1 DLAŊ MULINARA 29:19 - Boy Lonana

¹⁹ Ҥal huu ma ɗegeena maŋ goronna, Salomon, a vaŋ gaɗ maŋga, vi vun maŋŋa, gaɗ maŋga a li sunda miniŋ ziiŋ ma an min tlena ka kamma.»

1 DLAŊ MULINARA 29:19 ပူးပေါင်းရင်းမြစ်များ

2 MULINA 17:37

Dlara nam min ana agi laɗura, gaɗ mamba u nera nam ɓiiriɗ ka ga hu magaara magira. Agi mba goloɗ jivi a li uɗ hu buuna halaŋ may. Agi ka lagi ndaa loogi suu ɦawanaɗi.

1 DLAŊ MULINARA 22:14

«Gola an haw lay ni, an min tlena ka kaŋga kay zira vi Yawera lorra kelew 3,000,000, doonora kelew 30,000,000. Walakka u kawina ni sa ka ndak a tlasi nekesiɗi. Asi ŋgol cocoo. An min guna lay, gogoyra lay, aŋ hin hal ka fun tuwa.

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

1 DLAŊ MULINARA 29:18

Yawe, Lona vi Abraham, vi Isaak, vi suu Israelna, somoyomi ka u huu suu maŋsina hurusi a fafaɗta, tuɗusi u huu ma dewna egeŋu.

2 DLAŊ MULINARA 6:30

aŋ ay kolo huulona hu li ma aŋ kaki huna day ni, bulum cora kiyo, li sana ni ko poy mamba nam poyra na may, kay ana aŋ wam hurum kiyo. Aŋ dew ni sa ma wi huu suu warna kina.

SOOLLA 119:80

Ko an lini u gaɗ maŋga na ɗegee kay a dlara zolo li kanɗi.

SOOLLA 72:1

Soolla vi Salomon. Lona, haɗ yal kaɓak ma jivina maŋ mulna, tak ɗegeera maŋ goryoŋ mulnana may.

SOOLLA 72:2

Ko asi ti kay suu maŋsina u ɗegeera, suu hoŋ yasi gaa u jivi maŋgana.

EZAYI 38:3

Nam di ana, «Ҥii, Yawe, humuŋ gaŋu kay an poy uŋŋi u ɗegeera u huu ma dewna an li ni dlara iriŋ jivira halaŋ.» Ezekiyas tii u simina.

JEREMI 30:18

Na ɗaŋŋi Yawe ɓak anaba, an hin hoŋ mbutluɓma vi Yakobma kolo balamamu. An hin wi hahaw suu hu ɦoŋzi nammana. Ҥoŋzi managelay ni minim ki kolo kay ɦini mamba. Zira jivi taragelay hin fi liiɗ ma jewna.

Magaara JAK Ɓiiriɗta 1:17

Ҥala ɦawara jivira halaŋ u ɦala pasiyakka col ay ni koloo, ɦaɗ ay ni Lona, nam sa ma li kiɗikka kolora. Lona ka mbuɗɗi. Nam ka jok ndufunda ha fok na ɗowɗi.