:46

Anu, an mba hu duliyara ni ko kiɗikka na, a suu may suu tin hurusi kanna lak hu ndufundaɗi.

Boy Ma Ayra Ma JAŊ Ɓiirimma 8:12

Yesu di boyna maŋ suuna olo ana, «An ni kiɗikka fok suuna. Sa ma tuɗ kay cerenna ka tuɗ duk ndufundaɗi, nam ka u kiɗikka iirira.»

Boy Ma Ayra Ma JAŊ Ɓiirimma 8:55

Na may, agi ka wambi, anu, an wamu. An di wa ana an ka wambi ni, an mbuɗ ni sa kaboyna ko agi na may. An wamu, an hum u boy mamma lay.

1 TIMOTE 4:2

Asi hin viɗ tasi ki u humba hum u suu hurusi mbambana u kaboyna, ni wiisira fokka ki miɗiya, ko sa ŋgalaɗ ki ko kawina gi ay ki tlawra kuŋgura na.

Magaara JAK Ɓiiriɗta 2:14

Gorsenna lini sana di ana, «Viinda kaa,» ka takaɗ ki u sundaɗi, vi ndaɗta hin ndak a suɗum su?

Magaara JAK Ɓiiriɗta 2:16

Lini agi hin dasi wa ana, «Tuɗugi, kakagi jiviya, hologi tagiya tagi jivi lay.» Lini agi hin ɦasi va ma njun usi kaɗi ni jivi su?

Magaara JAK Ɓiiriɗta 2:18

Lini sana di ana «Aŋ viiŋga kaa, an sun manda ka may.» An dam ana, «Takan viiŋga bay sunda, an takaŋ manda u sunda may.»

1 JAŊ 1:10

Lini aygi di ana aygi li co kaɗi ni, aygi mbuɗuygi Lona ki ni sa kaboyna, ni boy mamma ka huruygiɗi lay.

1 JAŊ 1:3

Va ma ami wamma, ma ami humumma may ni ami dagina ki magi agi may, a kay me aygi taɓaygi ki dew hu taɓ mamira u Buna u Goromma Yesura.

1 JAŊ 1:8

Lini aygi di ana cora ka huruygiɗi ni, aygi viɗ ii taygi ni viɗiya, gasira ka huruygiɗi lay.

1 JAŊ 2:4

Lini sana vi kam wa ana nam wamu, li ka vam vun gaɗ mambaɗi ni, nammi sa kaboyna, ni gasira ka hurumbi lay.

1 JAŊ 4:20

Lini sana di ana, «An min Lona,» nam li gonok u wayamma, ni sa kaboyna, wayamma nam wam u irimu nam ka minimbi, Lona nam ka wam u irimbina nam hin ndak a minimmi nanage?