1 DLAŊ MULINARA 29:18 - Boy Lonana

¹⁸ Yawe, Lona vi Abraham, vi Isaak, vi suu Israelna, somoyomi ka u huu suu maŋsina hurusi a fafaɗta, tuɗusi u huu ma dewna egeŋu.

1 DLAŊ MULINARA 29:18 ပူးပေါင်းရင်းမြစ်များ

URA TIN AYRA 6:5

Yawe wi ana suuna tuɗ fok a li cora kay ndaŋgara li na ɗow ɗow, hu buuna tew tew ni saa masira tini ni kay dla cora.

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

1 DLAŊ MULINARA 29:17

An wi ana aŋ, Loonna, wi huu suuna. Aŋ minni ɗegeera. An may ni u hurun ma ɗegeena an ɦaŋ tle asina halaŋ. Cecem wanda suu maŋsuu ka tanina an ka wasi asi ɦal tlena u furira u hurusi ma dewna.

1 DLAŊ MULINARA 29:19

Ҥal huu ma ɗegeena maŋ goronna, Salomon, a vaŋ gaɗ maŋga, vi vun maŋŋa, gaɗ maŋga a li sunda miniŋ ziiŋ ma an min tlena ka kamma.»

2 DLAŊ MULINARA 30:6

Suu vun sunda ŋguf yam mbassa ki u magaara mulna u suu muli mamsina ɓiiriɗta halaŋ ki u mbassa Israella ura Yudara bel. Dasi ko mulna dira na ana, «Suu Israelna hoŋ ay ki eg Yawe, Lona vi Abraham, vi Isaak, vi Israel. Nam hin hoŋ ay egegi may. Agi suu hin ka iiri tu suu suɗ ay ki ko mul ma Asirinana.

SOOLLA 10:17

Yawe, suu hoŋ yasi gana, aŋ ka humusi cen masira, aŋ ka soosi usi lay.

SOOLLA 119:113

An ka min suu hurusi mbambanaɗi, may an miniŋŋi gaɗ maŋga u hurun halaŋ.

SOOLLA 119:166

Yawe, an ka juɓ suɗta ni koŋu, an li ki u gaɗ maŋga halaŋ lay.

SOOLLA 51:10

Hinin an hum soolla furira u ayra, hin sokon ma aŋ kusum kina furiya.

KALKIRA 3:15

Lona hin di Moiz olo ana, «Aŋ hin ɓak suu Israelna ana, Yawe Lo ma vi somoyogina, Lona vi Abraham, Lona vi Isaak, Lona vi Yakob sunun ay egegi ni namu. Ni sen ma fafaɗna, ni asi hin cenen hu basara basara ni u sen namma.

KALKIRA 3:6

Nam di ana, «Anni Lo ma vi somoyoŋŋa, Lona vi Abraham, Lona vi Isaak, Lona vi Yakob.» Moiz baa irim kiyo kay nam mbuɗ ki ndaana ka gol Lonaɗi.

KALKIRA 4:5

«Na ɗaŋŋi asi hin vi ana Yawe tak tam ay iriŋu, ni Lo ma vi somoyosina, Lona vi Abraham, vi Isaak, vi Yakob.»

JEREMI 10:23

Yawe, an wi ana sana ka ni malaŋ voɗta nam tlaɗtaɗi. Sa tuɗ lina ka wi yal ma nam tuɗ u nammaɗi.

JEREMI 32:39

An ɦasi saara dewra u voɗta dewra lay. Hin mbuɗusi a asi van vunun tew tew kay jivi masira kay jivira vi goryosi ka balamasira lay.

MATIYE 22:32

Nam di ana, An ni Loŋ Abrahamma, Loŋ Isaakŋa, Loŋ Yakobma. Nam ka Lo ma vi suu miɗinaɗi, Lo vi suu iirina ni namu.»

SUNDA 3:13

Loŋ Abrahamma, Loŋ Isaakŋa, Loŋ Yakobma, Lo ma vi somoyoygina ɦal saɓakŋa maŋ saam ma sunda Yesu. Agi u tagira ɦam ki maŋ suu ŋgolona asi ɦam ki maŋ Pilat ni agiya, nam Pilat tin gin hurum a gamu.

GA 8ATAMBARA 30:6

Yawe Loogina hin cawagi ni caw ɗiwra hurugi kurufura, magi agi may, maŋ njafagi ma ka daganna lay, kay a agi min Yawe Loogina u hurugi halaŋ, u saa magira halaŋ, kay a agi lak iiriya.

GA 8ATAMBARA 5:29

Lini asi min gasi a lan ndaaranu, a li u gaɗ manda hu buuna tew tew may ni, kay jivi masira kay goryosi lay ha na gak gak.

FILIPINA 1:6

An wi kan jivi ana Lona ma gijaŋ sunda jivira ay u agi dayna, hin tuɗ fok u agi gak gak a daɓaɗ ki hu buu ma vi Yesu Kristuna.

1 TESALONIKŊA 3:11

Ko Buy Lona u tamba u Bu Suuna mayna Yesu minimi voɗta fokomi a ami ndak tuɗ wagi irigiya.

HEBRENA 13:21

Ko Lona ma heɓpa ɦagi saɓakŋa a li u tlesuu jivina halaŋ kay agi lam min mamba, ta nam laygira huruygi u Yesu Kristu ni dlara irim jivira. Ŋgolla maŋ Yesu Kristu a fafatɗa. Amin.