1 DLAŊ MULINARA 29:12 - Boy Lonana

¹² Begera u saɓakŋa col ay ni koŋu. Aŋŋi sa ti kay tlena halaŋŋa. Eŋga u saɓakŋa ay ni koŋu, saɓak ma tli suuna kolo, ɦasi eŋgana.

1 DLAŊ MULINARA 29:12 ပူးပေါင်းရင်းမြစ်များ

1 DLAŊ MULINARA 29:13

Cecem wanda, Loomina, ami gaŋdeɓe, ami geleɗeŋ seŋ ma saɓakŋa ɦayna.

2 DLAŊ MULINARA 1:12

Yalna u wira mbeleŋŋa an ɦaŋsina wa. An ɦaŋ ɦiza hu olo. Aŋ hin fi tlena seŋ tii ki coco lay. Aŋ hin fi ni bibiŋilla muli suu kay ndaŋgarana halaŋ sa faɗ ka dew tuɗira. Muli suu hin kak ka ŋgoroŋ daganna lay ni sa ma faɗ kaɗi.»

2 DLAŊ MULINARA 16:9

Yawe ka gol yam ndaŋgara ki ni halaŋ a njun u suu hin tasi komma suu minim u hurusi belna. Dlara wanda aŋ laɗ ni ko sa ma ka wi vaɗina na, hin fok wanda aŋ ha ni eg duuna na gak gak.»

2 DLAŊ MULINARA 20:6

Asi cen Lona ana, «Yawe, Lo ma vi somoyomi suu jew dayna, aŋ ti mulla ay kolo huulona ni aŋu. Aŋ ti mulla kay njaf suu warna halaŋŋi aŋ lay. Saɓakŋa u garaaŋga halaŋ ay ni koŋu. Sa ma ndak a col fokoŋ kaɗi.

2 DLAŊ MULINARA 32:29

Nam min ɦoŋzi ŋgolna ki kay yoori mamsina ni na gaw, fi yoorina ay hu cocoo, timigiina, ɦugunina, mbutlugina kay Lona ɦammi ɦiza ŋgol cocora.

JOB 42:10

Yawe hoŋ tlesuu vi Jobma ay halaŋ hu li ma nam ha ki a cen kay ndarayammana. Yawe ɦam tlena ni sesi mba' mba' su mam suu kom jewna.

JOB 9:19

Lini an a hal ni sa ma njun kanna, nammi saɓakŋa tamba gaw. Lini a kaɓakŋa lay ni sa ma hin a col fokomma ni gege?

SOOLLA 103:19

Yawe tin dlam mamba mulla ka kolo huulona, mul mamba ti kay suuna halaŋ.

SOOLLA 28:8

Yawe ni saɓak suu mamsina, ɦoŋzi ma saɓakŋa ma suɗ saam ma Lona Fuurumma.

SOOLLA 29:1

Soolla vi David. Agi suu sunda huulona, ŋgaagi Yawe, ŋga Yawe ŋgol mamba bibiŋilla.

SOOLLA 29:11

Yawe ɦal saɓakŋa maŋ suu mamsina, Yawe paɗ vunum ki kasiya, ɦasi tara fanira lay.

SOOLLA 62:11

Lagi ayra kay lassa agi ka las suunaraɗi, tin hurugi kay tlesuu ɓaɗasi ko suuna ɦawaɗi. Lini begera zul kogi coco lay ni tin hurugi kaɗɗi.

SOOLLA 62:12

Lona ni malaŋ saɓakŋa halaŋ. An huma nam di na ni ka sem dew ɦawaɗi.

VUN ŊGOLNA 10:22

Paɗvun ma vi Yawena ndak ɦiz sana, lassa sana lassa ka fam va ay na ndeɗi.

VUN ŊGOLNA 8:18

Ҥiza u bibiŋilla ka laki ni egenu, begera u basara kay ndaŋgara ŋgolla u fira fi tlena halaŋ ka ni egenu.

DI BOLLA 5:19

Sa namma maa dla mayra ana buu mamma ka ŋgol hu duliyaraɗina kiyo, kay Lona oyom hurum ki u furira.

EZAYI 40:29

Nam ɦal saɓakŋa maŋ suu mbuɗ ki maŋina, nam so u sa ma saɓakam kaɗina.

EZAYI 43:13

Na daŋ may, anni anu. Va ma an damma sa ndak a buɗuna ki kon kaɗi, sa namma hin li ni gege? Sunda an laɗta sa ndak a ɓeŋeɗ kiɗi lay.

EZAYI 45:24

Asi hin di ki u vunusi ana, suɗta u saɓakŋa ni vi Yawe dew daŋ. Suu ŋgulunna halaŋ hin mba ki fokonu, asi hin mbuɗ ki zolona.

EZAYI 46:10

Ay hu gijaŋŋa day ni an di dlara, an min a laɗta ay kiyo. An di dla mayra hin a lira, ta bay sa waɗ tura ay ki jewe. An di ana gola dlaanda hin li ni na, ndaɗ hin li ki may. Dlara an miniɗta halaŋ an laɗu.

DANYEL 2:20

Danyel gijaŋ ɓakŋa hin di ana, «Ko suuna ŋga ni sem Lona, ko ay hu fokka na a fafaɗta, kay ana yalna u saɓakŋa ni varamu.

DANYEL 6:26

Na ɗaŋŋi mulna Dariyus ɓii maŋ suuna halaŋ, njaf suuna u dee vunusi kay yam ndaŋgara halaŋ, «ko heɓpa li u agi ŋgolo.

MATIYE 28:18

Yesu ɦuɗ tam egesi, dasi ana, «Saɓakŋa huulona may, kay ndaŋgarana may, an fam ki kon halaŋ.

Boy Ma Ayra Ma JAŊ Ɓiirimma 19:11

Yesu hoŋom dira ana, «Lini Lona ɦaŋ saɓakŋaɗi ni, aŋ ndak ka a li va egenɗi. Ni kay ndaɗta sa ɦan ay ki maŋŋa, coomba su kay maŋga.»

EFESNA 3:16

An joɓ Lona u ɦizza vi ŋgol mamba a nam mba ɦagi saɓakŋa u eŋga u Musuk mamba hurugiya.

EFESNA 3:20

Nammi sa ma ndaki a li tlena halaŋ su kay suu ay saa kasina lay, joɓosi layna day.

GA 8ATAMBARA 8:18

Humugi mba gagi ana Yawe Loogina ɦagi saɓakŋa a agi mbuɗ begera na ni namu. Ni kay a li ki u galamba nam vaɗ ay u somoyogira ko agi ka cemmi wandara na.

FILIPINA 4:13

An ndak a li tlena halaŋ kay Kristu ma ɦan saɓak nammana.

KOLOSNA 1:11

Ami joɓomi Lona kay nam mba ŋgomogi u saɓak mamma bibiŋilna ni agi hin ndak siɓ tlena halaŋ u ɗigilla.

JOSUWE 4:24

Nam li na ni kay a suu kay yam ndaŋgarana halaŋ wi ki ana Yawe, nam saɓak cocoo. Olo ni, kay a agi li ndaa Yawe, Loogina, hu buuna tew tew.»

WIRA ŊGAYRA 11:17

Di ana, «Bu Suuna, Lona ma Saɓakŋa Kom Belna aŋŋi ma ka cecemi lay, li ay jew layna, ami gaŋ deɓpa ni kay aŋ u saɓak maŋ ma ŋgolna, ka kaki kay mul maŋga cecemi.»