1 DLAŊ MULINARA 29:14 - Boy Lonana

¹⁴ Kay anni gege? Suu mansina ni gege? May a fi saɓak ma ɦal tlena u hurumi ma dewna ko tlesuu wanna na ni ge? Tlena halaŋ col ay ni koŋu, tlesuu ami ɦaŋsina wanna col ay ni koŋu.

1 DLAŊ MULINARA 29:14 ပူးပေါင်းရင်းမြစ်များ

Magaara JAK Ɓiiriɗta 1:17

Ҥala ɦawara jivira halaŋ u ɦala pasiyakka col ay ni koloo, ɦaɗ ay ni Lona, nam sa ma li kiɗikka kolora. Lona ka mbuɗɗi. Nam ka jok ndufunda ha fok na ɗowɗi.

2 KORINTNA 3:5

Kay ami kay tamira ka ndak a li va kay tamiɗi, ndak mamira mbay ni vi Lona.

ROMMA 11:36

Tlena halaŋ mbay ni kom u tlesuu kana halaŋŋi kom namu asi ni mam lay. Geleɗta maŋ Lona a fafatɗa. Amin.

SOOLLA 115:1

Yawe ami kay tamira ndak kaɗi, ami ŋgaaŋŋi seŋ aŋ dew, ni kay jivi maŋga u ɗegee maŋga na hol.

FILIPINA 2:13

Lona li u agi na gak gak kay a mbuɗugi ki saɓakŋa u min mamba kay a mba li ko va ma nam ŋgaamma na.

1 DLAŊ MULINARA 29:9

Suuna li furira kay ɦal masira u hurusi dewra kay ana asi ɦal tlena ni u hurusi dew maŋ Yawe. Mulna David furi ŋgol coco lay.

2 SAMUEL 7:18

Mulna David mbay kak ki fok Yawe hin di ana, «Anni gege, Bu Suuna Yawe, ziinni maana ba aŋ hin mbaan ki ta ta tani nige?

URA TIN AYRA 32:10

Yakob cen Lona ana, «Lona vi bun ŋgolo Abraham, Lona vi bun Isaak, Yawe ma dan ana hoŋ hu mbas maŋga hu li ma aŋ vuɗ ay huna, an hin li u aŋu va ka laŋgi.

URA TIN AYRA 28:22

Ҥinira an coloɗ wanda hinni a ziŋ Lonna. An hin ɦaŋ keŋ ma doogona u tlesuu aŋ ɦansinana halaŋ.

WIRA ŊGAYRA 4:10

Suu ŋgolo suu dok mba yam fiɗina goɓ vungivisi kaŋga fok nam ma kaki kay dlamba mullana a cenem nam ma iiri din dinna. Asi cuk jum masira kaŋga fok dlamba mulla di ana,

DANYEL 4:30

Hu li namma gaw ni dla ndaɗta li ki eg Nabukodonosor. Asi dikim ki duk suuna. Nam ti haɗna ko mbutlina na, tam mbus ki u mbaɗagira huulonara ta ta, tlimiɗ yam si ko tlimiɗ ɓarawna na, liviɗ kom siira ko liviɗ layagina na.

1 KORINTNA 16:2

Hu faɗta damassa tew tew gegelay cuk gursura ki egem zeɗ u va ma nam famma, ka ana hu buu ma an mbana ni agi hin tok tlena ni toki tuwa naɗi.

1 DLAŊ MULINARA 29:13

Cecem wanda, Loomina, ami gaŋdeɓe, ami geleɗeŋ seŋ ma saɓakŋa ɦayna.

1 DLAŊ MULINARA 29:15

Kay ana ami fokoŋŋi koyogina, suu vi koyogina ko ndal somoyomi li ay halaŋga na may. Burumi ma kay ndaŋgarana ni ko ndal ŋgusna na, ka saaɗi.

Magaara Vi Sa Jok Vun Lona AGE 2:8

Yawe, ma Saɓakŋa Kom Belna, di ana, Doonora ni manda, lorra ni manda lay.

KALKIRA 3:11

Moiz joɓ Lona ana, «Anni ge zeneŋ may a tuɗ eg Faraw nige? A cuk suu Israelna ay ki hu mbassa Egiptera nige?»

GA 8ATAMBARA 16:10

Ŋgoo dagan agi hin li luu ma buu ma kiɗisiyana maŋ Yawe Loogina, ɦagi ɦal mayra ɦawa u min magirara ko ndal Yawe Loogina paɗ vunum ki kagi agi fira na may.

GA 8ATAMBARA 16:17

Gegelay ɦal yam vaam ma nam fam u paɗvunna ko Yawena, ko va ma Looŋŋa ɦaŋŋana na.

1 DLAŊ MULINARA 17:16

David mbay kak ki fok Yawe hin ɓak ki ana, «Anni gege, Yawe, Lona, ziinda ni tara a aŋ tewen ki ta ta tani na day ni ge?

1 DLAŊ MULINARA 29:16

Yawe, Loomina, tlesuu bolow suu ami minisi halaŋ ca a miniŋ zira kay seŋ ma teteɗna wanna halaŋŋi col ay ni koŋu, ni maŋsina lay.

2 DLAŊ MULINARA 2:5

Lini huulona ma zeɗ zeɗna ka ndak a kak Lonaɗi ni, sa ma hin ndak a minim zina kamma ni gege? Anni ge a minim zira kambage? Minni ɦawa ana hin ŋgal tlesuu li ɓivunnana fokom huwa.