1 DLAŊ MULINARA 6:34 - Boy Lonana

³⁴ Aaron u goryom ŋgal ɓivunna kay givin ma togolla lay. Asi ŋgal tlena kay givin ma togolla ma ŋgal mbul ma his jivina lay, li sunda hu Li ma Saɓaki Teteɗna, li ɓivun ma taɓ dukka kay suu Israelna, ko dlara Moiz sa sunda vi Lona dira na.

1 DLAŊ MULINARA 6:34 ပူးပေါင်းရင်းမြစ်များ

1 DLAŊ MULINARA 23:13

Goryoŋ Amramma ni Aaron u Moiz. Aaron hinim ki keŋ kay tam a li sunda hu li ma ki teteɗna. Nam u goryom a fafaɗta a tuɗ fok Yawe u mbul ma his jivina a sunum may, ɦal heɓpa u sem a fafaɗta.

1 DLAŊ MULINARA 24:1

Gola dee goryoŋ Aaronna wanni, goryoŋ Aaronna ni Ndab u Abihu, Elazar u Itamar.

1 DLAŊ MULINARA 24:19

Ɓorowosi irisi ki ni ko ndal wanda na a kal hu Ziŋ Yawera ko gaɗta busi Aaron ɦaɗ ka ko ndal Yawe Lona vi suu Israelna ɦamba kara na.

1 DLAŊ MULINARA 6:33

Gorsesi suu Levina mbaasi ay ki hu sunda hu Ziŋ Lonara.

1 DLAŊ MULINARA 6:35

Gola ni goryoŋ Aaronna, Eleazar ni goromma, Pinhas ni goromma, Abisua ni goromma.

2 DLAŊ MULINARA 29:11

Goryonu, lagi gagaɗta oloɗi kay Yawe managi ni agiya a agi col fokomu, sunumu, li ni a suu sun mamsina kay a ŋgalam mbitla his jivira fokomba.»

KALKIRA 28:1

Tay wayaŋŋa Aaron ay egeŋ u goryom halaŋ duk suu Israelna kay a nam li sunda li ɓivunna. Aaron u goromma Nadab, Abihu, Eleazar u Itamar.

KALKIRA 30:7

Aaron hin ŋgal mbul ma hisna huwa, ni hu maɗiira tew tew. Hu li ma nam a min pindilla ni nam ŋgal mbul ma hisna may.

DLAŊ LEVIRA 1:7

Muli suu li ɓivunna, goryoŋ Aaronna, ŋgal kura hu givin ma togolla, cuk guna kay kura coco may.

DLAŊ LEVIRA 1:9

Nam mbus yorotna u kewetta ay ki u yona. Ҥasi maŋ mul ma li ɓivunna ŋgalasi ki halaŋ kay givin ma togolla. Kay ana ni ɓivun ma ŋgalam ki ŋgalina, ni his ma jivi ma tuɗ eg Yawena.

DLAŊ LEVIRA 16:17

Hu li ma Aaron kal a li ɓivun ma bulum cora kina kay Mbutluɓ ma Tokka ni, sa hin huɗi, juɓ ta ta hu li ma nam kal ay kina, nam li ɓivun ma bulum cora kina jew ni kay coom tambara, hin li ma kay suu mamsinana, ŋgoo dagan li kay suu Israelna halaŋ.

DLAŊ LEVIRA 16:19

Nam yam busuna kay givin ma togolla sem kiɗisiya u komu. Nam mbuɗum ki teteɗ ko njenjera vi suu Israelnara. Nam mbuɗum ki ni teteɗ.

1 SAMUEL 1:1

Sa ma Ramana dew ay kolo kay ɦinira Efrayimba. Sem ana Elkana. Nammi goŋ Yerohamma, goŋ Elihuna, goŋ Tohuna, goŋ Sufna, sa Efratana.