1 DLAŊ MULINARA 29:25 - Boy Lonana

²⁵ Yawe mbuɗ Salomon ki ŋgolla cocoo fok suu Israelna halaŋ. Nam ɦam saɓakŋa hu mul mamba, mul ma ay ki fok jew kay suu Israelna ma fi saɓakŋa ko nam na kaɗi.

1 DLAŊ MULINARA 29:25 ပူးပေါင်းရင်းမြစ်များ

1 MULINA 1:37

Ko ndal Yawe ka u sa ŋgol manna mulnara na, nam hin li u Salomonni na may. Nam hin mbuɗum dlam mamba mulla ki ni jivi zeɗ sura vi sa ŋgol manna mulna Davidta olo.»

1 MULINA 3:12

Gola an hin li ni ko ndal aŋ dira na may. An ɦaŋ huu ma wi dlara u yalna, suu ay ki fokoŋ jewna lay, suu hin varak ka ŋgoroŋŋa lay ni sa ma wi dla ko ndal aŋ na kaɗi.

1 MULINA 3:13

Tlesuu aŋ joɓosi kaɗina lay ni an hin ɦaŋsina. Ҥiza u bibiŋilla, hu iiri maŋga kay ndaŋgara halaŋŋi sa ma li ko aŋ na kaɗi, duk muli suu ka kay ndaŋgarana halaŋ.

1 DLAŊ MULINARA 29:24

Suu ŋgolona halaŋ suu saɓakŋa, u goryoŋ mulna Davidna halaŋ hum u mulna Salomon.

2 DLAŊ MULINARA 1:1

Salomon, goŋ Davidna mbuɗ saɓak coco hu mul mamba. Yawe, Loomma, ka u namu. Nam tlam yam kolo cocoo.

2 DLAŊ MULINARA 1:12

Yalna u wira mbeleŋŋa an ɦaŋsina wa. An ɦaŋ ɦiza hu olo. Aŋ hin fi tlena seŋ tii ki coco lay. Aŋ hin fi ni bibiŋilla muli suu kay ndaŋgarana halaŋ sa faɗ ka dew tuɗira. Muli suu hin kak ka ŋgoroŋ daganna lay ni sa ma faɗ kaɗi.»

JOB 7:17

Sa warna ni me aŋ a golom dlam ŋgolla cocora nage? Aŋ a tin saa maŋga kam na ni kay mege?

DI BOLLA 2:9

An mbuɗ ni sa ŋgolna, mbuɗ ɦizi su muli suu lak ay fokon hu Yerusalemma bel bel. Yal manna tuɗ ha ni fok na ɗow ɗow.

SUNDA 19:17

Suu hu ndaŋgara Efesna halaŋ suu Juifna u njaf suu daŋŋa tasi mbuɗ ndaana halaŋ. Suuna halaŋ mbuɗ ŋga ni Bu Suuna Yesu.

HEBRENA 2:9

Ni aygi waygi anaba, Yesu hoŋ ki kaŋga u suu sunda huulona kay lina ew ɦawaa, kay u oora vi Lona nam miɗ kay suuna halaŋ. Cecemi aygi wam kaki hu ŋgolla u jumba mulla kamu, nam fi geleɗta ni kay wihawra nam faɗ hu miɗnara.

JOSUWE 3:7

Yawe di Josuwe ana, «Cemi wanni an gijaŋŋa a mbuɗuŋ ŋgolla ii suu Israelna, kay a asi wi ki ana an hin li u aŋŋi ko an li ay u Moizza na may.

JOSUWE 4:14

Hu buu namma ni Yawe mbuɗ Josuwe ki ii suu Israelna ŋgol cocoo. Asi mbuɗ lam ndaaram ɦay. Ko ndal asi li ndaa Moiz ay u iiri tam ta ta miɗ mammara na may.