1 DLAŊ MULINARA 29:20 - Boy Lonana

²⁰ David di suu tokina halaŋ olo ana, «Gagi deɓ Yawe, Loogina.» Suu tokina halaŋ gi deɓpa maŋ Yawe, Lo ma vi somoyosina. Asi goɓ kaŋga u vok givisi fok Yawe, fok mulna.

1 DLAŊ MULINARA 29:20 ပူးပေါင်းရင်းမြစ်များ

URA TIN AYRA 24:26

Sana goɓ kaŋga gi deɓ Yawe,

URA TIN AYRA 24:48

An hin goɓ kaŋga cen Yawe. An gi deɓ Yawe, Lona vi sa ŋgol manna, Abraham, ma mbaaran ay tani ɗegee, a an vi goora vi wayaŋ, sa ŋgol manna Abraham, maŋ goromma.

1 MULINA 8:15

Nam hin di ana, «An gi deɓ maŋ Yawe, Lona vi suu Israelna, nam li dlara nam vi vunum u bun, David, kaɗta ki wa u tamba ko nam di ana,

1 DLAŊ MULINARA 16:36

Gi deɓpa maŋ Yawe, Lona vi suu Israelna, ay jew day a fafaɗta, ni a fafaɗta.» Suu halaŋŋa di ana, «Amin,» hin, «Gagi deɓpa maŋ Yawe.»

2 DLAŊ MULINARA 20:21

Nam gi gagara u suuna kay a yow suu may suu hin cuk ha fok suu duuna a geleɗ Yawe, ŋgaam teteɗ mamba ŋgollara di ana, «Ŋgaagi Yawe kay ɗegee mamba ha ni na gak gak.»

NEHEMI 8:6

Ezdra gi deɓ Yawe, Lo ma ŋgolna. Suuna halaŋ hoŋ dira ana, «Amin, Amin» yow kosi koloo. Asi hin cok yasi kaŋga goɓ kaŋga fok Yawe, vogosi kay ndaŋgara.

NEHEMI 9:5

Suu Levina, Yesua, Kadmiyel, Bani, Hasabneya, Serebiya, Hodiya, Sebaniya, Petahiya di ana, «Yowogi kolo gagi deɓpa maŋ Yawe, Loogina, ma ay hu fokka day a fafaɗtana. «Ko asi geleɗeŋ seŋ ma bibiŋilna, ma su ki kay ŋgara u geleɗta halaŋŋa.

SOOLLA 134:2

Yowogi kogi kolo fok Ziim ma Teteɗna, gagi deɓ maŋ Yawe.

SOOLLA 95:6

Selegi aya, mbaygi, goɓoygi ga u vun gifiygi fok Yawe, ma laygina.

KALKIRA 14:31

Suu Israelna wi dlara eŋga Yawe laɗ eg suu Egiptenara ki u irisiya. Suu Israelna li ndaa Yawe cocoo, asi tin hurusi kay Yawe kay Moiz saam ma sunda lay.

KALKIRA 4:31

Suuna vi boy namma. Asi wi ki ana Yawe mbay a njun kay suu Israelna wa, nam wasi hahaw masira ay wa, asi goɓ ga cen Lona.

VUN ŊGOLNA 24:21

Goonna, li ndaa Yawe. Li ndaa mulna may. Taɓ taŋ u suu li ɦoniraɗi. Li ɦoni u suu mba' asinaɗi.

EZEKIYEL 46:10

Mulna kal ha kalafi ko tam u suuna dew, nam hin hoŋ ay ki bunsu ni ko tam u suuna dew may.

JOSUWE 22:33

Suu Israelna hum boy namma u furira, suu Israelna halaŋ gi deɓ Lona, hinni asi ka ɓak boy ma tuɗ duu u suu asina oloɗi, ka li dlara tuɗ ɓalak mbassa vi goryoŋ Rubenna u goryoŋ Gadna u suu vi Manasena ki oloɗi lay.

1 PIYER 2:17

Humugi u suuna halaŋ, minigi gorsegi suu vina, lagi ndaa Lona, hum u mul ŋgolna may.

1 SAMUEL 12:18

Samuel cen Yawe. Yawe baya, si mbona ŋgol ɦay may hu buu namma. Suuna halaŋ li ndaa Yawe u Samuel.